India Pakistan: ଟାର୍ଗେଟ ଫିକ୍ସ କଲା ସେନା, ଆଜି ରାତି ଅଧରେ ବଡ଼ ଆଟାକ୍‌!

ନୂଆଦିଲ୍ଲୀ,୩୦।୪: ଜମ୍ମୁ ଓ କଶ୍ମୀରର ପହଲଗାମରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣ ପରେ ଭାରତ ପାକିସ୍ତାନ ବିରୋଧରେ କଡ଼ା କାର୍ଯ୍ୟାନୁଷ୍ଠାନର ଯୋଜନା ପ୍ଲାନିଂ ପ୍ରସ୍ତୁତ କରିଛି। ଏହି ଆକ୍ରମଣରେ ୨୬ରୁ ଅଧିକ ନିରୀହ ଲୋକଙ୍କର ମୃତ୍ୟୁ ଘଟିଥିଲା, ଯେଉଁଥିରେ ଅଧିକାଂଶ ହିନ୍ଦୁ ଥିଲେ। ଏହା ପରେ ଦେଶରେ ପାକିସ୍ତାନ ବିରୋଧରେ ତୀବ୍ର ଆକ୍ରୋଶ ଦେଖାଦେଇଛି, ଏବଂ ଜନତା ପ୍ରତିଶୋଧର ଦାବି କରୁଛନ୍ତି।

ମଙ୍ଗଳବାର ଦିଲ୍ଲୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନୋଟି ସେନାର ମୁଖ୍ୟମାନଙ୍କ ସହ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ। ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ସେନାକୁ ମୁକ୍ତ ହସ୍ତରେ କାର୍ଯ୍ୟ କରିବାର ଅନୁମତି ଦେଇଛନ୍ତି। ମୋଦି ୩ସେନାଙ୍କୁ ଟାର୍ଗେଟ ଓ ଟାଇମ୍‌ ଲକ୍‌ କରିବାକୁ ନିର୍ଦ୍ଦେଶ ଦେଇଛନ୍ତି। ଭାରତର ଏହି ପ୍ରସ୍ତୁତି ଦେଖି ପାକିସ୍ତାନ ଆତଙ୍କରେ ରହିଛି। ସେମାନେ ଭୟଭୀତ ଯେ ଭାରତ ଯେ କୌଣସି ସମୟରେ ଜବାବୀ କାର୍ଯ୍ୟାନୁଷ୍ଠାନ କରିପାରେ।

ଏହି ଘଟଣା ପରେ ଭାରତ ସିନ୍ଧୁ ଜଳ ଚୁକ୍ତିକୁ ସ୍ଥଗିତ ରଖିଛି ଏବଂ ପାକିସ୍ତାନ ସହ କୂଟନୈତିକ ସମ୍ପର୍କ ବିଗିଡିଛି। ଅଟାରୀ ସୀମାକୁ ତୁରନ୍ତ ବନ୍ଦ କରାଯାଇଛି, ଏବଂ ପାକିସ୍ତାନୀ ନାଗରିକମାନଙ୍କୁ ୪୮ ଘଣ୍ଟା ମଧ୍ୟରେ ଭାରତ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି। ଏହା ସହିତ, ପାକିସ୍ତାନୀ ପ୍ରତିରକ୍ଷା ଅଧିକାରୀମାନଙ୍କୁ ଏକ ସପ୍ତାହ ମଧ୍ୟରେ ଦେଶ ଛାଡ଼ିବାକୁ କୁହାଯାଇଛି।

ଆଜି ଅକ୍ଷୟ ତୃତୀୟା, ଯାହା ହିନ୍ଦୁ ଓ ଜୈନ ସମ୍ପ୍ରଦାୟ ପାଇଁ ଏକ ଅତ୍ୟନ୍ତ ଶୁଭ ଦିବସ। ଏହି ଦିନରେ ଶୁଭ କାର୍ଯ୍ୟ ଆରମ୍ଭ କରିବା ଶୁଭଫଳ ଦେଇଥାଏ ବୋଲି ବିଶ୍ୱାସ କରାଯାଏ। ଏହି ଶୁଭ ମୁହୂର୍ତ୍ତରେ ଭାରତର କାର୍ଯ୍ୟାନୁଷ୍ଠାନ ଯୋଜନାକୁ ଆହୁରି ଗୁରୁତ୍ୱପୂର୍ଣ୍ଣ କରିଛି। ପାକିସ୍ତାନ ଏବେ ନିଜ ସେନାକୁ ହାଇ ଆଲର୍ଟ ଅବସ୍ଥାରେ ରଖିଛି ଏବଂ ଜାତୀୟ ସୁରକ୍ଷା କମିଟିର ଜରୁରୀ ବୈଠକ ଡାକିଛି।

ପହଲଗାମ ଆତଙ୍କବାଦୀ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନାର ବାତାବରଣ ରହିଛି। ପ୍ରଧାନମନ୍ତ୍ରୀ ମୋଦୀ ମଙ୍ଗଳବାର ତିନି ସେନାର ମୁଖ୍ୟଙ୍କ ସହ ଏକ ବୈଠକ କରିଥିଲେ। ଏହାର ସିଧାସଳଖ ପ୍ରଭାବ ପାକିସ୍ତାନରେ ଦେଖିବାକୁ ମିଳିଥିଲା। ପାକିସ୍ତାନର ସୂଚନା ମନ୍ତ୍ରୀ ଆତାଉଲ୍ଲାହ ତରାର ବୁଧବାର ଏକ ବିବୃତ୍ତି ଜାରି କରି ଦାବି କରିଛନ୍ତି, ଆମ ପାଖରେ ବିଶ୍ୱସ୍ତ ଗୋଇନ୍ଦା ସୂଚନା ଅଛି ଯେ ଭାରତ ଆଗାମୀ ୨୪-୩୬ ଘଣ୍ଟା ମଧ୍ୟରେ ପାକିସ୍ତାନ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ନେଇପାରେ।

ସୂଚନା ମନ୍ତ୍ରୀ ତରାର ଭାରତକୁ ଦୋଷ ଦେଇଛନ୍ତି। ସେ କହିଛନ୍ତି, କୌଣସି ନିରପେକ୍ଷ ତଦନ୍ତ ପରିବର୍ତ୍ତେ, ଭାରତ ସିଧାସଳଖ ସାମରିକ ପଥ ଗ୍ରହଣ କରିବାକୁ ପ୍ରସ୍ତୁତ ହୋଇଛି, ଯାହା ଆଞ୍ଚଳିକ ଶାନ୍ତି ପାଇଁ ଘାତକ ସାବ୍ୟସ୍ତ ହୋଇପାରେ। ପାକିସ୍ତାନ ସରକାର ଅନ୍ତର୍ଜାତୀୟ ବିଶେଷଜ୍ଞଙ୍କ ସହାୟତାରେ ଏହି ମାମଲାରେ ଏକ ନିରପେକ୍ଷ, ସ୍ବାଧୀନ ତଦନ୍ତ ପ୍ରସ୍ତାବ ଦେଇଛନ୍ତି। ତଥାପି, ଭାରତ ଏହାକୁ ଗ୍ରହଣ କରିନାହିଁ ଏବଂ ମୁକାବିଲାର ପଥ ବାଛିଛି।

ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖ୍ବାଜା ମହମ୍ମଦ ଆସିଫ ମଧ୍ୟ କହିଛନ୍ତି, ଆମେ ହାଇ ଆଲର୍ଟରେ ଅଛୁ ଏବଂ ଯଦି ଭାରତ ଆକ୍ରମଣ କରେ, ତେବେ ଆମେ ଜବାବ ଦେବୁ। ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଦେଶର ଅସ୍ତିତ୍ୱ ପ୍ରତି ସିଧାସଳଖ ବିପଦ ଥିଲେ ହିଁ ପରମାଣୁ ଅସ୍ତ୍ର ବ୍ୟବହାର କରାଯିବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ବିବୃତ୍ତିରେ ସ୍ପଷ୍ଟ କରିଛନ୍ତି, ଆମର ସଶସ୍ତ୍ର ବାହିନୀ ଆତଙ୍କବାଦୀଙ୍କୁ ମୂଳପୋଛ କରିବା ପାଇଁ ସମ୍ପୂର୍ଣ୍ଣ ସ୍ବାଧୀନ। ଏହା ପୂର୍ବରୁ ଭାରତ ଅନେକ ବଡ଼ ନିଷ୍ପତ୍ତି ନେଇଥିଲା, ଯାହା ପଡ଼ୋଶୀ ଦେଶରେ ଆତଙ୍କ ସୃଷ୍ଟି କରିଥିଲା। ଏହି କ୍ରମରେ, ଭାରତ ସିନ୍ଧୁ ଜଳ ଚୁକ୍ତିନାମାକୁ ବାତିଲ କରିଛି। ପାକିସ୍ତାନ ଅଧିକାରୀମାନଙ୍କୁ ଭାରତ ଛାଡିବାକୁ ନିର୍ଦ୍ଦେଶ ଦିଆଯାଇଛି। ଏହା ସହିତ ଭିଜା ବାତିଲ କରାଯାଇଛି।

୨୨ ଏପ୍ରିଲ ୨୦୨୫ରେ ଜମ୍ମୁ ଏବଂ କଶ୍ମୀରର ପହଲଗାମରେ ଏକ ଭୟଙ୍କର ଆତଙ୍କବାଦୀ ଆକ୍ରମଣ ଘଟିଥିଲା, ଯେଉଁଥିରେ ୨୬ ଜଣ ନିରୀହ ନାଗରିକଙ୍କ ମୃତ୍ୟୁ ହୋଇଥିଲା। ଏହି ଘଟଣା ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି। ଭାରତ ଏହି ଆକ୍ରମଣ ପାଇଁ ପାକିସ୍ତାନୀ ଆତଙ୍କବାଦୀ ସଂଗଠନଗୁଡ଼ିକୁ ଦାୟୀ କରିଥିବା ବେଳେ ପାକିସ୍ତାନ ଏହି ଅଭିଯୋଗଗୁଡ଼ିକୁ ସମ୍ପୂର୍ଣ୍ଣ ଭିତ୍ତିହୀନ ବୋଲି କହିଛି।

The post India Pakistan: ଟାର୍ଗେଟ ଫିକ୍ସ କଲା ସେନା, ଆଜି ରାତି ଅଧରେ ବଡ଼ ଆଟାକ୍‌! appeared first on Dharitri Odia News.