Nothing ନାଁରେ ନୂଆ ରେକର୍ଡ, ୬୦ ମିନିଟରେ ବିକ୍ରି କଲା ୬୦,୦୦୦ରୁ ଅଧିକ ଫୋନ୍

ନୂଆଦିଲ୍ଲୀ: ୟୁକେର ସ୍ମାର୍ଟଫୋନ ନିର୍ମାତା Nothing ମାର୍ଚ୍ଚ ୫ରେ ଭାରତୀୟ ବଜାରରେ ନିଜର ପ୍ରଥମ ମିଡ୍ ରେଞ୍ଜ ସ୍ମାର୍ଟଫୋନ Nothing Phone 2a ଲଞ୍ଚ କରିଥିଲା । ଏହି ଫୋନକୁ ମାର୍ଚ୍ଚ ୧୨ରେ ପ୍ରଥମ ଥର ସେଲ୍ ପାଇଁ ଉପଲବ୍ଧ କରାଯାଇଥିଲା । ସେଲ୍ ଆରମ୍ଭ ହେବା ପରେ ଫୋନ ପ୍ରତି ଗ୍ରାହକଙ୍କ ଜବରଦସ୍ତ ରେସପନ୍ସ ଦେଖିବାକୁ ମିଳିଥିଲା । Nothing Phone 2aର ବିକ୍ରି ନୂଆ ରେକର୍ଡ କରିଛି । ଫୋନର ବିକ୍ରିରେ କମ୍ପାନିର ସିଇଓ କାର୍ଲ ପେଇ ମଧ୍ୟ ବେଶ ଖୁସି ଅଛନ୍ତି । 

କମ୍ପାନିର ପ୍ରତିଷ୍ଠାତା କାର୍ଲ ପେଇ ନିଜ ଅଫିସିଆଲ୍ ଏକ୍ସ ପୋଷ୍ଟରେ ସୂଚନା ଦେଇଛନ୍ତି ଯେ Nothing ୬୦ ମିନିଟରେ ୬୦ ହଜାର Phone 2a ସ୍ମାର୍ଟଫୋନ ବିକ୍ରି କରିଛି । ଏହାସହ ନଥିଙ୍ଗ ସିଇଓ କାର୍ଲ ପେଇ ଏକ୍ସ ୟୁଜରଙ୍କ ପ୍ରଶ୍ନର ଜବାବ ଦେଇ କହିଛନ୍ତି ଯେ Phone 2a ସ୍ମାର୍ଟଫୋନ ପ୍ରଥମ ଘଣ୍ଟାରେ ମୋଟ ୬୯,୪୨୦ ଫୋନ ବିକ୍ରି କରିଛି ।

Nothing Phone 2a ଫୋନ ତିନି ଷ୍ଟୋରେଜ ଭାରିଆଣ୍ଟରେ ବଜାରରେ ଉପଲବ୍ଧ । 8GB RAM+128GB, 8GB RAM+256GB, 12GB RAM+256GB । ଏହାର ବେସ୍ ଭାରିଆଣ୍ଟର ମୂଲ୍ୟ ୨୩,୯୯୯ ଟଙ୍କା । ସେହିପରି ଅନ୍ୟ ଦୁଇର ମୂଲ୍ୟ ଯଥାକ୍ରମେ, ୨୫,୯୯୯ ଟଙ୍କା ଏବଂ ୨୭,୯୯୯ ଟଙ୍କା । ଏହି ସ୍ମାର୍ଟଫୋନର କିଣା ଉପରେ ଆଜି ୨ ହଜାର ଟଙ୍କାର ସ୍ପେଶାଲ ଡିସକାଉଣ୍ଟ ଅଫର ଥିଲା । ଏହା ବ୍ୟତୀତ ଏଚଡିଏଫସି ବ୍ୟାଙ୍କ କାର୍ଡରେ କିଣିବା ଦ୍ୱାରା ୨ ହଜାର ଟଙ୍କା ଅତିରିକ୍ତ ରିହାତି ମିଳୁଥିଲା ।