Trump Supports Putin; ୟୁକ୍ରେନକୁ ସୈନ୍ୟ ସହାୟତା ବନ୍ଦ ପରେ ଋଷ୍‌କୁ ଉପହାର ଦେବାକୁ ପ୍ରସ୍ତୁତି

ନୂଆଦିଲ୍ଲୀ: ହ୍ବାଇଟ୍ ହାଉସ୍ ହାଇଡ୍ରାମା ପରେ ଋଷ୍ ପ୍ରତି ଆମେରିକାର ବଢ଼ୁଛି ନରମ ମନୋଭାବ । ମସ୍କୋ ସହିତ ସମ୍ପର୍କ ବଢ଼ିବାରେ ଲାଗିଛି ଓ୍ବାଶିଂଟନ ।

ୟୁକ୍ରେନ ଯୁଦ୍ଧ ବେଳେ ଋଷ୍ ଉପରେ ଲାଗିଥିବା ପ୍ରତିବନ୍ଧକକୁ ହଟାଇବାକୁ ଯାଉଛି ଆମେରିକା । ଟ୍ରମ୍ପ ସରକାରରେ ଜଣେ ପ୍ରଶାସନିକ ଅଧିକାରୀ କହିଛନ୍ତି, ହ୍ବାଇଟ୍ ହାଉସର ଗୃହ ଓ ଅର୍ଥ ବିଭାଗ ଏହାକୁ ନେଇ ଏକ ଡ୍ରାଫ୍ଟ ନୋଟିସ୍ ପ୍ରସ୍ତୁତ କରୁଛି । ଏଥିରେ ଋଷ୍ ଉପରେ ଲାଗିଥିବା ସମସ୍ତ ପ୍ରତିବନ୍ଧକ ହଟାଇବା ପାଇଁ ତାଲିକା ପ୍ରସ୍ତୁତି କରାଯାଉଛି । ଆଗାମୀ ଦିନରେ ଆମେରିକା ସରକାର ଋଷ୍ ସହିତ ଆଲୋଚନା କରିବେ । ମସ୍କୋ ସହିତ ସମ୍ପର୍କ ସୁଧାରିବାକୁ ଡୋନାଲ୍ଡ ଟ୍ରମ୍ପ ଏଭଳି ପଦକ୍ଷେପ ନେଉଥିବା କୁହାଯାଉଛି ।

ସୂଚନା ଅନୁଯାୟୀ, ୟୁକ୍ରେନ ରାଷ୍ଟ୍ରପତିଙ୍କ ସହିତ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଯୁକ୍ତତର୍କ ପରେ ଋଷ୍ ଅରବପତିଙ୍କ ସହିତ ଋଷ୍ କମ୍ପାନିମାନଙ୍କ ଉପରେ ୟୁଏସଏ ଲଗାଇଖିବା ପ୍ରତିବନ୍ଧକ ହଟାଇବାକୁ ଡ୍ରାଫ୍ଟ ପ୍ରସ୍ତୁତ କରାଯାଇଛି । ଏହା ପୂର୍ବରୁ ୟୁକ୍ରେନକୁ ମିଳୁଥିବା ସୈନ୍ୟ ସହୟତା ବନ୍ଦ କରିଛିଆମେରିକା । ସୂଚନା ମୁତାବକ, ଋଷ୍ ହେଉଛି ବିଶ୍ବର ଏକ ନମ୍ବର ତୈଳ ଉତ୍ପାଦକ ଦେଶ । ଯଦି ଋଷ୍ ଉପରୁ ଆମେରିକା ପ୍ରତିବନ୍ଧକ ହଟାଇ ଦେଲେ, ବିଶ୍ବ ବଜାରରେ ଉପରମୁହାଁ ହେଉଥିବା ତୈଳ ଦର ଧୀରେ ଧୀରେ କମିବାର ସମ୍ଭାବନା ରହିଛି । 

ଗତବର୍ଷ ବାଇଡେନ ସରକାର ଥିବା କ୍ରେମଲିନ୍ କହିଥିଲେ, ଆମେରିକା ଓ ଋଷର ସମ୍ପର୍କ ଖରାପ ବୋଲି କହିଥିଲେ । ବାଇଡେନ ସରକାର ଋଷ୍ ବିରୋଧରେ ୟୁକ୍ରେନକୁ ଲଢ଼େଇ ପାଇଁ ସୈନ୍ୟ ସହାୟତା ପଠାଉଥିଲେ । ଏହା ସହିତ ପୁଟିନ ସରକାର ଉପରେ କଡ଼ା ପ୍ରତିବନ୍ଧକ ଲଗାଇଥିଲେ । 

ୟୁକ୍ରେନ-ଋଷ୍ ଯୁଦ୍ଧ ମଧ୍ୟରେ ୟୁକ୍ରେନ ରାଷ୍ଟ୍ରପତି ଭୋଲଡିମିର ଜେଲେନସ୍କି ଆମେରିକା ଗସ୍ତରେ ଯାଇଥିଲେ । ସେଠାରେ ହ୍ବାଇଟ୍ ହାଉସର ଓଭାଲ ଅଫିସରେ ଯୁଦ୍ଧବିରତି ନେଇ ଡୋନାଲ୍ଡ ଟ୍ରମ୍ପ ଏବଂ ତାଙ୍କ ମଧ୍ୟରେ ଆଲୋଚନା ହୋଇଥିଲା । ଏହି ସମୟରେ ଦୁଇ ଦେଶର ଟପ୍ ନେତାଙ୍କ ମଧ୍ୟରେ ଯୁକ୍ତତର୍କ ହୋଇଥିଲା । ଏହା ପରେ ୟୁକ୍ରେନ ରାଷ୍ଟ୍ରପତି ସିଧା ବ୍ରିଟେନରେ ପହଞ୍ଚିଥିଲେ । ଇଂଲଣ୍ଡ ପ୍ରଧାନମନ୍ତ୍ରୀ କୀର ଷ୍ଟାରମର ଖୋଲାଖୋଲି ଭାବେ ଜେଲେନସ୍କିଙ୍କୁ ସମର୍ଥନ କରିଥିଲେ । ଏହାଛଡ଼ା ୟୁରୋପୀୟ ନେତାଙ୍କ ସହିତ ମଧ୍ୟ ବୈଠକ ହୋଇଥିଲା । ଏଥିରେ ଯୁଦ୍ଧକୁ ନେଇ ମଧ୍ୟ ଆଲୋଚନା ହୋଇଛି ।  ...