ଅଧରାତିରେ ଅମିତ ଶାହାଙ୍କୁ ଭେଟିଲେ ଏକନାଥ ଶିନ୍ଦେ: ମୁଖ୍ୟମନ୍ତ୍ରୀ ବଦଳରେ ମାଗିଲେ ଏସବୁ ପଦ

ପୁଣେ,୨୯।୧୧: ମହାରାଷ୍ଟ୍ର ବିଧାନସଭା ନିର୍ବାଚନରେ ମହାୟୁତିର ପ୍ରଚଣ୍ଡ ବିଜୟ ପରେ ଏବେ ମୁଖ୍ୟମନ୍ତ୍ରୀ ଚେହେରାକୁ ନେଇ ଚୂଡ଼ାନ୍ତ ନିଷ୍ପତ୍ତି ହୋଇପାରି ନାହିଁ। ଅବଶ୍ୟ, ଏହା ନିଶ୍ଚିତ ଯେ, ଏକନାଥ ଶିନ୍ଦେ ଆଉ ମୁଖ୍ୟମନ୍ତ୍ରୀ ହେବେ ନାହିଁ। ଏହା ବଦଳରେ ସେ ବର୍ତ୍ତମାନ ଭାଜପା ହାଇକମାଣ୍ଡଙ୍କ ଠାରୁ ଏକ ବଡ ଦାବି କରିଛନ୍ତି। କେନ୍ଦ୍ର ମନ୍ତ୍ରୀ ଅମିତ ଶାହାଙ୍କୁ ଭେଟିବା ପରେ ଶିନ୍ଦେ ଶିବସେନା ପକ୍ଷ ଉପସ୍ଥାପନ କରିଥିଲେ ଏବଂ ୧୨ଟି ମନ୍ତ୍ରୀ ପଦ ସହିତ ବିଧାନ ପରିଷଦ ଅଧ୍ୟକ୍ଷ ପଦବୀ ଦାବି କରିଥିଲେ। କୁହାଯାଉଛି ଯେ, ଏକନାଥ ଶିନ୍ଦେ ଗୃହ ମନ୍ତ୍ରଣାଳୟ, ନଗର ଉନ୍ନୟନ ସମେତ ଅନେକ ଗୁରୁତ୍ୱପୂର୍ଣ୍ଣ ବିଭାଗ ପାଇଁ ଦାବି କରିଛନ୍ତି। ଏଥି ସହିତ ଶିବସେନା ପ୍ରତି ସମ୍ମାନ ରକ୍ଷା କରିବାକୁ ଅମୃତ ଶାହାଙ୍କୁ ଅନୁରୋଧ କରିଛନ୍ତି।
ଗୁରୁବାର ବିଳମ୍ବିତ ରାତିରେ ଅମିତ ଶାହାଙ୍କ ସହ ଅନୁଷ୍ଠିତ ବୈଠକରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ପଦ ସମ୍ପର୍କରେ କୌଣସି ନିଷ୍ପତ୍ତି ନିଆଯାଇ ନାହିଁ।
ସୂଚନାଯୋଗ୍ୟ ଯେ, ଶିବସେନା ମୁଖ୍ୟ ଏକନାଥ ଶିନ୍ଦେ, ଭାଜପା ନେତା ଦେବେନ୍ଦ୍ର ଫଡନଭିସ, ଏନସିପି ମୁଖ୍ୟ ଅଜିତ ପାୱାର ଏବଂ ଅନ୍ୟାନ୍ୟ ଗ୍ରାଣ୍ଡ ଆଲାଇନ୍ସର ନେତାମାନେ ଗୁରୁବାର କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏବଂ ଭାଜପା ରାଷ୍ଟ୍ରୀୟ ସଭାପତି ଜେପି ନଡାଙ୍କୁ ଭେଟିଛନ୍ତି।

The post ଅଧରାତିରେ ଅମିତ ଶାହାଙ୍କୁ ଭେଟିଲେ ଏକନାଥ ଶିନ୍ଦେ: ମୁଖ୍ୟମନ୍ତ୍ରୀ ବଦଳରେ ମାଗିଲେ ଏସବୁ ପଦ appeared first on Dharitri Odia News.