ଅଶାନ୍ତ ପଶ୍ଚିମବଙ୍ଗ, ଟିଏମସି ନେତାଙ୍କୁ ଗୁଳିକରି ହତ୍ୟା

କୋଲକାତା,୨୬।୨: ସାନ୍ଦେଶଖାଲୀ ବିବାଦ ମଧ୍ୟରେ ପଶ୍ଚିମବଙ୍ଗର ଉତ୍ତର ୨୪ ପରଗାନା ଜିଲାର ଅଶୋକନଗରରେ ହତ୍ୟା ଏକ ରାଜନୈତିକ ଝଡ଼ ସୃଷ୍ଟି କରିଛି। ରାଜ୍ୟର ଶାସକ ଦଳ ତ୍ରୁଣମୂଳ କଂଗ୍ରେସ (ଟିଏମସି) ର ଜଣେ ନେତାଙ୍କୁ ହତ୍ୟା କରାଯାଇଛି। ହତ୍ୟା ପରେ ସମଗ୍ର ଅଞ୍ଚଳରେ ଉତ୍ତେଜନା ଦେଖାଦେଇଛି। ସେଠାରେ ବହୁ ସଂଖ୍ୟକ ପୋଲିସ ନିୟୋଜିତ ହୋଇଥିଲେ ଏବଂ ଆକ୍ରମଣକାରୀଙ୍କ ସନ୍ଧାନକୁ ଜୋରଦାର କରାଯାଇଛି। ରବିବାର (୨୫ ଫେବୃଆରୀ) ରାତିରେ ଏହି ଘଟଣା ଘଟିଛି। ତେବେ ସୋମବାର (୨୬ ଫେବୃଆରୀ) ଅପରାହ୍ନ ପର୍ଯ୍ୟନ୍ତ କାହାକୁ ଗିରଫ କରାଯାଇ ନାହିଁ।
ନିହତ ଟିଏମସି ନେତାଙ୍କୁ ୪୯ ବର୍ଷିୟ ବିଜନ ଦାସ ବୋଲି ଜଣା ପଡିଛି। ପ୍ରାଥମିକ ଅନୁସନ୍ଧାନ ପରେ ଜମି ଦାବିରେ ତାଙ୍କୁ ଗୁଳି କରି ହତ୍ୟା କରାଯାଇଥିବା ପୋଲିସ ଦାବି କରିଛି। ଏହି ପ୍ରସଙ୍ଗରେ ପୋଲିସ କହିଛି ଯେ ବିଜନ ଦାସଙ୍କ ଉପରେ ସେ ଦଳର ସହକର୍ମୀଙ୍କ ଘରକୁ ଯାଉଥିବା ବେଳେ ଏହି ଆକ୍ରମଣ ହୋଇଥିଲା।
ପୋଲିସର ସୂଚନାନୁସାରେ, ଗୁମା ଏକ ନମ୍ବର ପଞ୍ଚାୟତର ଡେପୁଟି ହେଡ ଦାସଙ୍କୁ ନିକଟରୁ ଦୁଇଥର ଗୁଳି କରାଯାଇଥିଲା। ଗୋଟିଏ ଗୁଳି ତାଙ୍କ ମୁଣ୍ଡରେ ବାଜିଥିଲା ଏବଂ ଅନ୍ୟଟି ତାଙ୍କ ବାମ କାନ ଦେଇ ଯାଇଥିଲା। ପୋଲିସ କହିଛି, ତାଙ୍କୁ ବାରାସାତ ମେଡିକାଲ କଲେଜ ଏବଂ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ଆକ୍ରମଣକାରୀ ପଳାୟନ କରିଛନ୍ତି ଏବଂ ଘଟଣାର ତଦନ୍ତ ଆରମ୍ଭ ହୋଇଛି।

The post ଅଶାନ୍ତ ପଶ୍ଚିମବଙ୍ଗ, ଟିଏମସି ନେତାଙ୍କୁ ଗୁଳିକରି ହତ୍ୟା appeared first on Dharitri Odia News.