ଇଟାଲୀରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ କାନାଡା ପ୍ରଧାନମନ୍ତ୍ରୀ, ରହିଛି ଏସବୁ ଯୋଜନା

ରୋମ୍‌,୧୩ା୬: ଇଟାଲୀରେ ଅନୁଷ୍ଠିତ ଜି-୭ ଶିଖର ସମ୍ମିଳନୀରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ସାମ୍ନାସାମ୍ନି ହେବେ। ଶୁକ୍ରବାର ଉଭୟ ନେତା ସାକ୍ଷାତ କରିପାରନ୍ତି ବୋଲି ଜାଣିବାକୁ ମିଳିଛି। ଭାରତ ବିରୋଧରେ ହିଂସା ଏବଂ ଉଗ୍ରବାଦକୁ ସମର୍ଥନ କରୁଥିବା ବ୍ୟକ୍ତିବିଶେଷଙ୍କୁ ଏକ ପ୍ଲାଟ୍‌ଫର୍ମ ଦେବା ହେଉଛି କାନାଡା ସହ ମୁଖ୍ୟ ଚିନ୍ତା। ପ୍ରଧାନମନ୍ତ୍ରୀ ମୋଦି ଗୁରୁବାର ଅର୍ଥାତ୍‌ ଆଜି ଇଟାଲୀରେ ପହଞ୍ଚିବେ।

ଏଠାରେ ସେ ଲଗାତର ୫ମ ଥର ଅର୍ଥନୈତିକ ଉନ୍ନତ ଦେଶଗୁଡିକର ଶିଖର ସମ୍ମିଳନୀରେ ଅଂଶଗ୍ରହଣ କରିବେ ବୋଲି କହିଛନ୍ତି ବୈଦେଶିକ ସଚିବ ବିନୟ କ୍ୱାଟ୍ରା। ଏକ ଖବରଦାତା ସମ୍ମିଳନୀରେ ଭାରତ ଏବଂ କାନାଡା ମଧ୍ୟରେ ଥିବା ତିକ୍ତ ସମ୍ପର୍କ ବିଷୟରେ ପଚରାଯାଇଥିବା ବେଳେ କ୍ୱାଟ୍ରା ଏହି ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ମୁଖ୍ୟ ପ୍ରସଙ୍ଗ ହେଉଛି ରାଜନୈତିକ ସ୍ଥାନ ଯାହା କାନାଡା ଭାରତ ବିରୋଧୀଙ୍କୁ ଯୋଗାଇଥାଏ। ଯେଉଁମାନେ ଉଗ୍ରବାଦ ଏବଂ ହିଂସାକୁ ସମର୍ଥନ କରନ୍ତି। ଆମେ ସେମାନଙ୍କ ଚିନ୍ତାଧାରାକୁ ବାରମ୍ବାର ଜଣାଇଛୁ ଏବଂ ସେମାନଙ୍କଠାରୁ କଠୋର କାର୍ଯ୍ୟାନୁଷ୍ଠାନ ଆଶା କରୁଛୁ।

ଶୁକ୍ରବାର ଜି-୭ ସମ୍ମିଳନୀରେ ଦୁଇ ନେତା ମୁହାଁମୁହିଁ ହେବେ। ମୋଦି ସରକାର କହିଛନ୍ତି, କାନାଡା ସହ ଭାରତର ମୁଖ୍ୟ ପ୍ରସଙ୍ଗ ହିଂସା ଏବଂ ଉଗ୍ରବାଦ ହେବ। ପ୍ରଧାନମନ୍ତ୍ରୀ ମୋଦି ଇଟାଲୀ ଗସ୍ତ ପୂର୍ବରୁ କହିଥିଲେ, କାନାଡା ସହିତ ଏହାର ମୁଖ୍ୟ ପ୍ରସଙ୍ଗ ହେଉଛି ମୌଳିକତା ଏବଂ ହିଂସାକୁ ପ୍ରୋତ୍ସାହିତ କରୁଥିବା ଭାରତ ବିରୋଧୀମାନଙ୍କୁ ରାଜନୈତିକ ସ୍ଥାନ ଦେବା।

The post ଇଟାଲୀରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିବେ କାନାଡା ପ୍ରଧାନମନ୍ତ୍ରୀ, ରହିଛି ଏସବୁ ଯୋଜନା appeared first on Dharitri Odia News.