ଓଡିଶା ଉପକୂଳରୁ ପରୀକ୍ଷା ହେଲା ଆକାଶ ମିସାଇଲର ନ୍ୟୁ ଜେନେରେସନ ଭର୍ସନ

ଭୁବନେଶ୍ୱର: ଓଡିଶା ଉପକୂଳରୁ ପରୀକ୍ଷା ହେଲା ଆକାଶ ମିସାଇଲର ନ୍ୟୁ ଜେନେରେସନ ଭର୍ସନ। ସକାଳ ୧୦ଟା ୩୦ ମିନିଟରେ ହୋଇଛି ପରୀକ୍ଷଣ। ସଫଳତାର ସହିତ ଟାର୍ଗେଟ ହିଟ୍ କରିଥିବା ନେଇ ସୂଚନା ଦେଲା ଡିଆରଡିଓ। ଏନେଇ ବୈଜ୍ଞାନିକଙ୍କୁ ଅଭିନନ୍ଦନ ଜଣାଇଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ। ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଦ୍ବାରା ନୂତନ ଜେନେରେସନ୍ AKASH NGର ଏକ ସଫଳ ଉଡ଼ାଣ ପରୀକ୍ଷା କରାଯାଇଛି।

ଇଣ୍ଟିଗ୍ରେଟେଡ୍ ଟେଷ୍ଟ ରେଞ୍ଜ ଚାନ୍ଦିପୁରରୁ କ୍ଷେପଣାସ୍ତ୍ର  ପରୀକ୍ଷଣ କରାଯାଇଛି। ଏହି କ୍ଷେପଣାସ୍ତ୍ର ଟାର୍ଗେଟକୁ ସଫଳତାର ସହ ଧ୍ବଂସ କରିବାରେ ସଫଳ ହୋଇଥିବା ପ୍ରତିରକ୍ଷା ବିଭାଗ ତରଫରୁ କୁହାଯାଇଛି। ସ୍ୱଦେଶୀ ଜ୍ଞାନକୌଶଳରେ ନିର୍ମିତ ଏହି ମିସାଇଲ ରେଡିଓ ଫ୍ରିକ୍ୱେନ୍ସି, ଲଞ୍ଚର୍, ମଲ୍ଟି ଫଙ୍କସନ୍ ରାଡାର ଏବଂ କମାଣ୍ଡ, କଣ୍ଟ୍ରୋଲ୍ ଆଣ୍ଡ କମ୍ୟୁନିକେସନ୍ ସିଷ୍ଟମ ସହିତ ସମସ୍ତ ନିର୍ଦ୍ଧାରିତ ଟାର୍ଗେଟ ଛୁଇଁ ପାରିଛି । ଏହି ବିମାନ ପରୀକ୍ଷା ସମୟରେ DRDO, ଭାରତୀୟ ବାୟୁସେନା, ଭରତ ଡାଇନାମିକ୍ସ ଲିମିଟେଡ୍ ଏବଂ ଭରତ ଇଲେକ୍ଟ୍ରୋନିକ୍ସ ଲିମିଟେଡ୍ରର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ। AKASH-NG ପ୍ରଣାଳୀ ହେଉଛି ଏକ ଅତ୍ୟାଧୁନିକ କ୍ଷେପଣାସ୍ତ୍ର ପ୍ରଣାଳୀ ଯାହା ଉଚ୍ଚ ଗତି, ଚତୁର ବାୟୁ ବିପଦକୁ ରୋକିବାରେ ସକ୍ଷମ ହୋଇପାରିବ । ପରୀକ୍ଷଣର ସଫଳତାକୁ ନେଇ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ DRDO, IAF, PSU କୁ ପ୍ରଶଂସା କରିଛନ୍ତି।

The post ଓଡିଶା ଉପକୂଳରୁ ପରୀକ୍ଷା ହେଲା ଆକାଶ ମିସାଇଲର ନ୍ୟୁ ଜେନେରେସନ ଭର୍ସନ appeared first on .