'କାମର ଗୁଣବତ୍ତା ଗୁରୁତ୍ୱ ରଖେ, ସମୟ ନୁହେଁ', ସପ୍ତାହରେ ୯୦ ଘଣ୍ଟା କାମ ବିବାଦ ଉପରେ ରାଜୀବ ବଜାଜଙ୍କ ବଡ଼ ବୟାନ
ନୂଆଦିଲ୍ଲୀ: ୱାର୍କ-ଲାଇଫ୍ ସନ୍ତୁଳନକୁ ନେଇ ଆରମ୍ଭ ହୋଇଥିବା ବିତର୍କରେ ଏବେ ବଜାଜ ଅଟୋର ଏମ୍ଡି ରାଜୀବ ବଜାଜ ଏବଂ Helios କ୍ୟାପିଟାଲର ଫାଉଣ୍ଡର ସମୀର ଅରୋରା ବୟାନ ଦେଇଇନ୍ତି । ରାଜୀବ ବଜାଜ କହିଛନ୍ତି ଯେ ଯଦି ଆପଣ ସପ୍ତାହରେ ୯୦ ଘଣ୍ଟା କାମ ପରମ୍ପରା ଚାହାନ୍ତି, ତେବେ ଶୀର୍ଷରୁ ଆରମ୍ଭ କରନ୍ତୁ । ଅନ୍ୟପଟେ ଫଣ୍ଡ୍ ମ୍ୟାନେଜର ସମୀର ଅରୋରା କହିଛନ୍ତି ଯେ ସିଇଓ ହେବା ପାଇଁ କଠିନ ପରିଶ୍ରମ କରିବା ଆବଶ୍ୟକତା ରହିଛି । କୌଣସି କମ୍ପାନିର ପ୍ରମୋଟର କିମ୍ୱା ସିଇଓ ଯାହା କିଛି କରନ୍ତି ତାହା ହାସଲ କରିବା ପାଇଁ ସେମାନେ କଠିନ ପରିଶ୍ରମ କରିଛନ୍ତି ।ଉଲ୍ଲେଖଯୋଗ୍ୟ ଯେ ୱାର୍କ-ଲାଇଫ୍ ବାଲାନ୍ସକୁ ନେଇ ବିତର୍କ ବଢିବାରେ ଲାଗିଛି । ପ୍ରଥମେ ଇନଫୋସିସ୍ ସହ ପ୍ରତିଷ୍ଠାତା ନାରାୟଣ ମୂର୍ତ୍ତି ପ୍ରଥମେ ଏହି ନିଆଁ ଲଗାଇଥିଲେ । ଏକ କାର୍ଯ୍ୟକ୍ରମରେ ସେ ପରାର୍ଶମ ଦେଇ ଭାରତ ଯୁବପିଢି ଦେଶର ପ୍ରଡକ୍ଟିଭିଟିକୁ ବଢାଇବା ପାଇଁ ସପ୍ତାହକୁ ୭୦ ଘଣ୍ଟା କାମ କରିବା ଦରକାର ବୋଲି କହିଥିଲେ । ଏବେ ଲାର୍ସନ ଆଣ୍ଡ ଟୁବ୍ରୋ (ଏଲ୍ ଆଣ୍ଡ ଟି) ଅଧ୍ୟକ୍ଷ ଏସ୍ ଏନ୍ ସୁବ୍ରମଣ୍ୟନ କର୍ମଚାରୀମାନେ ସପ୍ତାହକୁ ୯୦ ଘଣ୍ଟା କାମ କରିବା ଦରକାର ବୋଲି କହିଛନ୍ତି । ଏପରି କି ରରିବାର ବି କାମ କରିବା ସପକ୍ଷରେ ବୟାନ ଦେଇଛନ୍ତି । ସୁବ୍ରମଣ୍ୟନଙ୍କ ଏହି ବୟାନକୁ ନେଇ ଏବେ ଜୋରଦାର ସମାଲୋଚନା କରାଯାଉଛି ।ସିଏନବିସି ଟିଭି ୧୮କୁ ରାଜୀବ ବଜାଜ କହିଛନ୍ତି, 'ଯଦି ଆପଣ
ନୂଆଦିଲ୍ଲୀ: ୱାର୍କ-ଲାଇଫ୍ ସନ୍ତୁଳନକୁ ନେଇ ଆରମ୍ଭ ହୋଇଥିବା ବିତର୍କରେ ଏବେ ବଜାଜ ଅଟୋର ଏମ୍ଡି ରାଜୀବ ବଜାଜ ଏବଂ Helios କ୍ୟାପିଟାଲର ଫାଉଣ୍ଡର ସମୀର ଅରୋରା ବୟାନ ଦେଇଇନ୍ତି । ରାଜୀବ ବଜାଜ କହିଛନ୍ତି ଯେ ଯଦି ଆପଣ ସପ୍ତାହରେ ୯୦ ଘଣ୍ଟା କାମ ପରମ୍ପରା ଚାହାନ୍ତି, ତେବେ ଶୀର୍ଷରୁ ଆରମ୍ଭ କରନ୍ତୁ । ଅନ୍ୟପଟେ ଫଣ୍ଡ୍ ମ୍ୟାନେଜର ସମୀର ଅରୋରା କହିଛନ୍ତି ଯେ ସିଇଓ ହେବା ପାଇଁ କଠିନ ପରିଶ୍ରମ କରିବା ଆବଶ୍ୟକତା ରହିଛି । କୌଣସି କମ୍ପାନିର ପ୍ରମୋଟର କିମ୍ୱା ସିଇଓ ଯାହା କିଛି କରନ୍ତି ତାହା ହାସଲ କରିବା ପାଇଁ ସେମାନେ କଠିନ ପରିଶ୍ରମ କରିଛନ୍ତି ।
ଉଲ୍ଲେଖଯୋଗ୍ୟ ଯେ ୱାର୍କ-ଲାଇଫ୍ ବାଲାନ୍ସକୁ ନେଇ ବିତର୍କ ବଢିବାରେ ଲାଗିଛି । ପ୍ରଥମେ ଇନଫୋସିସ୍ ସହ ପ୍ରତିଷ୍ଠାତା ନାରାୟଣ ମୂର୍ତ୍ତି ପ୍ରଥମେ ଏହି ନିଆଁ ଲଗାଇଥିଲେ । ଏକ କାର୍ଯ୍ୟକ୍ରମରେ ସେ ପରାର୍ଶମ ଦେଇ ଭାରତ ଯୁବପିଢି ଦେଶର ପ୍ରଡକ୍ଟିଭିଟିକୁ ବଢାଇବା ପାଇଁ ସପ୍ତାହକୁ ୭୦ ଘଣ୍ଟା କାମ କରିବା ଦରକାର ବୋଲି କହିଥିଲେ । ଏବେ ଲାର୍ସନ ଆଣ୍ଡ ଟୁବ୍ରୋ (ଏଲ୍ ଆଣ୍ଡ ଟି) ଅଧ୍ୟକ୍ଷ ଏସ୍ ଏନ୍ ସୁବ୍ରମଣ୍ୟନ କର୍ମଚାରୀମାନେ ସପ୍ତାହକୁ ୯୦ ଘଣ୍ଟା କାମ କରିବା ଦରକାର ବୋଲି କହିଛନ୍ତି । ଏପରି କି ରରିବାର ବି କାମ କରିବା ସପକ୍ଷରେ ବୟାନ ଦେଇଛନ୍ତି । ସୁବ୍ରମଣ୍ୟନଙ୍କ ଏହି ବୟାନକୁ ନେଇ ଏବେ ଜୋରଦାର ସମାଲୋଚନା କରାଯାଉଛି ।
ସିଏନବିସି ଟିଭି ୧୮କୁ ରାଜୀବ ବଜାଜ କହିଛନ୍ତି, 'ଯଦି ଆପଣ ସପ୍ତାହରେ ୯୦ ଘଣ୍ଟା କାମ ଚାହାନ୍ତି, ତେବେ ଶୀର୍ଷରୁ ଆରମ୍ଭ କରନ୍ତୁ । କାମରେ ଘଣ୍ଟା ସଂଖ୍ୟା ଗୁରୁତ୍ୱ ରଖେନି, କାମର ଗୁଣବତ୍ତା ଗୁରୁତ୍ୱ ରଖେ । ଆମକୁ ପୂର୍ବ ଅପେକ୍ଷା ଏବେ ଅଧିକ ଦୟାଳୁ, ସୌମ୍ୟ ଦୁନିଆର ଆବଶ୍ୟକତା ରହିଛି ।' ରାଜୀବ ବଜାଜ ନେତୃତ୍ୱରେ ଥିବା ତ୍ରୁଟିକୁ ଦୂର କରିବା ଉପରେ ଗୁରୁତ୍ୱ ଦେଇ ଅସୁବିଧା ସବୁବେଳେ ଶୀର୍ଷ ସ୍ତରରେ ରହିଥାଏ ବୋଲି କହିଛନ୍ତି । ୱାର୍କ-ଲାଇଫ୍ ବାଲାନ୍ସର ଗୁରୁତ୍ୱ କଥା ଉଲ୍ଲେଖ କରି ବଜାଜ କହିଛନ୍ତି, 'ଯଦିବି ଜଣେ ବ୍ୟକ୍ତି ସପ୍ତାହରେ ୭୦ କି ୯୦ ଘଣ୍ଟା କାମ କରୁଥିବ, ତଥାପି ତାର ଜୀବନ ଅନ୍ୟ ସବୁ ଦିଗ-ପରିବାର, ସ୍ୱାସ୍ଥ୍ୟ ଏବଂ କଲ୍ୟାଣ ସହ ଜଡ଼ିତ ରହିଥାଏ । ଏହାକୁ ଅଣଦେଖା କଲେ ବଡ଼ ମୂଲ୍ୟ ଦେବାକୁ ପଡ଼ିବ ।'
