କାହାକୁ ଚରମବାଣୀ ଶୁଣାଇଲେ ଅମରେଶ; ବିଜେଡିର କିଏ ସେ ରଙ୍ଗ ମିସ୍ତ୍ରୀ ?
ଘନେଇଲା ବିଜେଡିର ମଧ୍ୟ ଭୁବନେଶ୍ୱର ଟେନସନ୍। ବିଧାୟକ ଅନନ୍ତ ନାରାୟଣ ଜେନା ଓ କର୍ପୋରେଟର ଅମରେଶ ଜେନାଙ୍କ ଭିତରେ ବିବାଦକୁ ନେଇ ସରଗରମ ରାଜଧାନୀ ରାଜନୀତି।
ବିଜେଡିର କିଏ ସେ ରଙ୍ଗ ମିସ୍ତ୍ରୀ ? କାହାକୁ ଇଙ୍ଗିତ କରି ଚରମବାଣୀ ଶୁଣାଇଲେ ଅମରେଶ ? ଆସନ୍ତାକାଲି ବିଜେଡିର ଟାଣୁଆ କର୍ପୋରେଟର ତଥା ମଧ୍ୟ ନିର୍ବାଚନ ମଣ୍ଡଳୀର ଆଶାୟୀ ଅମରେଶ ଜେନାଙ୍କ ବନ୍ଧୁ ମିଳନ କାର୍ଯ୍ୟକ୍ରମ। କିନ୍ତୁ ତା ପୂର୍ବରୁ ଆଜି ନବୀନ ନିବାସରେ ଉଭୟ ଅନନ୍ତ ଓ ଅମରେଶଙ୍କୁ ଦେଖିବାକୁ ମିଳିଥିଲା। ଉଭୟଙ୍କ ଭିତରେ ପ୍ୟାଚ୍ ଅପ୍ ପାଇଁ ଦଳ ଚେଷ୍ଟା କରୁଥିବାର ଚର୍ଚ୍ଚା ଭିତରେ ନବୀନ ନିବାସରୁ ବାହାରି ସିଧାସଳଖ ଏହାକୁ ଖଣ୍ଡନ କରିଥିଲେ ଅମରେଶ। ହେଲେ ବନ୍ଧୁ ମିଳନ ଜରିଆରେ ଅମରେଶଙ୍କ ଶକ୍ତି ପ୍ରଦର୍ଶନର ପ୍ରସ୍ତୁତିକୁ କୁଆଡ଼େ ଭଣ୍ଡୁର କରିବାକୁ ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ଜେନା ଉଦ୍ୟମ କରୁଥିବା ନେଇ ରାଜଧାନୀ ସାରା ଚର୍ଚ୍ଚା।
