‘କେତେବେଳେ ବି ଗେମ୍‌କୁ ବଦଳାଇ ଦେବ’, IPL 2024 ପାଇଁ ଏହି ଟିମକୁ ଡାର୍କ ହର୍ସ କହିଲେ ସୁନୀଲ ଗାଭାସ୍କର୍‌

ନୂଆଦିଲ୍ଲୀ: ଭାରତୀୟ କ୍ରିକେଟ୍ ଟିମର ପୂର୍ବତନ ଅଧିନାୟକ ସୁନୀଲ ଗାଭାସ୍କର ଆଇପିଏଲର ପରବର୍ତ୍ତୀ ସଂସ୍କରଣକୁ ନେଇ ଏକ ବଡ଼ ବୟାନ ଦେଇଛନ୍ତି । ଷ୍ଟାର ସ୍ପୋର୍ଟ୍ସର କାର୍ଯ୍ୟକ୍ରମରେ ଗାଭାସ୍କର ସେହି ଟିମର ନାଁ ଘୋଷଣା କରିଛନ୍ତି, ଯିଏ ଟୁର୍ଣ୍ଣାମେଣ୍ଟରେ କେବେ ବି କେତେବେଳେ ବି ଗେମକୁ ବଦଳାଇ ପାରିବ । କିଙ୍ଗ ଖାନଙ୍କ ଟିମ୍ କେକେଆରକୁ ଡାର୍କ ହର୍ସ ବୋଲି ଗାଭାସ୍କର କହିଛନ୍ତି । 

କାର୍ଯ୍ୟକ୍ରମରେ ଗାଭାସ୍କର କହିଛନ୍ତି, 'କେକେଆର ଏପରି ଏକ ଟିମ୍, ଯିଏ ଏହି ଆଇପିଏଲରେ ଡାର୍ସ ହର୍ସ ଅଟେ । ସେ ଯେକୌଣସି ସମୟରେ ଖେଳର ରୂପ ବଦଳାଇ ପାରିବ । ତାଙ୍କ ପାଖରେ ଚମତ୍କାର ବ୍ୟାଟିଂ ଆଟାକ୍ ରହିଛି । ରସେଲଙ୍କ ପରି ଖେଳାଳି ଅଛନ୍ତି, ଯିଏ ଗେମ ଚେଞ୍ଜର ହୋଇପାରିବେ । ରସେଲ ନମ୍ୱର ୬ ଏବଂ ୭ରେ ବ୍ୟାଟିଂ କରିବେ । କେକେଆର ଏକ ମଜଭୁତ ଟିମ୍ । ଆୟର ଆସିବା ପରେ ଟିମ ଏକ ଅଲଗା ଯୋଶରେ ଅଛି ।'

ପଢନ୍ତୁ: SRH ପାଇଁ ଖୁସି ଖବର, ICCର ବ୍ୟାନ ପରେ IPLକୁ ଫେରିବେ ଓ୍ଵାନିନ୍ଦୁ ହସରଙ୍ଗା

ଅନ୍ୟପଟେ, ଗୌତମ ଗମ୍ଭୀରଙ୍କ କେକେଆରକୁ ଫେରିବା ଉପରେ ମଧ୍ୟ ଗାଭାସ୍କର ନିଜ ମତ ରଖିଛନ୍ତି । ସେ କହିଛନ୍ତି, 'ଚନ୍ଦ୍ରକାନ୍ତ ପଣ୍ଡିତ ଏବଂ ଗମ୍ଭୀରଙ୍କ ମଧ୍ୟରେ ଚମତ୍କାର ତାଳମେଳ ରହିବ । ଦୁହିଁଙ୍କ ପର୍ସନାଲିଟି ମଜଭୁତ । କେକେଆର ଟାଇଟଲ୍ ଜିତିବା ପାଇଁ ପ୍ରବଳ ଦାବିଦାର ଅଛି ।'

ଏହା ବ୍ୟତୀତ ଗାଭାସ୍କର ଅନ୍ୟ ଦୁଇ ଖେଳାଳିଙ୍କ ନାଁ ଘୋଷଣା କରିଛନ୍ତି, ଯେଉଁମାନେ ଆଗମୀ ସଂସ୍କରଣରେ ଷ୍ଟାର ହୋଇପାରନ୍ତି । ଧ୍ରୁବ ଜୁରେଲ ଏବଂ ଆକାଶ ଦୀପଙ୍କ ନାଁ ନେଇଛନ୍ତି । ଦୁହେଁ ଆଗାମୀ ସଂସ୍କରଣରେ ଭଲ ପ୍ରଦର୍ଶନ କରିବେ ବୋଲି ସେ କହିଛନ୍ତି ।