କ୍ୟାନସର ସହ ଲଢୁଛନ୍ତି ଭେଟେରାନ କ୍ରିକେଟର, ୧ କୋଟି ସହାୟତା ରାଶି ଘୋଷଣା କଲା ବିସିସିଆଇ

ନୂଆଦିଲ୍ଲୀ,୧୪।୭: ଭାରତୀୟ କ୍ରିକେଟ ଦଳର ପୂର୍ବତନ ପ୍ରଶିକ୍ଷକ ତଥା କ୍ରିକେଟର ଅଂଶୁମାନ ଗାୟକୱାଡ ବର୍ତ୍ତମାନ ରକ୍ତ କର୍କଟ ଭଳି ଗୁରୁତର ରୋଗରେ ପୀଡିତ ଅଛନ୍ତି। ଏହି ୭୧ ବର୍ଷ ବୟସ୍କ ଭେଟେରାନ କ୍ରିକେଟର ଲଣ୍ଡନରେ ଚିକିତ୍ସିତ ହେଉଥିଲେ ଏବଂ ଏହି ସୂଚନା ପାଇବା ମାତ୍ରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ପକ୍ଷରୁ ଏକ ସହାୟତା ଘୋଷଣା କରାଯାଇଛି। ଅଂଶୁମାନ ଗାୟକୱାଡଙ୍କ ଚିକିତ୍ସା ପାଇଁ ତୁରନ୍ତ ୧ କୋଟି ଟଙ୍କା ଦେବାକୁ ବୋର୍ଡ ନିଷ୍ପତ୍ତି ନେଇଛି। ବିସିସିଆଇ ସଚିବ ଜୟ ଶାହାଙ୍କଠାରୁ ଏହି ସୂଚନା ପାଇବା ମାତ୍ରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ପରିବାର ସଦସ୍ୟଙ୍କ ସହ କଥାବାର୍ତ୍ତା ବେଳେ ସେ ଭେଟେରାନଙ୍କ ସ୍ବାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝିଥିଲେ।

ଶନିବାର ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ କପିଲ ଦେବଙ୍କ ଦ୍ୱାରା ଏହି ଖବର ଶେୟାର କରାଯାଇଥିଲା ଯେ ତାଙ୍କ ସାଥୀ ଅଂଶୁମାନ ଗାୟକୱାଡ କର୍କଟ ରୋଗରେ ପୀଡିତ ଅଛନ୍ତି। ସେ କହିଛନ୍ତି ଯେ ତାଙ୍କ ସହ ଖେଳିଥିବା ଏହି ବ୍ୟାଟ୍ସମ୍ୟାନ ବହୁତ ଅସୁବିଧାର ସମ୍ମୁଖୀନ ହେଉଛନ୍ତି। କପିଲ ସହାୟତା ପାଇଁ ବିସିସିଆଇକୁ ଅନୁରୋଧ କରିଥିଲେ। ଏହି ଖବର ଆସିବା ମାତ୍ରେ ବିସିସିଆଇ ସଚିବ ଅଂଶୁମାନ ଗାୟକୱାଡଙ୍କୁ ୧କୋଟି ଟଙ୍କା ସହାୟତା ପ୍ରଦାନ କରିବାକୁ ଘୋଷଣା କରିଛନ୍ତି।

ଭାରତକୁ ବିଶ୍ୱ ଚାମ୍ପିୟନ କରିଥିବା କ୍ୟାପଟେନ କପିଲ ପ୍ରକାଶ କରିଛନ୍ତି ଯେ ସେ ପୂର୍ବତନ ସାଥୀ କ୍ରିକେଟର ମୋହିନ୍ଦର ଅମରନାଥ, ସୁନୀଲ ଗାଭାସ୍କର, ସନ୍ଦୀପ ପାଟିଲ, ଦିଲୀପ ଭେଙ୍ଗସରକର, ମଦନ ଲାଲ, ରବି ଶାସ୍ତ୍ରୀ ଏବଂ କିର୍ତ୍ତୀ ଆଜାଦଙ୍କ ସହ ମିଶି ବର୍ତ୍ତମାନ କର୍କଟ ରୋଗରେ ପୀଡିତ ଥିବା ଗାୟକୱାଡଙ୍କ ଚିକିତ୍ସା ପାଇଁ ଟଙ୍କା ଯୋଗାଡ କରୁଛନ୍ତି। କର୍କଟ ବିରୋଧରେ ଲଢିବାକୁ ଯେପରି ଅର୍ଥର ଅଭାବ ନହେଉ ସେଥିପାଇଁ ସେମାନେ ସମସ୍ତେ ଏକାଠି କାମ କରୁଛନ୍ତି। ବିସିସିଆଇ ଉପରେ ଆତ୍ମବିଶ୍ୱାସ ପ୍ରକାଶ କରି କପିଲ ସହାୟତା ପାଇଁ ଆଗକୁ ଆସି ଆର୍ଥିକ ସହାୟତା ପାଇଁ ଆବେଦନ କରିଥିଲେ।
କିଛି ଦିନ ପୂର୍ବେ ସେ ତାଙ୍କ ସାଥୀ ଅଂଶୁମାନ ଗାୟକୱାଡଙ୍କ କର୍କଟ ବିଷୟରେ ସୂଚନା ଦେବାବେଳେ ଭାବପ୍ରବଣ ହୋଇଥିଲେ। ସେ କହିଛନ୍ତି ଯେ ପଡ଼ିଆରେ ଠିଆ ହେବା ସମୟରେ ଛାତିରେ ଫାଷ୍ଟ ବଲ ନେଇଥିବା ଖେଳାଳିଙ୍କ ପାଇଁ ଆମକୁ ବର୍ତ୍ତମାନ ଠିଆ ହେବା ଆବଶ୍ୟକ। ଆମେ ସେମାନଙ୍କୁ ସାହାଯ୍ୟ କରିବାକୁ ଚାହୁଁ କିନ୍ତୁ ଟଙ୍କା କେଉଁଠିକୁ ପଠାଇବୁ ଯଦି ଏକ ଟ୍ରଷ୍ଟ ଥାଏ ତେବେ ଏଥିରେ ଟଙ୍କା ଦିଆଯାଇଥାନ୍ତା । ମୋର ବିସିସିଆଇ ଉପରେ ବିଶ୍ୱାସ ଅଛି ଯେ ଏହା ନିଶ୍ଚିତ ଭାବେ ପୂର୍ବତନ କ୍ରିକେଟରଙ୍କୁ ଏହି ସମସ୍ୟାରେ ସାହାଯ୍ୟ କରିବ । ସେମାନଙ୍କୁ ସାହାଯ୍ୟ କରିବା ପାଇଁ ଆମେ ଆମର ପେନସନ ଦାନ କରିବାକୁ ମଧ୍ୟ ପ୍ରସ୍ତୁତ।

BCCI Secretary Jay Shah instructed BCCI to release Rs 1 crore with immediate effect to provide financial assistance to India’s veteran cricketer Anshuman Gaekwad, who is battling cancer. Shah also spoke to Gaekwad's family and took stock of the situation and provided assistance:…

— ANI (@ANI) July 14, 2024

The post କ୍ୟାନସର ସହ ଲଢୁଛନ୍ତି ଭେଟେରାନ କ୍ରିକେଟର, ୧ କୋଟି ସହାୟତା ରାଶି ଘୋଷଣା କଲା ବିସିସିଆଇ appeared first on Dharitri Odia News.