ଚତୁର୍ଥ ବ୍ୟାଚ ଅଗ୍ନିବୀରଙ୍କ ପାସିଂ ଆଉଟ ପରେଡ ସମାରୋହ, ସାମିଲ ହେଲେ ୧୩୮୯ ଅଗ୍ନିବୀର

ଭାରତୀୟ ନୌସେନାରେ ନବ ନିଯୁକ୍ତ ଅଗ୍ନିବୀର ଚତୁର୍ଥ ବ୍ୟାଚର ପାସିଂ ଆଉଟ ପରେଡ ସମାରୋହ ଅନୁଷ୍ଠିତ  l ଆଇଏନଏସ ଚିଲିକାର ଭବ୍ୟ ପରେଡ ଗ୍ରାଉଣ୍ଡରେ ଆୟୋଜିତ ଏହି ସମାରୋହରେ ଭାରତୀୟ ନୌସେନାର ୨୧୬ ମହିଳା ଅଗ୍ନିବୀରଙ୍କ ସମେତ ୧୩୮୯ ଅଗ୍ନିବୀର ସାମିଲ ହୋଇଥିଲେ  l ମୁଖ୍ୟ ଅତିଥି ଭାବେ ନାଭାଲ ଷ୍ଟାଫ ମୁଖ୍ୟ ଆଡମିରାଲ ଦୀନେଶ କେ ତ୍ରିପାଠୀ ସାମିଲ ହୋଇ ନବନିଯୁକ୍ତ ଅଗ୍ନିବୀରଙ୍କ ପ୍ୟାରେଡର ସମୀକ୍ଷା କରି ଅଭିବାଦନ ଗ୍ରହଣ କରିଥିଲେ  l

ନୌସେନାରେ ଅଗ୍ନିବୀରଙ୍କ ଯାତ୍ରା ରୋମାଞ୍ଚକର ରହିବ  l ଦେଶର ରାଷ୍ଟ୍ରୀୟ ହିତ ପାଇଁ ନିଜକୁ ଉତ୍ସର୍ଗୀକୃତ କରିବାକୁ ଆହ୍ୱାନ ଦେଇଥିଲେ ନୌସେନା ମୁଖ୍ୟ ଆଡମିରାଲ ତ୍ରିପାଠୀ  l ଅନ୍ୟତମ ଅତିଥି ଭାବେ ଦକ୍ଷିଣ ନୌସେନା କମାଣ୍ଡର ଫ୍ଲାଗ ଅଫିସର କମାଣ୍ଡିଂ- ଇନ୍ -ଚିଫ୍ ତଥା ଭାଇସ୍ ଆଡମିରାଲ ଭି. ଶ୍ରୀନିବାସ ପ୍ୟାରେଡ୍ ର ପରିଚାଳନା କରିଥିଲେ  l ୧୬ ସପ୍ତାହର ପ୍ରାରମ୍ଭିକ ପ୍ରଶିକ୍ଷଣ ପରେ ଏବେ ଯୁଦ୍ଧ ପ୍ରସ୍ତୁତି ଏବଂ ଭାରତୀୟ ନୌସେନାରେ ନୂତନ ଯାତ୍ରା ଆରମ୍ଭକରିବେ ଅଗ୍ନିବୀର  l ପ୍ୟାରେଡ ସମୟରେ ଯୋଗ୍ୟ ଅଗ୍ନିବୀରମାନଙ୍କୁ ବିଭିନ୍ନ ବର୍ଗରେ ନୌସେନା ମୁଖ୍ୟ ପୁରସ୍କାର ପ୍ରଦାନ କରିଥିଲେ । କାର୍ଯ୍ୟକ୍ରମରେ ଉତ୍ତୀର୍ଣ୍ଣ ହୋଇଥିବା ଅଗ୍ନିବୀରଙ୍କ ପରିବାର, ବରିଷ୍ଠ ନୌସେନା ଅଧିକାରୀ ଏବଂ କ୍ରୀଡ଼ାବିତ ଉପସ୍ଥିତ ରହିଥିଲେ ।

The post ଚତୁର୍ଥ ବ୍ୟାଚ ଅଗ୍ନିବୀରଙ୍କ ପାସିଂ ଆଉଟ ପରେଡ ସମାରୋହ, ସାମିଲ ହେଲେ ୧୩୮୯ ଅଗ୍ନିବୀର appeared first on KNews Odisha.