ଚନ୍ଦ୍ରରୁ ପଥର ଖଣ୍ଡ ଧରି ପୃଥିବୀ ଫେରିବ ଚନ୍ଦ୍ରଯାନ-୪

ନୂଆଦିଲ୍ଲୀ,୬।୨: ଭାରତ ୨୦୨୭ରେ ଚନ୍ଦ୍ରଯାନ-୪ ମିଶନ ଲଞ୍ଚ କରିବ। ଏହା ଚନ୍ଦ୍ରପୃଷ୍ଠରୁ ପଥର ଖଣ୍ଡ ଧରି ଭାରତ ଫେରିବ ବୋଲି ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀ ଜିତେନ୍ଦ୍ର ସିଂ ଗୁରୁବାର କହିଛନ୍ତି।

ଚନ୍ଦ୍ରଯାନ-୪ରେ ଓଜନଦାର ଏଲ୍‌ଭିଏମ୍‌-୩ ରକେଟର ଅନୂ୍ୟନ ୨ଟି ଅଲଗା ଲଞ୍ଚ କରାଯିବ। ଏହା ମିଶନର ୫ଟି ଭିନ୍ନ କମ୍ପୋନେଣ୍ଟକୁ ବହନ କରିବ, ଯାହା କକ୍ଷପଥରେ ଏକାଠି ହେବେ।

ଆସନ୍ତାବର୍ଷ ଗଗନୟାନ ମହାକାଶକୁ ପ୍ରେରଣ କରାଯିବ। ଏହା ଭାରତୀୟ ମହାକାଶଚାରୀଙ୍କୁ ସ୍ବତନ୍ତ୍ର ସ୍ପେସ୍‌କ୍ରାଫ୍ଟରେ ପୃଥିବୀର ନିମ୍ନ କକ୍ଷପଥକୁ ନେଇ ସେଠାରୁ ନିରାପଦର ସହ ଫେରାଇ ଆଣିବ। ଏହା ବ୍ୟତୀତ ୨୦୨୬ରେ ସମୁଦ୍ରୟାନ ଲଞ୍ଚ କରାଯିବା ଯୋଜନା ରହିଛି। ମହାସାଗରର ୬ ହଜାର ମିଟର ଗଭୀରରେ ଥିବା ଶଯ୍ୟା ଉପରେ ଗବେଷଣା ପାଇଁ ଏହି ଯାନ ୩ ଜଣ ବୈଜ୍ଞାନିକଙ୍କୁ ନେଇ ସେଠାକୁ ଯିବ ବୋଲି ସିଂ କହିଛନ୍ତି।

The post ଚନ୍ଦ୍ରରୁ ପଥର ଖଣ୍ଡ ଧରି ପୃଥିବୀ ଫେରିବ ଚନ୍ଦ୍ରଯାନ-୪ appeared first on Dharitri Odia News.