ଚିହିଁକି ଉଠିଲେ ରାହୁଲ, ମୁଖ୍ୟମନ୍ତ୍ରୀ ଯୋଗୀଙ୍କ ଭବିଷ୍ୟତ ପାଇଁ ଦେଲେ ପରାମର୍ଶ, ଜାଣନ୍ତୁ କାହିଁକି…

ନୂଆଦିଲ୍ଲୀ, ୨୯।୧: ପ୍ରୟାଗରାଜ ମହାକୁମ୍ଭରେ ଦଳାଚକଟା ଘଟଣା ସମ୍ପର୍କରେ କଂଗ୍ରେସ ନେତା ରାହୁଲ ଗାନ୍ଧୀ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଗଭୀର ଚିନ୍ତା ପ୍ରକାଶ କରିଛନ୍ତି। ଏହି ଦୁଃଖଦ ଘଟଣାରେ ମୃତ ଭକ୍ତମାନଙ୍କ ପ୍ରତି ସମବେଦନା ଜଣାଇ ସେ ପୋଷ୍ଟ କରିଛନ୍ତି। ରାହୁଲ ଗାନ୍ଧୀ କହିଛନ୍ତି ଯେ ଏହି ଘଟଣାରେ ଅନେକ ଲୋକ ପ୍ରାଣ ହରାଇଛନ୍ତି ଏବଂ ଅନେକ ଗୁରୁତର ଆହତ ହୋଇଛନ୍ତି, ଯାହା ଅତ୍ୟନ୍ତ ଦୁଃଖଦାୟକ। ସେ ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ଏବଂ ଆହତମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି।

ଏହି ଦୁଃଖଦ ଘଟଣା ପାଇଁ ରାହୁଲ ଗାନ୍ଧୀ ପ୍ରଶାସନର କୁପରିଚାଳନା ଦାୟୀ କରିଛନ୍ତି। ସେ କହିଛନ୍ତି , ପ୍ରଶାସନ ସାଧାରଣ ଭକ୍ତଙ୍କ ସୁରକ୍ଷା ଏବଂ ଆବଶ୍ୟକତା ଅପେକ୍ଷା ଭିଆଇପି ଗତିବିଧି ଉପରେ ଅଧିକ ଧ୍ୟାନ ଦେଇଥିଲା, ଯାହା ଫଳରେ ଏପରି ଦଳାଚକଟା ଭଳି ପରିସ୍ଥିତି ସୃଷ୍ଟି ହୋଇଥିଲା। ସେ କହିଥିଲେ , ମହାକୁମ୍ଭ ଭଳି କାର୍ଯ୍ୟକ୍ରମରେ ପ୍ରଶାସନ ସାଧାରଣ ଭକ୍ତଙ୍କ ସୁରକ୍ଷାକୁ ସର୍ବାଧିକ ପ୍ରାଥମିକତା ଦେବା ଉଚିତ୍‌ ଥିଲା।

ରାହୁଲ ଗାନ୍ଧୀ ଏହା ମଧ୍ୟ କହିଛନ୍ତି , ମହାକୁମ୍ଭ ଏବେ ବି ଚାଲିଛି ଏବଂ ଅନେକ ମହାସ୍ନାନ ହେବାକୁ ବାକି ଅଛି। ଏପରି ପରିସ୍ଥିତିରେ, ଭବିଷ୍ୟତରେ ଏପରି ଘଟଣା ଯେପରି ନ ଘଟେ, ସେଥିପାଇଁ ସରକାରଙ୍କୁ ଶୀଘ୍ର ବ୍ୟବସ୍ଥାରେ ଉନ୍ନତି ଆଣିବାକୁ ପଡିବ। ସେ ପ୍ରଶାସନ ନିକଟରେ ଦାବି କରିଛନ୍ତି ଯେ ଭିଆଇପି ସଂସ୍କୃତି ଉପରେ ରୋକ ଲଗାଯାଉ ଏବଂ ସରକାର ସାଧାରଣ ଭକ୍ତଙ୍କ ପାଇଁ ଉତ୍ତମ ବ୍ୟବସ୍ଥା କରିବା ଉଚିତ୍‌।

The post ଚିହିଁକି ଉଠିଲେ ରାହୁଲ, ମୁଖ୍ୟମନ୍ତ୍ରୀ ଯୋଗୀଙ୍କ ଭବିଷ୍ୟତ ପାଇଁ ଦେଲେ ପରାମର୍ଶ, ଜାଣନ୍ତୁ କାହିଁକି… appeared first on Dharitri Odia News.