ଛାତିଥରା କାର ଦୁର୍ଘଟଣା, ଘଟଣାସ୍ଥଳରେ ତିନି ମୃତ ଜଣେ ଗୁରୁତର ଆହତ

ଇଂଲଣ୍ଡର ନଟିଂହାମଶାୟାରରେ ଦୁଇଟି କାର ଦୁର୍ଘଟଣାରେ ତିନି ଜଣଙ୍କର ମୃତ୍ୟୁ ହୋଇଛି । ଗୁରୁବାର ରାତି ୧୧ଟା ସମୟରେ ଟୋଲରଟନର କୋଟଗ୍ରେଭ ରୋଡରେ ଏକ ଦୁର୍ଘଟଣା ହୋଇଥିଲା । ଯେଉଁଥିରେ ଜଣେ ୨୩ ବର୍ଷୀୟ ଡ୍ରାଇଭର ସମେତ ଦୁଇ ଯାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଅନ୍ୟ ଦୁଇ ଯାତ୍ରୀଙ୍କ ବୟସ ୧୯ ଏବଂ ୨୧ ବର୍ଷ ବୋଲି ଜଣାପଡ଼ିଛି ।

ନଟିଂହାମଶାୟାର ପୋଲିସ କହିଛି ମୁହାଁମୁହିଁ ହୋଇଥିବା କାରରେ ବସିଥିବା ୨୬ ବର୍ଷୀୟ ଡ୍ରାଇଭରଙ୍କ ଅସାବଧାନତା କାରଣରୁ ଏହି ଦୁର୍ଘଟଣା ଘଟିଛି । ବେପରୁଆ ଗାଡ଼ି ଚାଳନାରେ ମୃତ୍ୟୁ ଘଟାଇବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଦୁର୍ଘଟଣା ତଦନ୍ତ କାର୍ଯ୍ୟ ଜାରି ରହିଛି ଏବଂ ଶୁକ୍ରବାର ଅପରାହ୍ନ ପର୍ଯ୍ୟନ୍ତ A606 ରୁ ଟୋଲରଟନ୍ ଲେନ୍ ପର୍ଯ୍ୟନ୍ତ କୋଟଗ୍ରେଭ୍ ରୋଡ୍ ବନ୍ଦ କରିଦିଆଯାଇଛି ।

ସିରିୟସ୍ କୋଲିଜନ୍ ଇନଭେଷ୍ଟିଗେସନ୍ ୟୁନିଟର ସାର୍ଜେଣ୍ଟ ମାର୍କ ବେକର କହିଛନ୍ତି ଯେ ସମ୍ପୂର୍ଣ୍ଣ ତଦନ୍ତ କରାଯାଉଛି । ସେ କହିଛନ୍ତି: ‘‘ଏହି ଘଟଣାରେ ତିନି ଜଣ ବ୍ୟକ୍ତି ପ୍ରାଣ ହରାଇଛନ୍ତି ଏବଂ ଦୁଃଖଦାୟକ ସମୟରେ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ।

ଏଥି ସହ ପୀଡିତଙ୍କ ସମ୍ପର୍କୀୟମାନଙ୍କୁ ସୂଚନା ଦିଆଯାଇଛି ଏବଂ ସ୍ୱତନ୍ତ୍ର ତାଲିମପ୍ରାପ୍ତ ଅଧିକାରୀମାନେ ସେମାନଙ୍କୁ ସମର୍ଥନ କରିବେ । ଗୁରୁବାର ଦିନ ୱେଷ୍ଟ ବ୍ରିଜଫୋର୍ଡ, ଲଣ୍ଡନ ରୋଡ୍ ଏବଂ ହାଇଫିଲ୍ଡସ୍ ଅଗ୍ନିଶମ କେନ୍ଦ୍ରରୁ ଅଗ୍ନିଶମ କର୍ମଚାରୀମାନଙ୍କୁ ମଧ୍ୟ ଘଟଣାସ୍ଥଳକୁ ଡକାଯାଇଥିଲା ।

The post ଛାତିଥରା କାର ଦୁର୍ଘଟଣା, ଘଟଣାସ୍ଥଳରେ ତିନି ମୃତ ଜଣେ ଗୁରୁତର ଆହତ appeared first on KNews Odisha.