ଜାଣନ୍ତୁ ନିଜ ସିଭି ସେୟାର କରି କ’ଣ କହିଲେ ଅନୁପମ ଖେର

୫୦୦ରୁ ଅଧିକ ସିନେମା କରିଥିବା କଳାକାର ଓ ନିର୍ଦ୍ଧେଶକ ଅନୁପମ ଖେର ନିକଟରେ ନିଜର ସିଭି ଲିଙ୍କଡଇନ୍‌ରେ ସେୟାର କରିଛନ୍ତି । ଯେଉଁଥିରେ ନିଜର ଫିଲ୍ମ କାରିୟର ଠାରୁ ଆରମ୍ଭ କରି ବ୍ୟକ୍ତଗତ ଜୀବନ ପର୍ଯ୍ୟନ୍ତ ସମସ୍ତ ତଥ୍ୟ ଦେଇଛନ୍ତି । ‘ସାରାଂଶ’ ଏବଂ ‘ କୁଛ କୁଛ ହୋତା ହୈ ’ ଭଳି ଅନେକ ଫିଲ୍ମରେ ନିଖୁଣ ଅଭିନୟ କରିଥିବା ଅନୁପମ ଖେରଙ୍କର ଏହି ପୋଷ୍ଟଟି ଫ୍ୟାନ୍ସମାନଙ୍କୁ ଖୁବ୍‌ ଆଶ୍ଚର୍ଯ୍ୟ କରିଛି ।

ସିଭି ମାଧ୍ୟମରେ ଅନୁପମ ଖେର ନିଜର ପ୍ରଫେସନ୍‌ ଲାଇଫ୍‌ ଉପରେ ଲୋକମାନଙ୍କର ଧ୍ୟାନ ଆକର୍ଷଣ କରିଛନ୍ତି । ଯେଉଁଥିରେ ତାଙ୍କର ଅଭିନୟର ଦକ୍ଷତା ସହ ତାଙ୍କ ଜୀବନର କାହାଣୀକୁ ଖୁବ୍‌ ସୁନ୍ଦର ଭାବେ ଉପସ୍ଥାପନା କରିଛନ୍ତି । ସେ ଇନଷ୍ଟାଗ୍ରମରେ ମଧ୍ୟ ନିଜ ସିଭି ସେୟାର କରି କହିଛନ୍ତି, ପ୍ରତି ୫ ବର୍ଷରେ ମୁଁ ନିଜର ସିଭି ଅପ୍‌ଡେଟ୍‌ କରେ, ଆଶା କରୁଛି ଆପଣମାନଙ୍କୁ ମୋର ସିଭି ପସନ୍ଦ ଆସିବ ।

ଅଭିନେତା ଅନୁପମ ଖେର ସିଭିରେ ନିଜକୁ ଗୋଟେ ଭଲ ଅଭିନେତା ସହ ଭଲ ମଣିଷ ବୋଲି ଦର୍ଶାଇଛନ୍ତି । ୫୦୦ରୁ ଅଧିକ ଭୂମିକାରେ ଅଭିନୟ କରିସାରିଥିବା ଅଭିନେତା ତାଙ୍କ ସିଭିରେ ଏହା ମଧ୍ୟ କହିଛନ୍ତି, କି ମୁଁ ଏବେ ବି ମୋର ମନପସନ୍ଦ ଭୂମିକାର ସନ୍ଧାନରେ ଅଛି । ଯେବେ ପର୍ଯ୍ୟନ୍ତ ମୋତେ ସେହି ଭୂମିକା ମିଳିନାହିଁ । ଯାହାକୁ ନେଇ ମୋତେ ଏକ ଭିନ୍ନପ୍ରକାରର ଶାନ୍ତି ଅନୁଭବ ନହୋଇଛି । ସେ ପର୍ଯ୍ୟନ୍ତ ମୁଁ ଜଣେ ଷ୍ଟ୍ରଗ୍‌ଲିଙ୍ଗ୍‌ ଆକ୍ଟର ରହିବି ।

ଆମେ କହି ରଖୁଛୁ କି, ଏବେ ଅନୁପମ ଖେର ତାଙ୍କର ଆଗାମୀ ସିନେମା ‘ତାନଭି ଦି ଗ୍ରେଟ୍‌ ’ରେ କାମ କରୁଛନ୍ତି । ଏହି ସିନେମା ଅନୁପମ ଖେର ଷ୍ଟୁଡ଼ିଓ ବ୍ୟାନରରେ ତିଆରି ହେଉଛି । ଏହା ସହ ତାଙ୍କର ‘ବିଜୟ ୬୯’ ଓ ‘ଏମରଜେନ୍ସି’ ଫିଲ୍ମ ଆସିବାକୁ ଯାଉଛି ।

The post ଜାଣନ୍ତୁ ନିଜ ସିଭି ସେୟାର କରି କ’ଣ କହିଲେ ଅନୁପମ ଖେର appeared first on KNews Odisha.