ଜାପାନରେ ୩ ଦଶନ୍ଧିର ସବୁଠୁ ବଡ଼ ବନାଗ୍ନି, ନିଆଁ ଆୟତ୍ତ କରିବା ଲାଗି ୨୦୦୦ ଅଗ୍ନିଶମ କର୍ମଚାରୀ ନିୟୋଜିତ

ନୂଆଦିଲ୍ଲୀ: ଆମେରିକା ପରେ ଏବେ ଜାପାନ ଗତ ତିନି ଦଶନ୍ଧିର ସବୁଠୁ ବଡ଼ ବନାଗ୍ନିର ସାମନା କରୁଛି । ନିଆଁକୁ ଆୟତ୍ତ କରିବା ପାଇଁ ଯୁଦ୍ଧସ୍ତରରେ କାର୍ଯ୍ୟ କରାଯାଉଛି । ଜଙ୍ଗଲ ନିଆଁକୁ କାବୁ କରିବା ପାଇଁ ଅଗ୍ନିଶମ ବାହିନୀର ୨ ହଜାର କର୍ମଚାରୀଙ୍କୁ ମିଲିଟାରୀ ହେଲିକପ୍ଟର ସହ ମୁତୟନ କରାଯାଇଛି । ଅଧିକାରୀମାନେ କହିଛନ୍ତି ଯେ ୪୬୦୦ ଜଣଙ୍କୁ ଯେକୌଣସି ମୁହୂର୍ତ୍ତରେ ସ୍ଥାନାନ୍ତିରତ ହେବା ଲାଗି ପ୍ରସ୍ତୁତ ରହିବାକୁ କୁହାଯାଇଛି । 

ଅଫୁନାଟୋ ସହର ନିକଟରେ ଘଟିଥିବା ଅଗ୍ନିକାଣ୍ଡ, ଅଞ୍ଚଳରେ ସ୍ୱଳ୍ପ ବୃଷ୍ଟିପାତ ଏବଂ ଗତ ବର୍ଷ ଜାପାନରେ ରେକର୍ଡ କରାଯାଇଥିବା ସବୁଠୁ ସବୁଠୁ ଅଧିକ ଗରମ ପରେ ଘଟିଛି । ପ୍ରଧାନମନ୍ତ୍ରୀ ଶିଗୁରୁ ଇଶିବା ସଂସଦରେ କହିଛନ୍ତି ଯେ ଯଦିଓ ନିଆଁ କିଛି ପରିମାଣରେ ବ୍ୟାପିବ, ତେବେ ଲୋକଙ୍କ ଘର ଉପରେ ଯେପରି କୌଣସି ପ୍ରଭାବ ନପଡ଼ିବ ସେଥିପାଇଁ ସରକାର ପଦକ୍ଷେପ ନେଉଛନ୍ତି ।

ଦେଶର ବିପର୍ଯ୍ୟୟ ପରିଚାଳନା ଏଜେନ୍ସି କହିଛି ଯେ ନିଆଁରେ ପ୍ରାୟ ୫୨୦୦ ଏକର ଅଞ୍ଚଳ ପ୍ରଭାବିତ ହୋଇଛି । ଏଫଡିଏମଏ ମୁଖପାତ୍ର କୁଶିରୋ କହିଛନ୍ତି ଯେ କେତେ ଅଞ୍ଚଳ ନିଆଁରେ ପ୍ରଭାବିତ ହୋଇଛି, ଯାହା ନୀରକ୍ଷଣ କରାଯାଉଛି । କିନ୍ତୁ ଏହି ନିଆଁ ୧୯୯୨ ମସିହାରେ ଘଟିଥିବା ବନାଗ୍ନିଠାରୁ ବଡ଼ ଥିବା ସେ ସ୍ପଷ୍ଟ କରିଛନ୍ତି ।