ଜୁନ୍‌ରେ ୧୩୮୯ କୋଟିର UPI ଟ୍ରାଞ୍ଜାକ୍ସନ୍: ଗତ ବର୍ଷର ତୁଳନାରେ ୪୯ ପ୍ରତିଶତ ଅଧିକ

ନୂଆଦିଲ୍ଲୀ: ଚଳିତ ଜୁନ୍‌ରେ ୟୁନିଫାଏଡ୍ ପେମେଣ୍ଟ ସିଷ୍ଟମ୍ ବା UPI ମାଧ୍ୟମରେ ୧୩୮୯ କୋଟି ଟ୍ରାଞ୍ଜାକ୍ସନ୍ ହୋଇଛି। ଏହି ଅବଧିରେ ମୋଟ ୨୦୦୭ ଲକ୍ଷ କୋଟି ଟଙ୍କା ଟ୍ରାନ୍ସଫର ହୋଇଛି। ବାର୍ଷିକ ଆଧାରରେ ଟ୍ରାଞ୍ଜାକ୍ସନ ୪୯% ବୃଦ୍ଧି ପାଇଛି। ଏହା ମାଧ୍ୟମରେ ଟ୍ରାଞ୍ଚାକ୍ସନ ପରିମାଣ 36% ବୃଦ୍ଧି ପାଇଛି। ଏକ ବର୍ଷ ପୂର୍ବେ ଅର୍ଥାତ୍ ଜୁନ୍ ୨୦୨୩ରେ 934 କୋଟି ଟ୍ରାଞ୍ଜାକ୍ସନ ଜରିଆରେ 14.75 ଲକ୍ଷ କୋଟି ଟଙ୍କା ମୂଲ୍ୟର କାରବାର ହୋଇଥିଲା। 

ଗତ ମାସ ତୁଳନାରେ କାରବାର ସଂଖ୍ୟା ୧% ହ୍ରାସ ପାଇଛି ଏବଂ ଟ୍ରାନ୍ସଫର ପରିମାଣ ୨% ହ୍ରାସ ପାଇଛି। ମେ ୨୦୨୪ରେ, UPI ମାଧ୍ୟମରେ ୧୪୦୪ କୋଟି ଟ୍ରାଞ୍ଜାକ୍ସନ ହୋଇଥିଲା। ଏହା ମାଧ୍ୟମରେ 20.45 ଲକ୍ଷ କୋଟି ଟଙ୍କା ଟ୍ରାନ୍ସଫର କରାଯାଇଥିଲା। ୟୁପିଆଇକୁ ନିୟନ୍ତ୍ରଣ କରୁଥିବା ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଜୁଲାଇ ୧ରେ କାରବାରର ଆକଳନ ପ୍ରକାଶ କରିଛି।

ଭାରତରେ RTGS ଏବଂ NEFT ଦେୟ ବ୍ୟବସ୍ଥା ଆରବିଆଇ ଦ୍ୱାରା ପରିଚାଳିତ। IMPS, RuPay, UPI ପରି ସିଷ୍ଟମଗୁଡିକ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NPCI) ଦ୍ୱାରା ପରିଚାଳିତ ୨୦୨୦ ଜାନୁୟାରୀ ୧  ଠାରୁ UPI ଟ୍ରାଞ୍ଜାକ୍ସନ ପାଇଁ ସରକାର ଏକ ଜିରୋ-ଚାର୍ଜ ଢାଞ୍ଚାକୁ ନିର୍ଦ୍ଦେଶ ଦେଇଛନ୍ତି।

UPI ସେବା ପାଇଁ ଆପଣଙ୍କୁ ଏକ ଭର୍ଚୁଆଲ୍ ପେମେଣ୍ଟ ଆଡ୍ରେସ ଦେବାକୁ ପଡିବ। ଏହା ପରେ ଏହାକୁ ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ କରିବାକୁ ପଡିବ। ଏହା ପରେ ଆପଣଙ୍କର ବ୍ୟାଙ୍କ ଆକାଉଣ୍ଟ ନମ୍ବର, ବ୍ୟାଙ୍କ ନାମ କିମ୍ବା IFSC କୋଡ୍ ଇତ୍ୟାଦି ମନେ ରଖିବାର କୌଣସି ଆବଶ୍ୟକତା ନାହିଁ। ଦେୟ ପ୍ରଦାନକାରୀ କେବଳ ଆପଣଙ୍କ ମୋବାଇଲ୍ ନମ୍ବର ଅନୁଯାୟୀ ପେମେଣ୍ଟ ରିକ୍ୱେଷ୍ଟକୁ ପ୍ରୋସେସିଂ କରିବ।

ଯଦି ଆପଣଙ୍କର UPI ID (ଇ-ମେଲ୍ ID, ମୋବାଇଲ୍ ନମ୍ବର କିମ୍ବା ଆଧାର ନମ୍ବର) ଅଛି ତେବେ ଆପଣ ନିଜ ସ୍ମାର୍ଟଫୋନ୍ ମାଧ୍ୟମରେ ସହଜରେ ଟଙ୍କା ପଠାଇପାରିବେ। କେବଳ ଟଙ୍କା ନୁହେଁ, ୟୁଟିଲିଟି ବିଲ୍ ପେମେଣ୍ଟ, ଅନ୍ଲାଇନ୍ ସପିଂ ପାଇଁ ନେଟ୍ ବ୍ୟାଙ୍କିଙ୍ଗ୍, କ୍ରେଡିଟ୍ କିମ୍ବା ଡେବିଟ୍ କାର୍ଡର ମଧ୍ୟ ଆବଶ୍ୟକତା ରହିବ ନାହିଁ। ୟୁନିଫାଏଡ୍ ପେମେଣ୍ଟ ଇଣ୍ଟରଫେସ୍ ସିଷ୍ଟମ ମାଧ୍ୟମରେ ଆପଣ ଏହି ସବୁ କାର୍ଯ୍ୟ କରିପାରିବେ।