ଟିମ୍ ଇଣ୍ଡିଆରେ ଆର୍. ଅଶ୍ୱିନଙ୍କ ବିକଳ୍ପ, ବିସିସିଆଇରୁ ହିମାଂଶୁଙ୍କୁ ଆସିଲା ଫୋନ୍ କଲ୍

ନୂଆଦିଲ୍ଲୀ ୧୦/୦୯: ସେପ୍ଟେମ୍ୱର ୧୯ରୁ ଟିମ୍ ଇଣ୍ଡିଆର ବାଂଲା ଅଭିଯାନ । ଚେନ୍ନାଇରେ ଖେଳାଯିବ ସିରିଜ୍ । ପ୍ରଥମ ଟେଷ୍ଟ ସିରିଜ ପାଇଁ ଘୋଷଣା ହୋଇଛି ଦଳ । ତେବେ ସେପ୍ଟେମ୍ବର ୧୩ ସୁଦ୍ଧା ଚେନ୍ନାଇ କ୍ୟାମ୍ପରେ ସାମିଲ ହେବାକୁ ନିଷ୍ପତ୍ତି ନେଇଛି ବିସିସିଆଇ । ତେବେ ଏହି ଶିବିରରେ ଭେଟରାନଙ୍କ ସହ ସାମିଲ ହୋଇଛନ୍ତି ୟୁଥ ବ୍ରିଗେଡ । 

ଏଥର ଯୁବପିଢୀଙ୍କ ସହ ଜଣେ ୨୧ ବର୍ଷୀୟ ଯୁବକଙ୍କୁ ମିଳିଛି ଚାନ୍ସ । ମୁମ୍ୱାଇ ପାଇଁ ଖେଳୁଥିବା ଏହି ବୋଲରଙ୍କ କାର୍ଯ୍ୟଦକ୍ଷତାଙ୍କୁ ଚାନ୍ସ ଦେଇଛି ବିସିସିଆଇ ।ତେବେ କିଏ ଏହି ବୋଲର? ଯାହାଙ୍କ ବୋଲିଂ ଷ୍ଟାଇଲ ପୁରା ସ୍ପିନର ଅଶ୍ୱିନଙ୍କ ପରି ? ଆସନ୍ତୁ ଜାଣିବା ପୁରା ଘଟଣା । 

ନାଁ ତାଙ୍କର ହିଂମାଶୁ ସିଂହ । ଅଶ୍ୱିନଙ୍କ ପରି ହିଂମାଶୁ କରନ୍ତି ସ୍ପିନ ବୋଲିଂ । ନିକଟରେ ମୁମ୍ବାଇ ଏହି ବୋଲର ଖେଳିଥିଲେ ଘରୋଇ କ୍ରିକେଟ୍ ମ୍ୟାଚ୍ । ଯେଉଁଥିରେ ହାତେଇଥିଲେ ୭ଟି  ୱିକେଟ୍ । ଆଉ ତାଙ୍କ ବୋଲିଂ ଷ୍ଟାଇଲ୍ ଦେଖି ପ୍ରଭାବିତ ହୋଇଥିଲେ ଚିଫ୍ ସିଲେକ୍ଟର ଅଜିତ ଅଗରକର । 

ହିମାଂଶୁଙ୍କର ହାଇଟ ଓ କାର୍ଯ୍ୟଶୈଳୀ ଅଶ୍ୱିନଙ୍କ ପରି । ବଲ ଉପରେ ବି ଜବରଦସ୍ତ କଣ୍ଟ୍ରୋଲ । କେଟି ମେମୋରିଆଲ ଟୁର୍ଣ୍ଣାମେଣ୍ଟରେ ଆନ୍ଧ୍ରପ୍ରଦେଶ ବିପକ୍ଷରେ ୭୪ ରନ୍ ଦେଇ ହିମାଂଶୁ ନେଇଥିଲେ ୫ ୱିକେଟ୍ । ପୂର୍ବରୁ ୨୦୨୩-୨୪ ସିଜନରେ ଅଣ୍ଡର-୨୪ ସି.କେ ନାଇଡୁ ଟ୍ରଫିରେ ୮ଟି  ମ୍ୟାଚରେ ନେଇଥିଲେ ୩୮ ୱିକେଟ୍ । ଖାଲି ସେତିକି ନୁହେଁ ସେ ୪ ଥର ଗୋଟିଏ ଇନିଂସରେ ନେଇଛନ୍ତି ୫ ୱିକେଟ୍ । 

ବିସିସିଆଇର ତତ୍ତ୍ୱାବଧାନରେ ହିମାଂଶୁ ଅନନ୍ତପୁର ଏବଂ ବେଙ୍ଗାଲୁରୁ ନେଉଥିଲେ ଟ୍ରେନିଂ । ଆଉ ତାଙ୍କର ଖେଳରେ ଉନ୍ନତି ପରେ ବେଶ୍ ଖୁସ୍ ଟିମ୍ ଇଣ୍ଡିଆର ମ୍ୟାନେଜମେଣ୍ଟ । ପରେ ହିଂମାଶୁ ପରିଶ୍ରମକୁ ମିଳିଥିଲା ସଫଳତା । ସବୁଦିନ ପାଇଁ ଖୋଲିଯାଇଥିଲା ଟିମ୍ ଇଣ୍ଡିଆର ଦ୍ୱାର । ଟିମ୍‌ରେ ସାମିଲ ହେବାକୁ ବିସିସିଆଇରୁ ମିଳିଥିଲା ଫୋନ କଲ୍ । ଏବେ ସେ ଖେଳିବେ କି ନାହିଁ ସ୍ପଷ୍ଟ ହୋଇନି । ତଥାପି ଷ୍ଟାଣ୍ଡ ବାଏ ରହିବେ ବୋଲି ଜଣାପଡିଛି । 

ଭାରତ ପାଇଁ ବେଶ୍ ଗୁରୁତ୍ୱପୂର୍ଣ୍ଣ ଏହି ସିରିଜ୍ । ପାକିସ୍ତାନକୁ ହରାଇବା ପରେ ଫୁଲ୍ ଫର୍ମରେ ଟିମ୍ ବାଂଲାଦେଶ । ପାକିସ୍ତାନରେ ବେଶ୍ ଦମଦାର ପ୍ରଧର୍ଶନ ଦେଖାଇଥିଲେ ବାଂଲାଦେଶୀ ସ୍ପିନର । ସେହିଭଳି ବର୍ତ୍ତମାନ ଭାରତୀୟ ବ୍ୟାଟରଙ୍କ ଫର୍ମ ସେତେଟା ଭଲ ନାହିଁ । ଏଭଳି ସ୍ଥିତିରେ ସ୍ପିନରଙ୍କ ଉପରେ ଆଶା ରଖିଛି ଟିମ୍ । ଖାସ୍ କରି ନ୍ୟୁ କମରଙ୍କୁ ମିଳୁଛି ଚାନ୍ସ । ଏହାକୁ ଦୃଷ୍ଟିରେ ରଖି ବିସିସିଆଇ ହିମାଂଶୁ ଦେଇଛି ସୁଯୋଗ ।