ଟିମ୍ ବସ୍ରେ ମଦ ପିଉଥିଲେ କୋଚ୍, ଭିଡିଓ ସାମ୍ନାକୁ ଆସିବା ପରେ ହେଲେ ନିଲମ୍ବିତ
ହାଇଦ୍ରାବାଦ,୧୬।୨: ଯଦି ଖେଳାଳୀଙ୍କୁ ଖେଳ ସହିତ ଅନୁଶାସନ ଶିକ୍ଷା ଦେଉଥିବା ପ୍ରଶିକ୍ଷକ ନିୟମ ଏବଂ ସୀମା ଅତିକ୍ରମ କରନ୍ତି, ତେବେ ଏହା କୌଣସି ଖେଳ, ଖେଳାଳି କିମ୍ବା ଦଳ ପାଇଁ ଶୁଭଙ୍କର ନୁହେଁ । ହାଇଦ୍ରାବାଦରୁ ଏପରି ଏକ ମାମଲା ଆସିଛି ଯେଉଁଠାରେ କ୍ରିକେଟ ଦଳର କୋଚ୍ ଟିମ ବସ୍ରେ ମଦ୍ୟପାନ କରି ନିଲମ୍ବିତ ହୋଇଛନ୍ତି। ମହିଳା ଦଳ ବସ୍ରେ ମଦ୍ୟପାନ କରିବା ଏବଂ ଖେଳାଳିଙ୍କ ସହ ଅସଦାଚରଣ କରିବା ଅଭିଯୋଗରେ ମୁଖ୍ୟ ପ୍ରଶିକ୍ଷକ ବିଦ୍ୟୁତ ଜୟସିମ୍ହାଙ୍କୁ […] The post ଟିମ୍ ବସ୍ରେ ମଦ ପିଉଥିଲେ କୋଚ୍, ଭିଡିଓ ସାମ୍ନାକୁ ଆସିବା ପରେ ହେଲେ ନିଲମ୍ବିତ appeared first on Dharitri Odia News.
ହାଇଦ୍ରାବାଦ,୧୬।୨: ଯଦି ଖେଳାଳୀଙ୍କୁ ଖେଳ ସହିତ ଅନୁଶାସନ ଶିକ୍ଷା ଦେଉଥିବା ପ୍ରଶିକ୍ଷକ ନିୟମ ଏବଂ ସୀମା ଅତିକ୍ରମ କରନ୍ତି, ତେବେ ଏହା କୌଣସି ଖେଳ, ଖେଳାଳି କିମ୍ବା ଦଳ ପାଇଁ ଶୁଭଙ୍କର ନୁହେଁ । ହାଇଦ୍ରାବାଦରୁ ଏପରି ଏକ ମାମଲା ଆସିଛି ଯେଉଁଠାରେ କ୍ରିକେଟ ଦଳର କୋଚ୍ ଟିମ ବସ୍ରେ ମଦ୍ୟପାନ କରି ନିଲମ୍ବିତ ହୋଇଛନ୍ତି। ମହିଳା ଦଳ ବସ୍ରେ ମଦ୍ୟପାନ କରିବା ଏବଂ ଖେଳାଳିଙ୍କ ସହ ଅସଦାଚରଣ କରିବା ଅଭିଯୋଗରେ ମୁଖ୍ୟ ପ୍ରଶିକ୍ଷକ ବିଦ୍ୟୁତ ଜୟସିମ୍ହାଙ୍କୁ ହାଇଦ୍ରାବାଦ କ୍ରିକେଟ ଆସୋସିଏଶନ ନିଲମ୍ବିତ କରିଛି।
ହାଇଦ୍ରାବାଦ କ୍ରିକେଟ ଆସୋସିଏଶନ ୧୬ ଫେବୃଆରୀ ଶୁକ୍ରବାର ଦିନ ଏକ ପ୍ରେସ ବିଜ୍ଞପ୍ତି ଏବଂ ଅଧ୍ୟକ୍ଷଙ୍କ ବିବୃତ୍ତି ଜାରି କରିଛି। ଏଚ୍ସିଏ ଏହାର ପ୍ରେସ ବିଜ୍ଞପ୍ତିରେ କହିଛି ଯେ କୋଚଙ୍କ ବିରୋଧରେ ଏକ ଅଜ୍ଞାତ ଇମେଲରେ ଅଭିଯୋଗ ଆସିଛି। ଯେଉଁଥିରେ କୋଚଙ୍କ ଉପରେ ଗୁରୁତର ଅଭିଯୋଗ କରାଯାଇଥିଲା। ଅଭିଯୋଗ ସହିତ ଏହି ଇମେଲରେ ଭିଡିଓ ମଧ୍ୟ ଅନ୍ତର୍ଭୂକ୍ତ କରାଯାଇଥିଲା, ଯାହା ବର୍ତ୍ତମାନ ସୋସିଆଲ ମିଡିଆରେ ମଧ୍ୟ ଭାଇରାଲ ହୋଇଛି। ଏଥିରେ କୋଚ ଜୟସିମ୍ହା ଏକ ବୋତଲରୁ କିଛି ପିଉଥିବାର ନଜର ଆସିଛନ୍ତି। ଅଭିଯୋଗ ହେଉଛି ଯେ ସେ ମଦ୍ୟପାନ କରୁଥିଲେ।
ଏଚ୍ସିଏ ଅନୁଯାୟୀ, ଆସୋସିଏଶନକୁ ଫେବୃଆରୀ ୧୫ ରେ ଏହି ଇମେଲ ମିଳିଥିଲା। ଏହା ପରେ ଜୟସିମ୍ହାଙ୍କ ବିରୋଧରେ ଏଚ୍ସିଏ ତଦନ୍ତ ଆରମ୍ଭ କରିଛି। ଏହା ଶେଷ ହେବା ପର୍ଯ୍ୟନ୍ତ ତାଙ୍କୁ ନିଲମ୍ବିତ କରାଯାଇଛି। ତଦନ୍ତ ଶେଷ ନହେବା ପର୍ଯ୍ୟନ୍ତ ସେ ଏଚ୍ସିଏରେ କୌଣସି କ୍ରିକେଟ ସମ୍ବନ୍ଧୀୟ କାର୍ଯ୍ୟକଳାପରେ ଅଂଶଗ୍ରହଣ କରିବେ ନାହିଁ ବୋଲି ଏଚ୍ସିଏ ସ୍ପଷ୍ଟ କରିଛି।
An anonymous email received on 15-02-2024 contained videos allegedly depicting Mr. Vidyuth Jaisimha, Head Coach of Senior Women’s team, consuming alcohol on a team bus.
Until further notice, Mr. Jaisimha is directed to refrain from HCA cricketing activities while this matter is… pic.twitter.com/4wv6nzArZd
— Jagan Mohan Rao Arishnapally (@JaganMohanRaoA) February 16, 2024
ଏହାବ୍ୟତୀତ, ଏଚ୍ସିଏ ସହ ଜଡିତ ମହିଳା କ୍ରିକେଟରଙ୍କ ପରିବାର ବିସିସିଆଇ ଏବଂ ସୁପ୍ରିମକୋର୍ଟଙ୍କୁ ଏକ ଚିଠି ପଠାଇଛନ୍ତି, ଯେଉଁଥିରେ ସେମାନେ ମୁଖ୍ୟ ପ୍ରଶିକ୍ଷକଙ୍କ ଆଚରଣ ସମ୍ପର୍କରେ ଅଭିଯୋଗ କରିଛନ୍ତି। ଏହି ଚିଠିରେ କୁହାଯାଇଛି ଯେ ମୁଖ୍ୟ ପ୍ରଶିକ୍ଷକ ସର୍ବଦା ଝିଅମାନଙ୍କ ସାମ୍ନାରେ ମଦ୍ୟପାନ କରି ଦୁର୍ବବ୍ୟବହାର କରିଥାନ୍ତି, ଯେଉଁଥିପାଇଁ ସେମାନଙ୍କ ସୁରକ୍ଷା ଏବଂ ଏଚ୍ସିଏର ସମ୍ମାନ ମଧ୍ୟ ବିପଦରେ ରହିଛି।
The post ଟିମ୍ ବସ୍ରେ ମଦ ପିଉଥିଲେ କୋଚ୍, ଭିଡିଓ ସାମ୍ନାକୁ ଆସିବା ପରେ ହେଲେ ନିଲମ୍ବିତ appeared first on Dharitri Odia News.
