ଭୁବନେଶ୍ୱର ୨୧।୦୩: ଦେଓମାଳି  ପର୍ବତ ହେଉଛି ପ୍ରାକୃତିକ ସୌନ୍ଦର୍ଯ୍ୟର  ଗନ୍ତାଘର । ହେଲେ ପାହାଡ ସାରା ଆବର୍ଜନା ଗଦା ହୋଇଛି । ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ଏସ୍‌ଏସ୍‌  ରାଜାମୌଲି ଦେଓମାଳିର ଏଭଳି ଅବସ୍ଥା ଦେଖି  ଚିନ୍ତା ପ୍ରକଟ କରିଛନ୍ତି । ନିଜର ଆଗାମୀ ଚଳଚ୍ଚିତ୍ର  ‘ଏସ୍‌ଏସ୍‌ଏମ୍‌ବି୨୯’ର ସୁଟିଂ ସାରି କୋରାପୁଟରୁ  ଫେରିବା ପରେ ରାଜାମୌଲି ନିଜ ସୋସିଆଲ ମିଡିଆ ସାଇଟ୍‌ ଏକ୍ସରେ ଦେଓମାଳି ପର୍ବତର ଅବସ୍ଥା ଦେଖି  ବିଚଳିତ ଥିବା ପ୍ରକାଶ କରିଛନ୍ତି । 

Had an amazing solo trek to Deomali, Odisha’s highest and most stunning peak. The view from the top was absolutely breathtaking.

However, it was disheartening to see the trail marred by litter. Such pristine wonders deserve better. A little civic sense can make a huge… pic.twitter.com/8xVBxVqQvc

— rajamouli ss (@ssrajamouli) March 19, 2025

ଏହି ପର୍ବତ ସୁରକ୍ଷାରେ  ନିଜକୁ ନିୟୋଜିତ କରିବା ଲାଗି ସେ ଜନସାଧାରଣଙ୍କୁ  ଆହ୍ୱାନ ଦେଇଛନ୍ତି । ଦେଓମାଳିର ଏକ ଭିଡିଓ ପୋଷ୍ଟ  କରି ରାଜାମୌଲି ଲେଖିଛନ୍ତି, ଓଡ଼ିଶାର ସର୍ବୋଚ୍ଚ ପର୍ବତ   ଦେଓମାଳି ଉପରକୁ ଯାଇ ସେ ବିଭୋର ହୋଇଥିଲେ ।   ତେବେ ଲୋକେ ସଚେତନ ହେଲେ ଦେଓମାଳି ପାହାଡ଼ର ଅବସ୍ଥା ବଦଳିଯିବ । ପର୍ଯ୍ୟଟକମାନେ   ସେମାନଙ୍କ ବର୍ଜ୍ୟ ପଦାର୍ଥ ଅନ୍ୟତ୍ର ଫିଙ୍ଗିବା ଲାଗି ସେ  ପରାମର୍ଶ ଦେଇଛନ୍ତି ।

ରାଜାମୌଲିଙ୍କ ଏହି ପୋଷ୍ଟ୍‌ ପରେ  ପରିବେଶବିତ୍‌ମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି।  ପ୍ରଶାସନ ଏ ଦିଗରେ ପଦକ୍ଷେପ ନେବା ସହ ସେଠାରେ  ପ୍ଲାଷ୍ଟିକ ନିଷେଧ କରିବାକୁ ସେମାନେ ଦାବି କରିଛନ୍ତି ।   ପ୍ରକାଶଥାଉକି, କିଛିଦିନ ତଳେ ‘ଏସ୍‌ଏସ୍‌ଏମ୍‌ବି୨୯’   ଚଳଚ୍ଚିତ୍ରର କିଛି ଦୃଶ୍ୟ ସୁଟିଂ ପାଇଁ ନିଜ ଟିମ୍‌ ସହ   କୋରାପୁଟ ଆସିଥିଲେ ରାଜାମୌଲି ।