ଧୋନିଙ୍କ ଯୋଗୁ ଅଲିମ୍ପିକ୍ସରେ ପଦକ ଜିତିଲେ ସ୍ବପ୍ନିଲ, ସମ୍ପୂର୍ଣ୍ଣ କାହାଣୀ କହିଲେ ଆଥଲେଟ

ନୂଆଦିଲ୍ଲୀ,୧।୮: ପ୍ୟାରିସ ଅଲିମ୍ପିକ୍ସ ୨୦୨୪ରେ ଭାରତର ତୃତୀୟ ପଦକ ଜିତିଥିବା ସ୍ବପ୍ନିଲ କୁସାଲେଙ୍କ ନାମ ବର୍ତ୍ତମାନ ସମସ୍ତଙ୍କ ମୁହଁରେ ଅଛି। ମହାରାଷ୍ଟ୍ରର ସ୍ବପ୍ନିଲ ୫୦ ମିଟର ରାଇଫଲ ଥ୍ରୀ ପୋଜିସନରେ ବ୍ରୋଞ୍ଜ ପଦକ ଜିତି ଇତିହାସ ସୃଷ୍ଟି କରିଛନ୍ତି। ସ୍ବପ୍ନିଲ କହିଛନ୍ତି ଯେ ଏହି ପଦକ ଜିତିବାରେ ଏମଏସ ଧୋନି ତାଙ୍କୁ ସାହାଯ୍ୟ କରିଛନ୍ତି।
ଆଜି ସ୍ବପ୍ନିଲ କୁସାଲେ, ଯିଏ ନିଜେ ଅନେକ ଯୁବକଙ୍କ ପାଇଁ ଏକ ଉଦାହରଣ ପାଲଟିଛନ୍ତି, ସେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନିଙ୍କଠାରୁ ପ୍ରେରଣା ନେଇଛନ୍ତି। ହଁ, ସେ ମାହିଙ୍କର ଜଣେ ବଡ଼ ପ୍ରଶଂସକ । ସେ କହିଛନ୍ତି ଯେ ସୁଟିଂରେ ଭଲ ପ୍ରଦର୍ଶନ କରିବାକୁ ଧୋନିଙ୍କଠାରୁ ତାଙ୍କୁ ପ୍ରେରଣା ମିଳିଛି। କୁସାଲେ ଏକ ସାକ୍ଷାତକାରରେ କହିଛନ୍ତି ଯେ ସେ ଶୁଟିଂରେ କୌଣସି ନିର୍ଦ୍ଦିଷ୍ଟ ଖେଳାଳିଙ୍କଠାରୁ ମାର୍ଗଦର୍ଶନ ଗ୍ରହଣ କରନ୍ତି ନାହିଁ।

ଧୋନି ତାଙ୍କର ପ୍ରିୟ। ମାହି କଠିନ ପରିସ୍ଥିତିରେ ମଧ୍ୟ ଶାନ୍ତ ରୁହନ୍ତି ଏବଂ କୁସାଲେ ନିଜ ଭିତରେ ଏହି ଗୁଣ ଗ୍ରହଣ କରିଥିଲେ। ସ୍ବପ୍ନିଲ କହିଛନ୍ତି ଯେ ଶୁଟିଂ ସମୟରେ ଶାନ୍ତ ରହିବା ଜରୁରୀ ଅଟେ ଏବଂ ସେ ଧୋନିଙ୍କ ଏହି ଗୁଣକୁ ବହୁତ ପ୍ରଶଂସା କରୁଛନ୍ତି। କେବଳ ଏତିକି ନୁହେଁ, ଧୋନି ଏବଂ ସ୍ବପ୍ନିଲଙ୍କ ମଧ୍ୟରେ ଆଉ ଏକ ଜିନିଷ ଅଛି । ଯେହେତୁ ସମସ୍ତେ ଜାଣନ୍ତି ଯେ କ୍ରିକେଟର ହେବା ପୂର୍ବରୁ ମାହି ରେଳବାଇରେ ଟିସି ଭାବରେ କାମ କରିଥିଲେ। ସ୍ବପ୍ନିଲ ମଧ୍ୟ କେନ୍ଦ୍ରୀୟ ରେଳବାଇର ଜଣେ ଟିସି ଅଟନ୍ତି।

ସ୍ବପ୍ନିଲ କୁସାଲେଙ୍କୁ ସବୁ ସ୍ଥାନରେ ପ୍ରଶଂସା କରାଯାଉଛି। ହେଲେ ତାଙ୍‌କ କାହାଣୀ ବେଶ ସଂଘର୍ଷପୂର୍ଣ୍ଣ। ଅଲିମ୍ପିକ୍ସ ପାଇଁ ଯୋଗ୍ୟତା ହାସଲ କରିବାକୁ ସେ ୧୨ ବର୍ଷ ଅପେକ୍ଷା କରିଥିଲେ। ସେ ୨୦୧୨ରୁ ବୃତ୍ତିଗତ ଭାବେ ସୁଟିଂ କରୁଛନ୍ତି, କିନ୍ତୁ ଗତ ୨ଟି ଅଲିମ୍ପିକ୍ସରେ ଯୋଗ୍ୟତା ଅର୍ଜନ କରିପାରି ନଥିଲେ।
କିନ୍ତୁ, ସ୍ବପ୍ନିଲ ହାର ମାନିନଥିଲେ ଏବଂ ସମଗ୍ର ଦେଶ ଯାହା ପାଇଁ ଗର୍ବିତ ତାହା କରିଥିଲେ। ଅଲିମ୍ପିକ୍ସରେ ପଦକ ଜିତିବାର ଏହି ଯାତ୍ରା ତାଙ୍କ ପାଇଁ କଦାପି ସହଜ ନଥିଲା। ସେ ଗତ ୧୦-୧୨ ବର୍ଷ ଧରି ଅଧିକାଂଶ ସମୟ ଘରୁ ବାହାରେ ଥିଲେ। ବ୍ରୋଞ୍ଜ ପଦକ ଜିତିଥିବା ସ୍ବପ୍ନିଲଙ୍କ ପିତା ଏକ ସାକ୍ଷାତକାରରେ କହିଛନ୍ତି ଯେ ପଦକ ଜିତିବା ବା ମ୍ୟାଚ ପୂର୍ବରୁ ପରିବାରରୁ କେହି ତାଙ୍କ ସହ କଥା ହୋଇନଥିଲେ।

The post ଧୋନିଙ୍କ ଯୋଗୁ ଅଲିମ୍ପିକ୍ସରେ ପଦକ ଜିତିଲେ ସ୍ବପ୍ନିଲ, ସମ୍ପୂର୍ଣ୍ଣ କାହାଣୀ କହିଲେ ଆଥଲେଟ appeared first on Dharitri Odia News.