ନବମ ଶ୍ରେଣୀ ଛାତ୍ରୀଙ୍କୁ ଗଣବଳାତ୍କାର, ମା’ ଘରେ ନ ଥିବା ସୁଯୋଗ ନେଇ…

ହାଇଦ୍ରାବାଦ,୯।୯: ତେଲଙ୍ଗାନାର ସିଦ୍ଧିପେଟ ଜିଲାର ନବମ ଶ୍ରେଣୀ ଛାତ୍ରୀଙ୍କୁ ୩ ଜଣ ଯୁବକ ଗଣବଳାତ୍କାର କରିଥିବା ଖବର ସାମ୍ନାକୁ ଆସିଛି। ଏହି ଘଟଣା ସମ୍ପର୍କରେ ଯେତେବେଳେ ପରିବାର ଲୋକେ ଜାଣିବାକୁ ପାଇଲେ ସେତେବେଳେ ଛାତ୍ରୀ ଜଣଙ୍କ ଗର୍ଭବତୀ ଥିଲେ ଏବଂ ଅଭିଯୁକ୍ତଙ୍କ ବିରୋଧରେ ପେସ୍କୋ ମାମଲା ଦାୟର କରାଯାଇଛି।

ପୋଲିସର କହିବାନୁସାରେ, ଡୁବାକ୍କା ମଣ୍ଡଳର ଜଣେ ଗାଁର ଛାତ୍ରୀ ଅସୁସ୍ଥ ହେବା ପରେ ତାଙ୍କ ମା’ ତାଙ୍କୁ ସିଦ୍ଧିପେଟର ସରକାରୀ ଡାକ୍ତରଖାନାକୁ ନେଇଯାଇଥିଲେ। ଡାକ୍ତରୀ ପରୀକ୍ଷା ପରେ ଜଣାପଡିଲା କି ସେ ଗର୍ଭବତୀ ଅଛନ୍ତି। ଏହା ପରେ ଭରୋସା କେନ୍ଦ୍ରର ଅଧିକାରୀମାନଙ୍କୁ ସୂଚନା ଦିଆଯାଇଥିଲା ଏବଂ ଛାତ୍ରୀଙ୍କଠାରୁ ସବିଶେଷ ତଥ୍ୟ ସଂଗ୍ରହ କରାଯାଇଥିଲା।

ପୀଡିତାଙ୍କ ପରିବାର ସଦସ୍ୟ ୩ ଜଣ ଯୁବକଙ୍କ ଉପରେ ଗଣବଳାତ୍କାର ଅଭିଯୋଗ ଆଣିଛନ୍ତି। ଅଭିଯୋଗ ହୋଇଛି ଯେ ମାର୍ଚ୍ଚ ଏବଂ ଏପ୍ରିଲରେ ଏହି ଯୁବକମାନେ ଛାତ୍ରୀଙ୍କ ଘରକୁ ଆସୁଥିଲେ, ଯେତେବେଳେ ତାଙ୍କ ମାଆ ଉପସ୍ଥିତ ନଥିଲେ। ସେ ଝିଅଙ୍କୁ ପ୍ରଲୋଭନ ଦେଖାଇ ପ୍ରତାରଣା କରି ଅନେକ ଥର ଯୌନ ନିର୍ଯ୍ୟାତନା ଦେଉଥିବାର ଅଭିଯୋଗ ହୋଇଛି। ବାସ୍ତବରେ, ଏହି ଝିଅଙ୍କ ପିତାଙ୍କର ମୃତ୍ୟୁ ହୋଇଛି ଏବଂ ତାଙ୍କ ମା’ ଜଣେ ଶ୍ରମିକ ଭାବରେ କାର୍ଯ୍ୟ କରନ୍ତି। ଯେତେବେଳେ ମା’ କାମକୁ ଚାଲିଯାଉଥିଲେ ଏହାର ସୁଯୋଗ ନେଇ ଏହି ଯୁବକମାନେ ଘରକୁ ଆସୁଥିଲେ।

The post ନବମ ଶ୍ରେଣୀ ଛାତ୍ରୀଙ୍କୁ ଗଣବଳାତ୍କାର, ମା’ ଘରେ ନ ଥିବା ସୁଯୋଗ ନେଇ… appeared first on Dharitri Odia News.