ନିଟ୍-ୟୁଜି ମାମଲାରେ ସୁପ୍ରିମକୋର୍ଟଙ୍କ କଡ଼ା ଟିପ୍ପଣୀ; ବଡ଼ ଧରଣର ଘୋଟାଲା ଥିଲେ ପ୍ରମାଣ ଦିଅ

ନୂଆଦିଲ୍ଲୀ: ନିଟ୍-ୟୁଜି ପେପର ଲିକ୍ ମାମଲାରେ ସୁପ୍ରିମକୋର୍ଟରେ ଶୁଣାଣି ହୋଇଛି । ପରୀକ୍ଷା ରଦ୍ଦ ଆବେଦନର ଶୁଣାଣି କରି କଡ଼ା ଟିପ୍ପଣୀ ଦେଇଛନ୍ତି ସର୍ବୋଚ୍ଚ ଅଦାଲତ । ନିଟ୍ ମେଡିକାଲ ପ୍ରବେସିକାରେ ଯଦି ବଡ଼ ଧରଣର ଘୋଟାଲା ହୋଇଛି, ତେବେ ଏହାର ପ୍ରମାଣ ଦେବାକୁ କୋର୍ଟ କହିଛନ୍ତି ।

ଗୁରୁବାର ନିଟ୍ ଅନିୟମିତତା ନେଇ ସୁପ୍ରିମକୋର୍ଟରେ ଶୁଣାଇ ହୋଇଥିଲା । ପ୍ରଧାନ ବିଚାରପତି ଜଷ୍ଟିସ୍ ଡିଓ୍ବାଇ ଚନ୍ଦ୍ରଚୂଡ଼, ଜଷ୍ଟିସ୍ ଜେ.ବି ପାରଦିଓ୍ବାଲା ଏବଂ ଜଷ୍ଟିସ୍ ମନୋଜ ମିଶ୍ରା ନିଟ୍‌କୁ ନେଇ ଦାୟର ହୋଇଥିବା ପ୍ରାୟ ୪୦ଟି ଆବେଦନର ଶୁଣାଣି କରିଛନ୍ତି । ଏଥିରେ ନ୍ୟାସନାଲ ଟେଷ୍ଟିଂ ଏଜେନ୍ସି ଦ୍ବାରା ଦାୟର ହୋଇଥିବା ଯାଚିକା ମଧ୍ୟ ସାମିଲ୍ ରହିଛି । ପୂର୍ବରୁ ନିଟ୍ ପେପର ଲିକକୁ ନେଇ ହାଇକୋର୍ଟ ମାନଙ୍କରେ ଦାୟର ହୋଇଥିବା ମାମଲାକୁ ସ୍ଥାନାନ୍ତର ପାଇଁ କୁହାଯାଇଥିଲା । ଏହା ସହିତ ସମସ୍ତ ମାମଲାର ଶୁଣାଣି ଜୁଲାଇ ୧୮ ତାରିଖ କରିବାକୁ କହିଥିଲେ କୋର୍ଟ । ସେପଟେ କେନ୍ଦ୍ର ସରକାରଙ୍କ ଦ୍ବାରା ସୁପ୍ରିମକୋର୍ଟରେ ଉପସ୍ଥାପିତ ହୋଇଥିବା ସତ୍ୟପାଠରେ କୁହାଯାଇଛି, ଆଇଆଇଟି ମାଦ୍ରାସର ଡାଟା ଆନିଲିସସ୍ ରିପୋର୍ଟରେ କୌଣସି ବଡ଼ ଧରଣର ସାମଞ୍ଜସ୍ୟ ନାହିଁ ବୋଲି ଉଲ୍ଲେଖ ରହିଛି ।

ଶୁଣାଣି ବେଳେ ସଲିସିଟର ଜେନେରାଲ ତୁଷାର ମେହେଟ୍ଟା କହିଥିଲେ, ନିଟ୍ ମାମଲାର ଶୁଣାଣି ଶୁକ୍ରବାର ହେବ ବୋଲି କହିଥିଲେ । ମାତ୍ର ସିଜେଆଇ ଚନ୍ଦ୍ରଚୂଡ଼ ମାମଲାର ଶୁଣାଣି ଆଜି ହେବ ବୋଲି କହିଥିଲେ । ଅଦାଲତ ପେପର ଲିକ୍ ମାମଲାର ଶୁଣାଣି ପ୍ରଥମେ କରିବେ ବୋଲି କହିଥିଲେ କାରଣ ଏହାକୁ ସାରା ଦେଶରୁ ଲକ୍ଷାଧିକ ଛାତ୍ରଛାତ୍ରୀ ଅପେକ୍ଷା କରିଛନ୍ତି ।  

ଶୁଣାଣି ବେଳେ ସିଜେଆଇ ଜଷ୍ଟିସ୍ ଚନ୍ଦ୍ରଚୂଡ଼ ଆବେଦନକାରୀଙ୍କୁ କହିଥିଲେ, ନିଟ୍ ପରୀକ୍ଷାରେ ବଡ଼ ଧରଣ ଘୋଟାଲା ହୋଇଛି ବୋଲି ପ୍ରମାଣ ମିଳିଲେ ପରୀକ୍ଷା ରଦ୍ଦ ହେବ । କୋର୍ଟଙ୍କୁ ସନ୍ତୁଷ୍ଟ କଲା ଭଳି ପ୍ରମାଣ ଦିଅ । ଏହି ମାମଲାରେ ଯାଞ୍ଚ କିପରି ହେବା ଦରଦାର ତାହା ବି ଜଣାଅ ବୋଲି   ଜଷ୍ଟିସ୍ ଚନ୍ଦ୍ରଚୂଡ଼ କହିଥିଲେ ।...