ପୂଜା ପୂର୍ବରୁ ପୋଲିସ ବିଭାଗର ନବକଳେବର ? ଥାନା ଅଧିକାରୀଙ୍କ ପାଳି କେବେ ନେଇ ଉଠିଲା ପ୍ରଶ୍ନ

କନକବ୍ୟୁରୋ : ପୂଜା ପୂର୍ବରୁ ପୋଲିସ ବିଭାଗରେ ହୋଇଛି ନବକଳେବର। ଆଇପିଏସ୍ ସ୍ତରରେ ବଡ଼ ଧରଣର ଅଦଳବଦଳ ହୋଇଛି। ବଦଳିଛନ୍ତି ଟ୍ବିନ ସିଟି ପୋଲିସ କମିଶନର ଏବଂ ଭୁବନେଶ୍ବର ଓ କଟକ ଡିସିପି ।

କ୍ରାଇମବ୍ରାଞ୍ଚ, ଭିଜିଲାନ୍ସ, ଗୁଇନ୍ଦା ଭଳି କିଛି ବଡ଼ ବିଭାଗରେ ଅଦଳ ବଦଳ ହୋଇଛି। କୁହାଯାଉଛି, ଭରତପୁର ଘଟଣା ପୋଲିସ କମିଶନର ସଞ୍ଜୀବ ପଣ୍ଡା ଓ ଡିସିପି ପ୍ରତୀକ ସିଂଙ୍କ ପାଇଁ ମହଙ୍ଗା ହୋଇଛି । 

ସଞ୍ଜୀବ ପଣ୍ଡାଙ୍କ ଜାଗାରେ ସୁରେଶ ଦେବଦତ୍ତ ସିଂ ହୋଇଛନ୍ତି ପୋଲିସ କମିଶନର। ସେହିପରି ପୁରୀ ଏସପି ଥିବା ପିନାକ ମିଶ୍ରଙ୍କୁ ଭୁବନେଶ୍ବର ଡିସିପି ଭାବେ ଅବସ୍ଥାପିତ କରାଯାଇଛି ।

ରାଜ୍ୟରେ ସରକାର ବଦଳିବା ପରେ ପ୍ରଥମଥର ଏତେ ବଡ଼ ଅଦଳ ବଦଳ ହୋଇଛି । ଦୀର୍ଘ ଦିନ ଧରି ଗାଦି ମାଡ଼ି ବସିଥିବା ମାର୍କାମରା ଅଫିସରଙ୍କୁ ବଦଳି କରାଯାଇଛି । ଆଇପିଏସ୍ ସ୍ତରରେ ସିନା ନବକଳେବର ହେଲା, ଏବେ ପ୍ରଶ୍ନ ଥାନା ଅଧିକାରୀଙ୍କ ପାଳି କେବେ?  ଗୋଟେ ଗୋଟେ ଥାନାରେ ଦୀର୍ଘ ଦିନ ହେଲା ଗାଦି ମାଡ଼ି ବସିଛନ୍ତି ଥାନା ଆଇଆଇସି। ସେମାନଙ୍କର ପାଳି ଆଗକୁ ପଡିବ କି?