ପେଙ୍ଗଶୁଇ ବଖାଣେ ରଙ୍ଗର ପ୍ରଭାବ, ଜାଣନ୍ତୁ କେମିତି କରିବେ କୋଠରୀର ରଙ୍ଗ?

ଭୁବନେଶ୍ୱର ୧୮/୦୩ : ଆମ ଜୀବନରେ ରଙ୍ଗର ବେଶ୍‌ ପ୍ରଭାବ ରହିଛି । ଏଣୁ ଆମ ଘର ତଥା କୋଠରୀରେ ରଙ୍ଗ ଦେବା ପୂର୍ବରୁ ଏହା ସମ୍ପର୍କରେ ଜାଣିବା ଦରକାର ।  ଫେଙ୍ଗ୍‌ ଶୁଇ ଅନୁଯାୟୀ ଏପରି କିଛି ରଙ୍ଗ ରହିଛି ଯାହାକୁ ଅଧିକ ମାତ୍ରାରେ ଉପଯୋଗ କଲେ ପ୍ରତିକୂଳ ବା ନକରାତ୍ମକ ଉର୍ଜା ସୃଷ୍ଟି ହୁଏ । 

କଳାରଙ୍ଗ: ଫେଙ୍ଗ୍‌ଶୁଇ ଅନୁସାରେ କଳା ରଙ୍ଗ ସାମଞ୍ଜସ୍ୟପୂର୍ଣ୍ଣ ବା ସନ୍ତୁଳିତ ରଙ୍ଗ  ନୁହେଁ । କଳା ରଙ୍ଗର ସମ୍ପର୍କ ରହସ୍ୟ  ସହ ରହିଥିବାବେଳେ ଏହାର ପ୍ରୟୋଗ  ଅଧିକ ପରିମାଣରେ କଲେ ବାତାବରଣ  ଭାରି ବା ଗମ୍ଭୀର ହୋଇଉଠେ । ତେବେ  ଯଦି ଆପଣ ରହିବା କୋଠରୀକୁ କୌଣସି  ଗାଢ଼ ରଙ୍ଗରେ ରଙ୍ଗୀନ କରିବାକୁ ଉତ୍ସୁକ  ଅଛନ୍ତି ତେବେ ଚକୋଲେଟ୍‌ ବାଦାମୀ ଅବା  ଅନ୍ୟ କୌଣସି ବିକଳ୍ପ ଗାଢ଼ ରଙ୍ଗ ବାଛନ୍ତୁ । 

ଧଳାରଙ୍ଗ: ଧଳାଶୁଦ୍ଧତାର  ପ୍ରତୀକ । ତେବେ  ଅତିରିକ୍ତ ପରିମାଣରେ ଧଳା ରଙ୍ଗ ପ୍ରୟୋଗ  କଲେ ଏକ ଶୀତଳତାର ବାତାବରଣ ଖେଳିଯାଇଥାଏ । ଯାହାର ପ୍ରଭାବରେ  ଜୀବନ ଶକ୍ତିହୀନ ମନେ ହୋଇପାରେ ।  ଫେଙ୍ଗ ଶୁଇ ଅନୁସାରେ ଶକ୍ତିହୀନ  ବାତାବରଣ ଦ୍ୱାରା ଘର ଘର ଖାଲି ଲାଗେ ।  ଧଳା ରଙ୍ଗ ସ୍ନାନାଗାର,ଶୌଚାଳୟ ଅବା  ରୋଷେଇଶାଳରେ  ଦିଆଯାଇପାରେ ମାତ୍ର ପିଲାଙ୍କ  ପାଠପଢ଼ା କୋଠରୀ ଅବା ଡାଇନିଂ  କୋଠରୀରେ ଧଳା ରଙ୍ଗ ଲଗାନ୍ତୁ ନାହିଁ ।   

ମାର୍ଚ୍ଚ ୨୪ ନା ୨୫, କେବେ ପଡୁଛି ହୋଲି? ଦୁର କରନ୍ତୁ ଦ୍ୱନ୍ଦ୍ୱ

ଲାଲ୍‌ରଙ୍ଗ: ଲାଲ୍‌ ରଙ୍ଗ ଉର୍ଜାରେ  ଭରପୂର । ଏହାକୁ  ଭାଗ୍ୟଶାଳୀ,ସଫଳତା ତଥା ସୌଭାଗ୍ୟର  ପ୍ରତୀକ ଭାବେ ଗ୍ରହଣ କରାଯାଏ । ଏହି ରଙ୍ଗ  ଶକ୍ତିଶାଳୀ ହେବା ସହିତ ଉତ୍ତେଜକ ମଧ୍ୟ ।  ଫେଙ୍ଗ ଶୁଇ ଅନୁସାରେ ଲାଲ୍‌ ରଙ୍ଗର ଅତିରିକ୍ତ  ପ୍ରୟୋଗ ଅତିରିକ୍ତ ସକ୍ରିୟ ତଥା ଆକ୍ରମଣାତ୍ମକ  ବାତାବରଣ ସୃଷ୍ଟି କରିପାରେ । ଯଦ୍ୱାରା  ମନରେ ଚିନ୍ତା, ଉତ୍ତେଜନା ଖେଳିବା ସମ୍ଭାବନା  ବଢ଼ିଯାଏ । ଲାଲ୍‌ ରଙ୍ଗ ପିଲାଙ୍କ ଶୋଇବା  କୋଠରୀ, ଭୋଜନାଗାର, ରୋଷେଇଘର,  କାର୍ଯ୍ୟାଳୟରେ ଲଗାଇବା ଅନୁଚିତ । ଅନ୍ୟପକ୍ଷରେ ପୂର୍ବ ଏବଂ ପଶ୍ଚିମ ଦିଗରେ ଥିବା  କବାଟରେ ବି ଲାଲ୍‌ ରଙ୍ଗ ଲଗାଇବା ଅନୁଚିତ ।