ପ୍ରତିମାସରେ ରାହୁଲ ଗାନ୍ଧୀଙ୍କୁ ମିଳେ ଏତେ ଦରମା, ଜାଣିଲେ ଆଶ୍ଚର୍ଯ୍ୟ ହୋଇଯିବେ…

ନୂଆଦିଲ୍ଲୀ, ୧୨।୭: ସଂସଦରେ ବିରୋଧୀ ଦଳ ନେତା ହେଉଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ। ଏହି ପଦବୀ ବହୁତ ଦାୟିତ୍ୱପୂର୍ଣ୍ଣ। ଏହା ସହିତ ଦରମା ଏବଂ ସୁବିଧା ମଧ୍ୟ ବହୁତ ଭଲ ମିଳିଥାଏ। ବିରୋଧୀ ଦଳ ନେତା ହେବା ପରେ, ରାହୁଲ ଗାନ୍ଧୀଙ୍କୁ କ୍ୟାବିନେଟ ମନ୍ତ୍ରୀର ମାନ୍ୟତା ମିଳିଥିଲା। ଏହା ସହିତ, ତାଙ୍କୁ କ୍ୟାବିନେଟ ସ୍ତରୀୟ ସୁରକ୍ଷା, ସ୍ବତନ୍ତ୍ର ସରକାରୀ ଯାନ, ବାସସ୍ଥାନ, କର୍ମଚାରୀ ଏବଂ ଅନ୍ୟାନ୍ୟ ଅନେକ ସୁବିଧା ମଧ୍ୟ ଦିଆଯାଇଛି। ରାହୁଲ ଗାନ୍ଧୀ ପ୍ରତି ମାସରେ ପ୍ରାୟ ୩.୩୦ ଲକ୍ଷ ଦରମା ପାଆନ୍ତି। ଯଦି ବାର୍ଷିକ ହିସାବରେ ଦେଖାଯାଏ, ତେବେ ଏହି ପରିମାଣ ପ୍ରାୟ ୩୯.୬୦ ଲକ୍ଷ। ସେ ସାଂସଦ ଦରମା, ନିର୍ବାଚନମଣ୍ଡଳୀ ଭତ୍ତା, ଆତିଥ୍ୟ ଭତ୍ତା ଏବଂ ଅନ୍ୟାନ୍ୟ ସୁବିଧା ସହିତ ଏହି ଦରମା ପାଆନ୍ତି। ଏହା ବ୍ୟତୀତ, ତାଙ୍କ ପାଖେ ଜଣେ ବ୍ୟକ୍ତିଗତ ସଚିବ, ୨ ଜଣ ଅତିରିକ୍ତ ବ୍ୟକ୍ତିଗତ ସଚିବ, ୨ ଜଣ ସହାୟକ ବ୍ୟକ୍ତିଗତ ସଚିବ,୨ ଜଣ ବ୍ୟକ୍ତିଗତ ସହାୟକ, ଜଣେ ହିନ୍ଦୀ ଷ୍ଟେନୋ, ଜଣେ କ୍ଲର୍କ, ଜଣେ ସଫେଇ କର୍ମଚାରୀ ଏବଂ ୪ ଜଣ ଚତୁର୍ଥ ଶ୍ରେଣୀ କର୍ମଚାରୀ ଅଛନ୍ତି।

୧୯୭୭ ମସିହାର ଆଇନ ଅନୁଯାୟୀ, ଯେପର୍ଯ୍ୟନ୍ତ ରାହୁଲ ଗାନ୍ଧୀ ବିରୋଧୀ ଦଳ ନେତା ପଦବୀରେ ରହିବେ, ସେପର୍ଯ୍ୟନ୍ତ ସରକାରୀ ବାସସ୍ଥାନ ମିଳିବ। ଏହା ବ୍ୟତୀତ, ସେହି ବାସସ୍ଥାନର ରକ୍ଷଣାବେକ୍ଷଣ ପାଇଁ ତାଙ୍କଠାରୁ କୌଣସି ଶୁଳ୍କ ନିଆଯିବ ନାହିଁ। ୨୦୨୪ ମସିହାରେ ଦିଆଯାଇଥିବା ନିର୍ବାଚନୀ ଶପଥପତ୍ର ଅନୁଯାୟୀ, ରାହୁଲ ଗାନ୍ଧୀଙ୍କର ପ୍ରାୟ ୨୦.୩୪ କୋଟି ଟଙ୍କାର ସମ୍ପତ୍ତି ଅଛି।

The post ପ୍ରତିମାସରେ ରାହୁଲ ଗାନ୍ଧୀଙ୍କୁ ମିଳେ ଏତେ ଦରମା, ଜାଣିଲେ ଆଶ୍ଚର୍ଯ୍ୟ ହୋଇଯିବେ… appeared first on Dharitri Odia News.