ଫଲୋଅନ ଏଡାଇଲେ ଭାରତୀୟ ବୋଲର, ଟିମ୍ କଙ୍ଗାରୁର ବିଗାଡିଲେ ପ୍ଲାନ

ନୂଆଦିଲ୍ଲୀ ୧୭/୧୨: ବର୍ଡର-ଗାଭାସ୍କର ଟ୍ରଫି (BGT) ଅଧୀନରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏକ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯାଉଛି । ସିରିଜର ତୃତୀୟ ମ୍ୟାଚ୍ ବ୍ରିସବେନର ଗାବା ଠାରେ ଖେଳାଯାଉଛି । ଗାବା ଟେଷ୍ଟର ଚତୁର୍ଥ ଦିନ ଭାରତୀୟ ବୋଲରଙ୍କ ବ୍ୟାଟିଂର ଯାଦୁ ଦେଖିବାକୁ ମିଳିଥିଲା । ଯିଏ ଭାରତୀୟ ଦଳକୁ ଫଲୋଅନ୍ ଖାଇବାରୁ ବଞ୍ଚାଇଥିଲେ । ଷ୍ଟମ୍ପ୍ ବେଳକୁ ଭାରତୀୟ ଦଳର ସ୍କୋର ରହିଛି ୨୫୨/୯ ଥିଲା । 

Akash Deep makes sure India avoid the follow-on and then smashes Pat Cummins into the second level!#AUSvIND pic.twitter.com/HIu86M7BNW— cricket.com.au (@cricketcomau) December 17, 2024

ଆକାଶ ଦୀପ ଏବଂ ଜସପ୍ରୀତ ବୁମ୍ରା କ୍ରିଜରେ ଅଛନ୍ତି । ଉଭୟଙ୍କ ମଧ୍ୟରେ ୩୯ ରନର ଭାଗିଦାରୀ ହୋଇଛି ।  ଫଲୋଅନ୍‌କୁ ବଞ୍ଚାଇବା ପାଇଁ ଭାରତ ୨୪୬ ରନ୍ ସ୍କୋର କରିବା ଆବଶ୍ୟକ କରୁଥିଲା । ଯାହା ଆକାଶ ଦୀପଙ୍କ ଚଉକା ଫଳରେ ସହଜରେ ମିଳିଯାିଥିଲା । ଅଷ୍ଟ୍ରେଲିଆ ଏହାର ପ୍ରଥମ ଇନିଂସରେ ୪୪୫ ରନ୍ ସଂଗ୍ରହ କରିଥିଲା । ବର୍ତ୍ତମାନ ଖରାପ ଲାଇଟ୍ ଯୋଗୁଁ ମ୍ୟାଚ୍ ବନ୍ଦ ହୋଇଯାଇଛି । 

ଯଦି ଦେଖାଯାଏ, ପୂର୍ବରୁ ବ୍ରିସବେନ୍ ଗାବା ଗ୍ରାଉଣ୍ଡରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସାତୋଟି ଟେଷ୍ଟ ଖେଳାଯାଇଥିଲା । ଏହି ସମୟ ମଧ୍ୟରେ ଭାରତୀୟ ଦଳ ୫ ଟି ମ୍ୟାଚ୍ ହାରିଥିଲା ଏବଂ ଗୋଟିଏ ମ୍ୟାଚ୍ ମଧ୍ୟ ଡ୍ର ରହିଥିଲା । ଗାବାରେ ଭାରତୀୟ ଦଳର ଏକମାତ୍ର ଟେଷ୍ଟ ବିଜୟ ଜାନୁଆରୀ ୨୦୨୧ରେ ହୋଇଥିଲା। ତା’ପରେ ସେ ଅଜିଙ୍କ୍ୟ ରାହାଣ୍ୟଙ୍କ ନେତୃତ୍ୱରେ ଅଷ୍ଟ୍ରେଲିଆକୁ ତିନି ୱିକେଟରେ ପରାସ୍ତ କରିଥିଲେ।