ବନ୍ଧୁକ ମୁନରେ ଦମ୍ପତ୍ତିଙ୍କଠୁ ଲୁଟ୍, ସ୍ତ୍ରୀଙ୍କ ବେକରୁ ଝାମ୍ପିନେଲେ ସୁନା ହାର ଓ ମଙ୍ଗଳସୂତ୍ର

ଆନନ୍ଦପୁର ୨୯।୩: ଜାତୀୟ ରାଜପଥରେ ସ୍କୁଟିରେ ଯାଉଥିବା ଦମ୍ପତ୍ତିଙ୍କୁ ପ୍ରଥମେ ଧକ୍କା ଦେଲେ ଓ ପରେପରେ ବନ୍ଧୁକ ଦେଖାଇ ଲୁଟିନେଲେ ପତ୍ନୀଙ୍କ ବେକରୁ ସୁନା ହାର, ମଙ୍ଗଳସୁତ୍ର ଓ କାନଫୁଲ । କେବଳ ବନ୍ଧୁକ ଦେଖାଇ ନାହାନ୍ତି ବରଂ ଭୟଭୀତ କରିବାକୁ ଗୋଟିଏ ରାଉଣ୍ଡ ଗୁଳି ମଧ୍ଯ ରାସ୍ତା ଉପରକୁ ଫୁଟାଇଛନ୍ତି ।

ସୂଚନାଯୋଗ୍ୟ ଯେ, କେନ୍ଦୁଝର ଜିଲ୍ଲା ଆନନ୍ଦପୁର ଉପଖଣ୍ଡ ଦେଇ ଯାଇଥିବା ୨୦ନଂ ଜାତୀୟ ରାଜପଥର ବୀରଗୋବିନ୍ଦପୁର ଛକ ଠାରେ ଦିନ ଦ୍ବିପ୍ରହରରେ ଏଭଳି ଘଟଣା ଘଟିଛି । ଘଟଗାଁ ଥାନା ବରବେଡାରୁ ନିଜ ସ୍କୁଟିରେ ବେଲବାହାଳି ଯାଉଥିବା ଦମ୍ପତ୍ତି ନିଗମ ପ୍ରସାଦ ସାହୁ ଓ ତାଙ୍କ ପତ୍ନୀଙ୍କ ସହ ଏଭଳି ଘଟଣା ଘଟିଛି । ରାସ୍ତାରେ ଯାଉଥିବା ସମୟରେ ବୀରଗୋବିନ୍ଦପୁର ଛକ ଠାରେ ଏକ କଳା ପଲସରରେ ଆସି ୩ ମୁଖାପିନ୍ଧା ଦୁର୍ବୃତ୍ତ ପ୍ରଥମେ ସ୍କୁଟିକୁ ସାଇଡ୍ ମାରିଥିଲେ ଓ ପରେ ପରେ ବନ୍ଧୁକ ଫୁଟାଇ ଲୁଟ୍ ପାଟ୍ କରି ପୁଣି ଥରେ ଘଟଗାଁ ଅଭିମୁଖେ ଦ୍ରୁତ ବେଗରେ ପଳାଇ ଯାଇଥିଲେ । ଖବର ପାଇ ଘଷିପୁରା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

 You Can Read :