ବିଗିଡିଲା ସ୍ବାସ୍ଥ୍ୟାବସ୍ଥା, ହସ୍ପିଟାଲରେ ଭର୍ତ୍ତି ହେଲେ ଅଭିନେତା

ମୁମ୍ବାଇ: ବଲିଉଡ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସୁଛି। ଛାତିରେ ଯନ୍ତ୍ରଣା ଅନୁଭବ କରିବାରୁ ମିଥୁନଙ୍କୁ ଶନିବାର ସକାଳେ କୋଲକାତାର ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଛି। ଅଭିନେତାଙ୍କ ନିକଟତର ଜଣେ ବ୍ୟକ୍ତି କହିଛନ୍ତି, ମିଥୁନ ସକାଳୁ ବହୁତ ଅସହଜ ଅନୁଭବ କରୁଥିଲେ, ସେଥିପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।

ହସ୍ପିଟାଲରେ ଉପସ୍ଥିତ ଥିବା ମିଥୁନଙ୍କ ଘନିଷ୍ଠ ବନ୍ଧୁ କହିଛନ୍ତି , ମିଥୁନଙ୍କ ବିଷୟରେ ଚିନ୍ତା କରିବାର କୌଣସି ଆବଶ୍ୟକତା ନାହିଁ ଏବଂ ସେ ଭଲ ଅଛନ୍ତି। ବର୍ତ୍ତମାନ ଡାକ୍ତରମାନେ ତାଙ୍କର ସମସ୍ତ ପରୀକ୍ଷା କରୁଛନ୍ତି।

The post ବିଗିଡିଲା ସ୍ବାସ୍ଥ୍ୟାବସ୍ଥା, ହସ୍ପିଟାଲରେ ଭର୍ତ୍ତି ହେଲେ ଅଭିନେତା appeared first on Dharitri Odia News.