ବିରାଟଙ୍କ ପାଇଁ ଚୟନକର୍ତ୍ତାଙ୍କ ସହ କଳି କଲେ ରୋହିତ, କାହିଁକି T20 WC 2024 ଖେଳିବେନି ପଚାରିଲେ…

କୋଲକାତା,୭।୧ : ଟି -୨୦ ବିଶ୍ୱକପ ୨୦୨୪ ର କାର୍ଯ୍ୟସୂଚୀ ପ୍ରକାଶ ପାଇଛି। ଏହା ସହିତ ଭାରତୀୟ ଦଳର ପ୍ରତ୍ୟେକ ସ୍ଥାନ ପାଇଁ ଯୁଦ୍ଧ ଆରମ୍ଭ ହୋଇଛି। ଏବେ ସୋସିଆଲ ମିଡିଆରେ ଏକ ଖବର ଭାଇରାଲ ହେବାରେ ଲାଗିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଭାଇରାଲ ହେଉଥିବା ଖବର ଅନୁଯାୟୀ ଚୟନକର୍ତ୍ତାମାନେ ଆଗାମୀ ଟୁର୍ନାମେଣ୍ଟରେ ରୋହିତ ଶର୍ମା ଏବଂ ବିରାଟ କୋହଲିଙ୍କ ମଧ୍ୟରେ ଜଣଙ୍କୁ ବାଛିବାକୁ ଚେଷ୍ଟା କରୁଛନ୍ତି।

ବିରାଟ କୋହଲିଙ୍କ ଆଶା ଟି-୨୦ ବିଶ୍ୱକପରେ ନିରାଶରେ ପରିଣତ ହୋଇପାରେ। ସେମାନଙ୍କର ମନ୍ଥର ଖେଳକୁ ଦୃଷ୍ଟିରେ ରଖି ବୋର୍ଡ ଇଶାନ କିଶନ ଏବଂ ଯଶସ୍ବୀ ଜୈସ୍ବାଲଙ୍କ ନାମ ଉପରେ ଆଲୋଚନା କରୁଛି। ତେବେ ଆହୁରି ମଧ୍ୟ ଖବର ରହିଛି ଯେ ଯଦି କୋହଲି ଆଇପିଏଲରେ ଆକ୍ରମଣାତ୍ମକ ଖେଳ ପ୍ରଦର୍ଶନ କରିବାରେ ସଫଳ ହୁଅନ୍ତି, ତେବେ ତାଙ୍କୁ ଟି -୨୦ ବିଶ୍ୱକପ ପାଇଁ ଚୟନ କରାଯାଇପାରେ।

ସୋସିଆଲ ମିଡିଆରେ ଚାଲିଥିବା ଏହି କଳ୍ପନାଜଳ୍ପନା ମଧ୍ୟରେ ଏବେ ଏକ ନୂଆ ଖବର ବାହାରକୁ ଆସୁଛି । ଏହା ହାଇଡ୍ରୋଜେନ ଏକ୍ସ ନାମକ ଏକ ସୋସିଆଲ ମିଡିଆ ଆକାଉଣ୍ଟରୁ ଶେୟାର କରାଯାଇଛି ରୋହିତ ଶର୍ମା ଆସନ୍ତା ଟି-୨୦ ବିଶ୍ୱକପରେ ବିରାଟ କୋହଲିଙ୍କ ପାଇଁ ଚୟନକର୍ତ୍ତାଙ୍କ ନିକଟକୁ ଆସି ସେମାନଙ୍କ ସହ କଳି କରିଛନ୍ତି। ‘ହିଟମ୍ୟାନ’ ଚାହୁଁଛନ୍ତି ବିରାଟ କୋହଲିଙ୍କ ନାମ ଟି-୨୦ ବିଶ୍ୱକପ ଦଳରେ ରହୁ। ତେବେ ଚୟନକର୍ତ୍ତାମାନେ କୋହଲିଙ୍କ ମନ୍ଥର ଖେଳକୁ ନେଇ ଅସନ୍ତୁଷ୍ଟ ଅଛନ୍ତି। ରୋହିତ କହିଛନ୍ତି ବିରାଟ କାହିଁକି ଖେଳିବେନି କୁହ?
ଏହା ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।

JUST IN Read More