ବିଶ୍ୱର ପ୍ରଥମ ଥର ପାଇଁ ହେଲା ରୋବୋଟ୍ ବକ୍ସିଂ ଟୁର୍ଣ୍ଣାମେଣ୍ଟ, ଜାଣନ୍ତୁ ସମ୍ପୂର୍ଣ୍ଣ ଡିଟେଲ୍ସ

ଆଡଭାନ୍ସ ଟେକ୍ନୋଲୋଜି ଏବେ ଲୋକଙ୍କ ପାଇଁ ମନୋରଞ୍ଜନର ଏକ ଉତ୍ସ ପାଲଟିଛି । ରୋବୋଟିକ୍ସ କ୍ଷେତ୍ରରେ ଚୀନ୍ ନୂଆ ଅଧ୍ୟାୟ ସୃଷ୍ଟି କରୁଛି । ବିଶ୍ୱର ପ୍ରଥମ ରୋବୋଟ୍ ବକ୍ସିଂ ଟୁର୍ଣ୍ଣାମେଣ୍ଟ ସେଠାରେ ଆୟୋଜିତ ହୋଇଛି । ରିପୋର୍ଟ ଅନୁସାରେ, ଚୀନର ହାଙ୍ଗଜୋଉ ସହରରେ ଥିବା ୟୁନିଟ୍ରି କମ୍ପାନୀର ନୂଆ କାରଖାନାରେ ଏହି ମୁକାବିଲା ହୋଇଥିଲା । ଏହି ସମୟରେ, ଚାରୋଟି ୟୁନିଟାରୀ G1 ରୋବୋଟ ମଧ୍ୟରେ ଏକ ଲଢ଼େଇ ହୋଇଥିଲା । ଖାସ୍ କଥା ହେଉଛି ଯେ, ଏହି ଚାରୋଟି ରୋବୋଟକୁ ଦୂରରେ ବସି ମଣିଷମାନେ କଣ୍ଟ୍ରୋଲ କରୁଥିଲେ । ଏଥି ସହ ଜାଣିରଖନ୍ତୁ ଯେ, ଏହି ଟୁର୍ଣ୍ଣାମେଣ୍ଟର ନାମ ହେଉଛି ‘ୟୁନାଇଟ୍ ଆଇରନ ଫିଷ୍ଟ କିଙ୍ଗ: ଆୱେକିନିଙ୍ଗ୍’ ରଖାଯାଇଥିଲା । ଏହି ଟୁର୍ଣ୍ଣାମେଣ୍ଟରେ ବହୁତ ଲାତ ଏବଂ ମୁଠା ମାରିବା ହୋଇଥିଲା । ରୋବୋଟଗୁଡ଼ିକ ପରସ୍ପର ସହିତ କଠିନ ଲଢ଼େଇ ମଧ୍ୟ କଲେ ଏବଂ ଶେଷରେ ଜଣେ ବିଜେତାଙ୍କୁ ଚୟନ କରାଗଲା ।

ରିପୋର୍ଟ ଅନୁସାରେ, ରୋବୋଟ୍ ବକ୍ସିଂ ଟୁର୍ଣ୍ଣାମେଣ୍ଟରେ ମୋଟ ତିନୋଟି ରାଉଣ୍ଡ ଥିଲା । ପ୍ରତ୍ୟେକ ରାଉଣ୍ଡ ଦୁଇ ମିନିଟ୍ର ଥିଲା । ଏକ ପଏଣ୍ଟ ସିଷ୍ଟମ ମଧ୍ୟ ରଖାଯାଇଥିଲା । ରୋବୋଟ ହାତରେ ଆଘାତ କରିବା ପାଇଁ ଗୋଟିଏ ପଏଣ୍ଟ ଏବଂ ପାଦରେ ଆଘାତ କରିବା ପାଇଁ ତିନି ପଏଣ୍ଟ ପାଇବ । ଲଢ଼େଇ ସମୟରେ ପଡ଼ିଯାଇଥିବା ରୋବୋଟକୁ ୮ ସେକେଣ୍ଡ ସମୟ ଦିଆଯାଇଥିଲା । ଯଦି ରୋବୋଟ୍ ୮ ସେକେଣ୍ଡ ମଧ୍ୟରେ ଉଠିପାରିବ ନାହିଁ, ତେବେ ପଏଣ୍ଟ କଟାଯିବ ।

ରୋବୋଟ୍ ବକ୍ସିଂ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରୁଥିବା ଚାରୋଟି ରୋବୋଟ୍ ନାମକରଣ କରାଯାଇଥିଲା । ରିପୋର୍ଟ ଅନୁଯାୟୀ, ପ୍ରଥମ ମ୍ୟାଚ୍ ‘‘AI Strategist’’ ଏବଂ ‘‘Silk Artisan’’ ମଧ୍ୟରେ ହୋଇଥିଲା । AI ଷ୍ଟାଟେଜିଷ୍ଟ ଆରମ୍ଭରୁ ହିଁ ପାୱାରଫୁଲ୍ ଆକ୍ରମଣ ଆରମ୍ଭ କରିଥିଲେ । କୁହାଯାଏ ଯେ ତାଙ୍କର ମୁହାଁମୁହିଁ ମଣିଷ ପରି ପଡୁଥିଲା । ସେ ତୃତୀୟ ରାଉଣ୍ଡରେ ସିଲ୍କ ଆର୍ଟିସାନକୁ ପରାସ୍ତ କରିଥିଲେ । ସେହିପରି ଦ୍ୱିତୀୟ ମ୍ୟାଚ୍ ଆର୍ମର୍ଡ ମୁଲାନ ଏବଂ ଏନର୍ଜି ଗାର୍ଡିଆନ ମଧ୍ୟରେ ଖେଳାଯାଇଥିଲା । ପ୍ରଥମ ରାଉଣ୍ଡରେ ଆର୍ମର୍ଡ ମୁଲାନ ଅଧିକ ସ୍କୋର କରିଥିଲେ, କିନ୍ତୁ ତୃତୀୟ ରାଉଣ୍ଡରେ ପରାସ୍ତ ହୋଇଥିଲେ ଏବଂ ଏନର୍ଜି ଗାର୍ଡିଆନ୍ ଜିତିଥିଲେ ।

ରିପୋର୍ଟ ଅନୁସାରେ, ଫାଇନାଲ ମ୍ୟାଚ୍ AI ଷ୍ଟ୍ରାଟେଜିଷ୍ଟ ଏବଂ ଏନର୍ଜି ଗାର୍ଡିଆନ ମଧ୍ୟରେ ଖେଳାଯାଇଥିଲା । AI ଷ୍ଟ୍ରାଟେଜିଷ୍ଟ ତିନି ରାଉଣ୍ଡରେ ଏନର୍ଜି ଗାର୍ଡିଆନଙ୍କୁ ପରାସ୍ତ କରି ଫାଇନାଲ ମ୍ୟାଚ୍ ଜିତିଥିଲେ । ଏହିପରି ଭାବରେ AI ଷ୍ଟ୍ରାଟେଜିଷ୍ଟଙ୍କୁ ବିଜେତା ଘୋଷଣା କରାଯାଇଥିଲା ।

ରିପୋର୍ଟ ଅନୁସାରେ, ଯେକୌଣସି ଖେଳ ପାଇଁ ଦମ୍ ସହିତ ଦିମାକ୍ ମଧ୍ୟ ଆବଶ୍ୟକ । ରୋବୋଟମାନେ ରିୟଲ ଟାଇମରେ ପରସ୍ପରର ଆକ୍ରମଣକୁ ବୁଝିପାରିଲେ । ବିଶେଷଜ୍ଞମାନେ ଏହାକୁ ମନ ଧ୍ୟାନ ଦେଇ ଦେଖୁଛନ୍ତି । ଟୁର୍ଣ୍ଣାମେଣ୍ଟରେ ସାମିଲ ହୋଇଥିବା ସମସ୍ତ ରୋବୋଟ୍ଙ୍କର ସମାନ ଫିଚର୍ସ ଥିଲା । ତାଙ୍କର ଉଚ୍ଚତା ପ୍ରାୟ ୧.୩ ମିଟର ଥିବାବେଳେ ଓଜନ ପ୍ରାୟ ୩୫ କିଲୋଗ୍ରାମ ଥିଲା । ସମସ୍ତ ରୋବୋଟ୍ ବହୁତ ସ୍ପିଡରେ ଗତି କରୁଥିଲେ । ଏଥି ସହ ୨୩ ଡିଗ୍ରୀ ଘୂରିପାରୁଥିଲେ । ପଡ଼ିଯିବା ପରେ ମଧ୍ୟ ସେ ଶୀଘ୍ର ଉଠିପଡ଼ୁଥିଲେ ।

Also read : ଘରର ସମସ୍ତ କାମ କରୁଛି ଏଲନ୍ ମସ୍କଙ୍କ ଅପ୍ଟିମସ୍ ରୋବୋଟ୍, ଭିଡିଓ ଦେଖି ହୋଇଯିବେ ଆଶ୍ଚର୍ଯ୍ୟ

The post ବିଶ୍ୱର ପ୍ରଥମ ଥର ପାଇଁ ହେଲା ରୋବୋଟ୍ ବକ୍ସିଂ ଟୁର୍ଣ୍ଣାମେଣ୍ଟ, ଜାଣନ୍ତୁ ସମ୍ପୂର୍ଣ୍ଣ ଡିଟେଲ୍ସ appeared first on KNews Odisha.