ବେଙ୍ଗଲ ନିର୍ବାଚନରେ ମୁତୟନ ହେବେ CAPFର ଅତିରିକ୍ତ ୧୦୦ କମ୍ପାନି, NIA ଉପରେ ଆକ୍ରମଣ ପରେ ECଙ୍କ ନିଷ୍ପତ୍ତି

ନୂଆଦିଲ୍ଲୀ: ଲୋକସଭା ନିର୍ବାଚନରେ ଅବାଧ ଏବଂ ନିରପେକ୍ଷ ନିର୍ବାଚନ କରାଇବା ପାଇଁ ନିର୍ବାଚନ ଆୟୋଦ ପ୍ରସ୍ତୁତି କରୁଛନ୍ତି । ଏହି କ୍ରମରେ ନିର୍ବାଚନ ଆୟୋଗ ମଙ୍ଗଳବାର ଏପ୍ରିଲ ୯ରେ ଗୃହ ମନ୍ତ୍ରଣାଳୟକୁ ପଶ୍ଚିମବଙ୍ଗରେ କେନ୍ଦ୍ରୀୟ ସଶସ୍ତ୍ର ଅର୍ଦ୍ଧସାମରିକ ବଳ (ସିଏପିଏଫ)ର ୧୦୦ ଅତିରିକ୍ତ କମ୍ପାନି ମୁତୟନ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।

ନିର୍ବାଚନ ଆୟୋଗଙ୍କ ନିର୍ଦ୍ଦେଶରେ ଗୃହ ମନ୍ତ୍ରଣାଳୟ ଦ୍ୱାରା ସିଆରପିଏଫର ୫୫ କମ୍ପାନି ଏବଂ ସୀମା ସୁରକ୍ଷା ବଳର ୪୫ କମ୍ପାନି ମୁତୟନ କରାଯିବ । ଏପ୍ରିଲ ୧୫ କିମ୍ୱା ଏହା ପୂର୍ବରୁ ପଶ୍ଚମବଙ୍ଗରେ ସିଏପିଏଫର ଅତିରିକ୍ତ ୧୦୦ କମ୍ପାନିଙ୍କ ମୁତୟନ ସୁନିଶ୍ଚିତ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

ଏହା ପୂର୍ବରୁ ସୋମବାର ଟିଏମସି ନେତା ପୁଣି ଥରେ ପଶ୍ଚିମବଙ୍ଗରେ କେନ୍ଦ୍ରୀୟ ଏଜେନ୍ସିର ଦୁରୁପଯୋଗ ପ୍ରସଙ୍ଗ ଉଠାଇଥିଲେ । ଏହି ମାମଲାରେ ଡେରେକ ଓ’ ବ୍ରାୟନ, ଡୋଲା ସେନ, ସାକେତ ଗୋଖଲେ ଏବଂ ସାଗରିକା ଘୋଷଙ୍କ ସମେତ ଟିଏମସି ନେତାଙ୍କ ଏକ ପ୍ରତିନିଧିମଣ୍ଡଳ ନିଜ ଦାବି ନେଇ ନିର୍ବାଚନ ଆୟୋଗଙ୍କୁ ଭେଟିଥିଲେ ।

ପଶ୍ଚିମବଙ୍ଗର ପୂର୍ବ ମିଦନାପୁର ଜିଲ୍ଲାର ଭୂପତିନଗରରେ ଶନିବାର ସକାଳେ ରାଷ୍ଟ୍ରୀୟ ତଦନ୍ତକାରୀ ଏଜେନ୍ସି (ଏନଆଇଏ)ର ଏକ ଟିମ୍ ଉପରେ ଆକ୍ରମଣ ହୋଇଥିଲା । ଏନଆଇଏ ଅଧିକାରୀ ଟିଏମସିର ଜଣେ ତାଙ୍କ ଘରେ ୨୦୨୨ରେ ବିସ୍ଫୋରଣ ମାମଲାର ତଦନ୍ତ ପାଇଁ ପହଞ୍ଚିଥିଲେ । ସେହି ସମୟରେ ଉଗ୍ର ଭିଡ଼ ଏମଆଇଏ ଟିମ ଉପରେ ପଥର ମାଡ଼ କରିଥିଲେ । ଏହି ଆକ୍ରମଣରେ ଜଣେ ଅଧିକାରୀ ଆହତ ମଧ୍ୟ ହୋଇଥିଲେ ।