ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ବ୍ୟାଟିଂରେ ଫିଦା ମାଷ୍ଟର ବ୍ଲାଷ୍ଟର, କହିଲେ ଏମିତି...

ନୂଆଦିଲ୍ଲୀ ୨୯/୦୪: IPL ୨୦୨୫ର ୪୭ତମ ମ୍ୟାଚ୍‌ରେ, ଜୟପୁରରେ ହୋଇଥିଲା ରନ୍ ବର୍ଷା । ରାଜସ୍ଥାନ ରୟାଲ୍ସର ୧୪ ବର୍ଷୀୟ ଓପନର ବ୍ୟାଟସମ୍ୟାନ୍ ଆଇପିଏଲ ଇତିହାସରେ ଦ୍ୱିତୀୟ ଦ୍ରୁତତମ ଶତକ ହାସଲ କରି ଗୁଜରାଟ ଟାଇଟାନ୍ସର ବଡ଼ ସ୍କୋରକୁ ପଛରେ ପକାଇ ଦେଇଛନ୍ତି । ପ୍ରଥମେ ବ୍ୟାଟିଂ କରି ଗୁଜରାଟ ଟାଇଟାନ୍ସ ୨୦ ଓଭରରେ ୪ ୱିକେଟ୍ ହରାଇ ୨୦୯ ରନ୍ କରିଥିଲା। 

ଟାର୍ଗେଟର ପିଛା କରି, ରାଜସ୍ଥାନ ରୟାଲ୍ସ ୨୫ ବଲ୍ ବାକି ଥାଇ ୮ ୱିକେଟରେ ମ୍ୟାଚ୍ ଜିତି ନେଇଥିଲା। ଏହି ମ୍ୟାଚ୍‌ର ହିରୋ ଥିଲେ ୧୪ ବର୍ଷୀୟ ବୈଭବ ସୂର୍ଯ୍ୟବଂଶୀ । ଯିଏ ବିସ୍ପୋରକ ଶତକ ମାରି ଗୁଜରାଟ ଟାଇଟାନ୍ସକୁ ମାଟି କାମୁଡିବାକୁ ବାଧ୍ୟ କରିଥିଲେ । ତେବେ ବୈଭବଙ୍କ ଖେଳରେ ଫିଦା ହୋଇଯାଇଛନ୍ତି ଅନେକ ଦିଗ୍ଗଜ କ୍ରିକେଟର । ଖାସ୍ କରି ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ମଧ୍ୟ ବୈଭବଙ୍କ ଏହି ଚମତ୍କାର ଇନିଂସକୁ ପ୍ରଶଂସା କରିଛନ୍ତି।

ମହାନ ବ୍ୟାଟସମ୍ୟାନ ସଚିନ ତେନ୍ଦୁଲକର ବୈଭବ ସୂର୍ଯ୍ୟବଂଶୀଙ୍କୁ ପ୍ରଶଂସା କରିବାରୁ ନିଜକୁ ରୋକିପାରିଲେ ନାହିଁ । ବୈଭବଙ୍କ ଇନିଂସର ଭିଡିଓ ସେୟାର କରିବା ସମୟରେ ସେ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଲେଖିଛନ୍ତି, "ବୈଭବଙ୍କ ନିର୍ଭୀକ ଆଭିମୁଖ୍ୟ, ବ୍ୟାଟ୍ ଗତି, ବଲ୍ ର ଲେନ୍ଥକୁ ଶୀଘ୍ର ବୁଝିବାର କ୍ଷମତା ରହିଛି । ବଲ୍ ର ଶକ୍ତି ସ୍ଥାନାନ୍ତର କରିବାର କ୍ଷମତା ହେଉଛି ତାଙ୍କ ଚମତ୍କାର ଇନିଂସର ରହସ୍ୟ । ଶେଷରେ, ଫଳାଫଳ ୩୫ବଲ୍ ରେ ୧୦୧ ମହାନ ପାଳି ଖେଳିଥିଲେ । 

Vaibhav’s fearless approach, bat speed, picking the length early, and transferring the energy behind the ball was the recipe behind a fabulous innings.

End result: 101 runs off 38 balls.

Well played!!pic.twitter.com/MvJLUfpHmn— Sachin Tendulkar (@sachin_rt) April 28, 2025

ରାଜସ୍ଥାନ ରୟାଲ୍ସ ଏହି ଓପନରଙ୍କୁ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା ଦଳ । ବୈଭବ ସେହି ବିଶ୍ୱାସକୁ ପୂରଣ କଲେ ଏବଂ ଗୁଜରାଟ ଟାଇଟାନ୍ସ ବିପକ୍ଷରେ ୩୫ ବଲ୍‌ରେ ୧୦୧ ରନ୍‌ର ଏକ ଚମତ୍କାର ଇନିଂସ ଖେଳିଲେ। ତାଙ୍କ ଇନିଂସରେ ୭ଟି ଚୌକା ଏବଂ ୧୧ଟି ଛକା ଅନ୍ତର୍ଭୁକ୍ତ ଥିଲା। ତାଙ୍କର ଷ୍ଟ୍ରାଇକ୍ ରେଟ୍ ଥିଲା ୨୬୫.୭୯। ବୈଭବଙ୍କ ଏହି ଇନିଂସ ଯୋଗୁଁ ରାଜସ୍ଥାନ ମାତ୍ର ୧୫ ଓଭର ଏବଂ ୫ ବଲ୍ ମଧ୍ୟରେ ୨୧୦ ରନର ଟାର୍ଗେଟ ହାସଲ କରିଥିଲା। ତାଙ୍କର ଚମତ୍କାର ପ୍ରଦର୍ଶନ ପାଇଁ ସେ ମ୍ୟାଚ୍ ର ଶ୍ରେଷ୍ଠ ଖେଳାଳି ପୁରସ୍କାର ମଧ୍ୟ ପାଇଥିଲେ।

ବୈଭବ ସୂର୍ଯ୍ୟବଂଶୀଙ୍କ ବୟସ ବର୍ତ୍ତମାନ ୧୪ ବର୍ଷ ୩୨ ଦିନ, କିନ୍ତୁ ସେ ୟୁସୁଫ ପଠାନଙ୍କ ୧୫ ବର୍ଷର ପୁରୁଣା ରେକର୍ଡ ଭାଙ୍ଗିଛନ୍ତି। ବୈଭବ ଆଇପିଏଲରେ ଦ୍ରୁତତମ ଶତକ ହାସଲ କରିବାରେ ପ୍ରଥମ ଭାରତୀୟ ହୋଇଛନ୍ତି। ୨୦୧୦ ମସିହାରେ, ଅର୍ଥାତ୍ ବୈଭବଙ୍କ ଜନ୍ମ ପୂର୍ବରୁ, ୟୁସୁଫ ପଠାନ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ୩୫ ବଲ୍‌ରେ ଶତକ ହାସଲ କରିଥିଲେ । ଏହି ଟୁର୍ଣ୍ଣାମେଣ୍ଟରେ ଦ୍ରୁତତମ ଶତକ ହାସଲ କରିଥିବା ପ୍ରଥମ ଭାରତୀୟ ହୋଇଥିଲେ। ତାଙ୍କ ରେକର୍ଡକୁ ବୈଭବ ସୂର୍ଯ୍ୟବଂଶୀ ୨୦୨୫ ମସିହାରେ ଭାଙ୍ଗିଥିଲେ। ମୋଟାମୋଟି ଭାବରେ, IPLରେ ଦ୍ରୁତତମ ଶତକ ହାସଲ କରିବାର ରେକର୍ଡ କ୍ରିସ୍ ଗେଲଙ୍କ ନାମରେ ଅଛି । ଯିଏ ୨୦୧୩ ମସିହାରେ ପୁନେ ୱାରିୟର୍ସ ବିପକ୍ଷରେ ୩୦ ବଲ୍ ରେ ଶତକ ହାସଲ କରିଥିଲେ।