ଭାରତ-ପାକିସ୍ତାନ ଯୁଦ୍ଧ ଭିତରେ ବଡ଼ ଖବର: କାଲିଠାରୁ ପେଟ୍ରୋଲ ପମ୍ପରେ UPI ଓ କାର୍ଡ ପେମେଣ୍ଟ ବନ୍ଦ
ନୂଆଦିଲ୍ଲୀ,୯।୫: ଭାରତରେ ଡିଜିଟାଲ ପେମେଣ୍ଟର ବ୍ୟବହାର ଦ୍ରୁତଗତିରେ ବୃଦ୍ଧି ପାଉଥିବା ବେଳେ ସାଇବର ଠକେଇର ବୃଦ୍ଧି ଏକ ବଡ଼ ଚିନ୍ତାର କାରଣ ହୋଇଛି। ଏହି ପରିପ୍ରେକ୍ଷୀରେ ମହାରାଷ୍ଟ୍ରର ନାଗପୁରରେ ଥିବା ପେଟ୍ରୋଲ ପମ୍ପ ମାଲିକମାନେ ଏକ ବଡ଼ ନିଷ୍ପତ୍ତି ନେଇଛନ୍ତି। ମେ ୧୦, ୨୦୨୫ରୁ ନାଗପୁରର ପେଟ୍ରୋଲ ପମ୍ପଗୁଡ଼ିକରେ UPI ଏବଂ କ୍ରେଡିଟ/ଡେବିଟ କାର୍ଡ ମାଧ୍ୟମରେ ପେମେଣ୍ଟ ବନ୍ଦ କରାଯିବ। ଏହାର ମୁଖ୍ୟ କାରଣ ହେଉଛି ସାଇବର ଠକେଇ ଯୋଗୁଁ ପେଟ୍ରୋଲ ପମ୍ପ ମାଲିକମାନଙ୍କର ବ୍ୟାଙ୍କ ଆକାଉଣ୍ଟ […] The post ଭାରତ-ପାକିସ୍ତାନ ଯୁଦ୍ଧ ଭିତରେ ବଡ଼ ଖବର: କାଲିଠାରୁ ପେଟ୍ରୋଲ ପମ୍ପରେ UPI ଓ କାର୍ଡ ପେମେଣ୍ଟ ବନ୍ଦ appeared first on Dharitri Odia News.
ନୂଆଦିଲ୍ଲୀ,୯।୫: ଭାରତରେ ଡିଜିଟାଲ ପେମେଣ୍ଟର ବ୍ୟବହାର ଦ୍ରୁତଗତିରେ ବୃଦ୍ଧି ପାଉଥିବା ବେଳେ ସାଇବର ଠକେଇର ବୃଦ୍ଧି ଏକ ବଡ଼ ଚିନ୍ତାର କାରଣ ହୋଇଛି। ଏହି ପରିପ୍ରେକ୍ଷୀରେ ମହାରାଷ୍ଟ୍ରର ନାଗପୁରରେ ଥିବା ପେଟ୍ରୋଲ ପମ୍ପ ମାଲିକମାନେ ଏକ ବଡ଼ ନିଷ୍ପତ୍ତି ନେଇଛନ୍ତି। ମେ ୧୦, ୨୦୨୫ରୁ ନାଗପୁରର ପେଟ୍ରୋଲ ପମ୍ପଗୁଡ଼ିକରେ UPI ଏବଂ କ୍ରେଡିଟ/ଡେବିଟ କାର୍ଡ ମାଧ୍ୟମରେ ପେମେଣ୍ଟ ବନ୍ଦ କରାଯିବ। ଏହାର ମୁଖ୍ୟ କାରଣ ହେଉଛି ସାଇବର ଠକେଇ ଯୋଗୁଁ ପେଟ୍ରୋଲ ପମ୍ପ ମାଲିକମାନଙ୍କର ବ୍ୟାଙ୍କ ଆକାଉଣ୍ଟ ଅଚଳ ହେବା।
ବିଦର୍ଭ ପେଟ୍ରୋଲିୟମ ଡିଲର୍ସ ଆସୋସିଏସନ (VPDA) ଅନୁଯାୟୀ, ନାଗପୁରର ପ୍ରାୟ ୨୫-୩୦ଟି ପେଟ୍ରୋଲ ପମ୍ପର ବ୍ୟାଙ୍କ ଆକାଉଣ୍ଟ କେନ୍ଦ୍ରୀୟ ଗୃହ ମନ୍ତ୍ରଣାଳୟର ନିର୍ଦ୍ଦେଶରେ ସାଇବର ଅପରାଧ ତଦନ୍ତରେ ଅଚଳ ହୋଇଯାଇଛି। ଏହି ଆକାଉଣ୍ଟଗୁଡ଼ିକରେ ଠକେଇ ମାଧ୍ୟମରେ ପେମେଣ୍ଟ ଆସୁଥିବା ଅଭିଯୋଗ ରହିଛି। VPDAର ଅଧ୍ୟକ୍ଷ ଗୌରବ ଜୈସୱାଲ କହିଛନ୍ତି, ଆମେ ଖୁଚୁରା ବ୍ୟବସାୟୀ, ତଦନ୍ତକାରୀ ନୁହେ। ଗ୍ରାହକଙ୍କ ପେମେଣ୍ଟ ଅପରାଧୀ କି ନୁହେଁ, ତାହା ଯାଞ୍ଚ କରିବା ଆମ ପାଇଁ ଅସମ୍ଭବ। ସେ ଆହୁରି କହିଛନ୍ତି, ପୂର୍ବରୁ କେବଳ ସନ୍ଦେହଜନକ ରାଶି ଅଟକାଯାଉଥିଲା, କିନ୍ତୁ ଏବେ ସମ୍ପୂର୍ଣ୍ଣ ଆକାଉଣ୍ଟ ଅଚଳ ହେଉଛି, ଯାହା ଆମ ବ୍ୟବସାୟକୁ ବାଧା ସୃଷ୍ଟି କରୁଛି।
ଏହି ନିଷ୍ପତ୍ତି ନାଗପୁରର ସାଧାରଣ ଲୋକଙ୍କ ପାଇଁ ଅସୁବିଧା ସୃଷ୍ଟି କରିବ। ପେଟ୍ରୋଲ ପମ୍ପରେ କେବଳ ନଗଦ ପେମେଣ୍ଟ ଗ୍ରହଣ କରାଯିବ, ଯାହା ଡିଜିଟାଲ ପେମେଣ୍ଟ ଉପରେ ନିର୍ଭର କରୁଥିବା ଗ୍ରାହକଙ୍କ ପାଇଁ ସମସ୍ୟା ହୋଇପାରେ। VPDA ଅନୁଯାୟୀ, ପ୍ରତିଦିନ ପ୍ରାୟ ୨,୦୦୦ ଡିଜିଟାଲ ଟ୍ରାନଜାକସନ ହେଉଛି, ଯାହା ମୋଟ ଟ୍ରାନଜାକ୍ସନର ୬୦% ଅଟେ। ଏହି ବନ୍ଦ ଯୋଗୁଁ ଗ୍ରାହକମାନେ ନଗଦ ରଖିବାକୁ ବାଧ୍ୟ ହେବେ, ଯାହା ଅସୁବିଧାଜନକ ହୋଇପାରେ।
The post ଭାରତ-ପାକିସ୍ତାନ ଯୁଦ୍ଧ ଭିତରେ ବଡ଼ ଖବର: କାଲିଠାରୁ ପେଟ୍ରୋଲ ପମ୍ପରେ UPI ଓ କାର୍ଡ ପେମେଣ୍ଟ ବନ୍ଦ appeared first on Dharitri Odia News.
