ଭାରତକୁ ମହାନ ଶକ୍ତି କହିଲେ ପୁଟିନ; ଚାଇନା-ପାକିସ୍ତାନକୁ ଲାଗିଲା ବଡ଼ ଝଟକା

ନୂଆଦିଲ୍ଲୀ, ୮।୧୧: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତର ପ୍ରଶଂସା କରି ଭାରତକୁ ଏକ ମହାନ ଶକ୍ତି ବୋଲି କହିଛନ୍ତି। ଭାରତର ଅର୍ଥବ୍ୟବସ୍ଥା, ସଂସ୍କୃତି ଏବଂ ଭବିଷ୍ୟତରେ ସମ୍ଭାବନାକୁ ଖୁବ ପ୍ରଶଂସା କରିଥିଲେ। ପୁଟିନ ବଦ୍ଲାଇ ଆଲୋଚନାରେ ରୁଷିଆ ଏବଂ ଭାରତର ସମ୍ପର୍କକୁ ଐତିହାସିକ କହିଛନ୍ତି। ଦୁଇଦେଶ ଐତିହାସିକ ବିଶ୍ୱାସ ଏବଂ ସହଯୋଗ ସହିତ ଯୋଡ଼ି ହୋଇ ଅଛନ୍ତି। ରାକ୍ଷାଠାରୁ ଆରମ୍ଭ କରି ଆର୍ଥିକ ବିକାଶ ପର୍ଯ୍ୟନ୍ତ ଦୁଇ ଦେଶ ମଧ୍ୟରେ ସମ୍ପର୍କ ମଜବୁତ ହୋଇଛି। ଏହି ସମୟରେ ବିଶ୍ୱରେ ବଢୁଥିବା ପ୍ରଭାବର ଆଲୋଚନା କରି ଭାରତକୁ ଦୁନିଆର ଏକ ମହାଶକ୍ତି ବୋଲି କହିଛନ୍ତି।

ପୁଟିନ ଭାରତ ଏବଂ ପ୍ରଧାନମନ୍ତ୍ରୀ ମୋଦିଙ୍କୁ ଅନେକ ଥର ପ୍ରଶଂସା କରିଛନ୍ତି। ଏହା ଚାଇନା ପାଇଁ ଏକ ଚିନ୍ତାଜନକ ବିଷୟ ହୋଇପାରେ। ଏହାର କାରଣ ହେଉଛି ଚାଇନା ରୁଷିଆ-ୟୁକ୍ରେନ ଯୁଦ୍ଧରେ ଶାନ୍ତି ସ୍ଥାପନ କରିବାକୁ ଚେଷ୍ଟା କରୁଛି। ଚାଇନା ମଧ୍ୟ ୧୨ ପଏଣ୍ଟ ଯୋଜନା ପ୍ରସ୍ତୁତ କରିଥିଲା, କିନ୍ତୁ ଆଲୋଚନା ଆଗକୁ ବଢି ପାରି ନ ଥିଲା। ଯେଉଁଠାରେ ପୁଟିନ ଥରେ କହିଥିଲେ ଯେ ୟୁକ୍ରେନ ସହ ଶାନ୍ତି ଆଲୋଚନାରେ ଭାରତ ଏକ ପ୍ରମୁଖ ଭୂମିକା ଗ୍ରହଣ କରିପାରିବ। ଦ୍ୱିତୀୟ କାରଣ ହେଉଛି ଚାଇନା ମଧ୍ୟ ଏକ ସୁପର ପାୱାର ହେବାକୁ ଚେଷ୍ଟା କରୁଛି, ଯେତେବେଳେ କି ଭାରତ ଏହି ଦୋୖଡରେ ସମସ୍ତଙ୍କ ସମର୍ଥନ ଚାହୁଁଛି। ବର୍ତ୍ତମାନ ପୁଟିନ ଭାରତକୁ ଏକ ମହାଶକ୍ତି ବୋଲି ବର୍ଣ୍ଣନା କରିଛନ୍ତି, ଏହା ସ୍ପଷ୍ଟ ଯେ ଏହା ଚାଇନାକୁ ବିରକ୍ତ କରିପାରେ।

The post ଭାରତକୁ ମହାନ ଶକ୍ତି କହିଲେ ପୁଟିନ; ଚାଇନା-ପାକିସ୍ତାନକୁ ଲାଗିଲା ବଡ଼ ଝଟକା appeared first on Dharitri Odia News.