ଭୂକମ୍ପରେ ଥରିଲା ଆଫଗାନିସ୍ତାନ, ରିକ୍ଟର ସ୍କେଲ୍‌ରେ ତୀବ୍ରତା ୪.୨ ରେକର୍ଡ

ନୂଆଦିଲ୍ଲୀ ୨୫।୦୫; ଆଫଗାନିସ୍ତାନ୍‌ରେ ଭୂକମ୍ପ ଝଟକା । ରବିବାର ସକାଳେ, ଆଫଗାନିସ୍ତାନରେ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୨ ମାପ କରାଯାଇଥିଲା। ଏହି ଭୂମିକମ୍ପ ଭୂମିରୁ ୧୩୫ କିଲୋମିଟର ତଳେ ଘଟିଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଏହି ସୂଚନା ଦେଇଛି।

ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର କହିଛି ଯେ ଆଜି ସକାଳ ୬:୩୩ ରେ (ଭାରତୀୟ ସମୟ) ଆଫଗାନିସ୍ତାନରେ ଭୂମିକମ୍ପର ଝଟକା ଅନୁଭୂତ ହୋଇଛି। ହେଲେ ଏପର୍ଯ୍ୟନ୍ତ କୌଣସି ଆହତ କିମ୍ବା କ୍ଷତିର ଖବର ମିଳିନାହିଁ। ଏନେଇ ସେଠାକାର ପ୍ରଶାସନ ସଜାଗ ଅଛି ଏବଂ ପରିସ୍ଥିତି ଉପରେ ନଜର ରଖିଛି।

EQ of M: 4.2, On: 25/05/2025 06:33:39 IST, Lat: 36.26 N, Long: 69.74 E, Depth: 135 Km, Location: Afghanistan.
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/pivPOqvCvl— National Center for Seismology (@NCS_Earthquake) May 25, 2025

ଗତକାଲି ଆଫଗାନିସ୍ତାନରେ ମଧ୍ୟ ଭୂମିକମ୍ପ 

ଗତକାଲି ମଧ୍ୟ ଆଫଗାନିସ୍ତାନରେ ଭୂମିକମ୍ପ ଝଟକା ଅନୁଭୂତ ହୋଇଥିଲା। ପୂର୍ବରୁ ୧୭, ୧୮ ଏବଂ ୧୯ ମେରେ ମଧ୍ୟ ଭୂମିକମ୍ପ ହୋଇଥିଲା। ଭୂମିକମ୍ପ ଦୃଷ୍ଟିରୁ ଆଫଗାନିସ୍ତାନ ଏକ ସମ୍ବେଦନଶୀଳ ଅଞ୍ଚଳ। ଏପରି ପରିସ୍ଥିତିରେ ଏଠାରେ ନିରନ୍ତର ଭୂମିକମ୍ପ ଘଟୁଛି। NCS କହିଛି ଯେ ଗତକାଲି ଅର୍ଥାତ୍ ଶନିବାର ଏଠାରେ ଘଟିଥିବା ଭୂମିକମ୍ପର ତୀବ୍ରତା ୪.୫ ଥିଲା ଏବଂ ଏହାର କେନ୍ଦ୍ରସ୍ଥଳ ୧୨୦ କିଲୋମିଟର ଗଭୀରତାରେ ଥିଲା। ଏହା ପୂର୍ବରୁ ମେ ୧୯ ତାରିଖରେ ୪.୨ ତୀବ୍ରତାର ଭୂମିକମ୍ପ ହୋଇଥିଲା ଏବଂ ମେ ୧୮ ତାରିଖରେ ମଧ୍ୟ ୪.୫ ତୀବ୍ରତାର ଭୂମିକମ୍ପ ହୋଇଥିଲା। ଏହି ଭୂମିକମ୍ପ ୧୫୦ କିଲୋମିଟର ଗଭୀରତାରେ ଥିଲା।