‘ଭୟଙ୍କର ଭୁଲ୍ କରିଦେଲି’, ବିରାଟ ଦ୍ୱିତୀୟ ଥର ବାପା ହେବେ କହି କ୍ଷମା ମାଗିଲେ ଏବି ଡି ଭିଲିୟର୍ସ

ନୂଆଦିଲ୍ଲୀ,୯ା୨: ଦକ୍ଷିଣ ଆଫ୍ରିକାର ପୂର୍ବତନ କ୍ରିକେଟର ଏବି ଡି ଭିଲିୟର୍ସ ଶୁକ୍ରବାର ଦିନ ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ସହ ଜଡିତ “ମିଥ୍ୟା ସୂଚନା” ଦେଇଥିବାରୁ କ୍ଷମା ମାଗିଛନ୍ତି। କିଛିଦିନତଳେ ଭିଲିୟର୍ସ କହିଥିଲେ ଯେ, ବିରାଟ ଏବଂ ଅନୁଷ୍କା ଦ୍ୱିତୀୟ ସେମାନଙ୍କର ଦ୍ୱିତୀୟ ସନ୍ତାନଙ୍କୁ ସ୍ୱାଗତ କରିବାକୁ ଯାଉଛନ୍ତି।

କୋହଲିଙ୍କ ଉପରେ ଦେଇଥିବା ତାଙ୍କର ପୂର୍ବ ବିବୃତ୍ତି ବିଷୟରେ ଡି ଭିଲିୟର୍ସ କହିଛନ୍ତି ସମସ୍ତଙ୍କ ପାଇଁ ପରିବାର ପ୍ରଥମେ, ଏହା ଏକ ପ୍ରାଥମିକତା, ଯେପରି ମୁଁ ମୋର ୟୁଟ୍ୟୁବ୍ ଶୋ’ରେ ଯାହା କହିଥିଲି, ତାହା ଏକ ଭୟଙ୍କର ଭୁଲ୍ କରିଥିଲି ଏବଂ ହଁ, ଭୁଲ୍ ସୂଚନା ଦେଇଥିଲି ଯାହା ଆଦୌ ସତ୍ୟ ନୁହେଁ। କ’ଣ ଘଟୁଛି କେହି ଜାଣନ୍ତି ନାହିଁ।

ଏହାପୂର୍ବରୁ ଡି ଭିଲିୟର୍ସ କହିଥିଲେ ଯେ କୋହଲିଙ୍କ ଦ୍ୱିତୀୟ ସନ୍ତାନ ଆସିବାକୁ ଯାଉଛି ତେଣୁ ଏହା ପାରିବାରିକ ସମୟ ଏବଂ ତାଙ୍କ ପାଇଁ ଏହା ଗୁରୁତ୍ୱପୂର୍ଣ୍ଣ। ତେବେ ଭାରତୀୟ କ୍ରିକେଟ୍ ପ୍ରଶଂସକଙ୍କୁ ଏହା ଭଲ ଲାଗି ନଥିଲା।

ତେବେ ବର୍ତ୍ତମାନ ଦକ୍ଷିଣ ଆଫ୍ରିକା ନିଜର ବିବୃତ୍ତି ବଦଳାଇ ପରିସ୍ଥିତିକୁ ଶାନ୍ତ କରିବାକୁ ଚେଷ୍ଟା କରିଛନ୍ତି। ସଦ୍ୟତମ ରିପୋର୍ଟ ଅନୁଯାୟୀ, ଇଂଲଣ୍ଡ ସିରିଜରେ କୋହଲିଙ୍କ ଅନୁପସ୍ଥିତି ବଢିବାକୁ ଯାଉଛି, ବରିଷ୍ଠ ଭାରତ ବ୍ୟାଟ୍ସମ୍ୟାନ୍ ଯଥାକ୍ରମେ ରାଜକୋଟ ଏବଂ ରାଞ୍ଚିରେ ତୃତୀୟ ତଥା ଚତୁର୍ଥ ଟେଷ୍ଟ ଖେଳିବେ ନାହିଁ।

ଇଂଲଣ୍ଡ ସିରିଜ୍ ଆରମ୍ଭ ହେବାର ତିନି ଦିନ ପୂର୍ବରୁ ଜାନୁଆରୀ ୨୨ ରେ, ବିସିସିଆଇ ଘୋଷଣା କରିଥିଲା ଯେ କୋହଲି “ବ୍ୟକ୍ତିଗତ କାରଣରୁ” ପ୍ରଥମ ଦୁଇଟି ଟେଷ୍ଟରୁ ଓହରି ଯାଇଛନ୍ତି।

The post ‘ଭୟଙ୍କର ଭୁଲ୍ କରିଦେଲି’, ବିରାଟ ଦ୍ୱିତୀୟ ଥର ବାପା ହେବେ କହି କ୍ଷମା ମାଗିଲେ ଏବି ଡି ଭିଲିୟର୍ସ appeared first on Dharitri Odia News.