ମହାକାଶରେ SEX କରିପାରିବେ ମହାକାଶଚାରୀ? ନାସାର ବଡ଼ ଖୁଲାସା

ନୂଆଦିଲ୍ଲୀ,୧୪।୧: ଶତାବ୍ଦୀ ଶତାଦ୍ଦୀ ଧରି, ମଣିଷ ମହାକାଶ ପ୍ରତି ଆକର୍ଷିତ ହୋଇଆସିଛି, ଏବଂ ଏହାକୁ ଅନୁସନ୍ଧାନ କରିବାର ଏହି କୌତୁହଳ ମାନବଜାତିକୁ ମହାକାଶଯାନ ଏବଂ ଦୂରବୀକ୍ଷଣ ନିର୍ମାଣ କରିବାକୁ ପ୍ରେରଣା ଦେଇଛି। ଯେବେଠାରୁ ଆମେ ବ୍ରହ୍ମାଣ୍ଡକୁ ଅନୁସନ୍ଧାନ କରିବା ଆରମ୍ଭ କରିଛୁ, ସେବେଠାରୁ ଗୋଟିଏ ପ୍ରଶ୍ନ ସବୁବେଳେ ଉଠୁଛି, ପୃଥିବୀ ବାହାରେ ଜୀବନ ସମ୍ଭବ କି? ଯେହେତୁ ଆମେ ମଙ୍ଗଳ ଗ୍ରହକୁ ରୋଭର୍‌ ପଠାଇବାରେ ସଫଳ ହୋଇଛୁ । ଆମ ପାଖରେ ପୃଥିବୀ ପରି ଏକମାତ୍ର ଗ୍ରହ ରହିଛି। ସେଠାରେ ଜୀବନ କିପରି ଆରମ୍ଭ ହୋଇଥିଲା ସେ ବିଷୟରେ କୌତୁହଳ ସୃଷ୍ଟି ହୋଇଛି। ତଥାପି, ମଙ୍ଗଳ କିମ୍ବା ଅନ୍ୟ ଗ୍ରହକୁ ଲମ୍ବା ଯାତ୍ରା କରିବା ଦ୍ୱାରା ମଣିଷ ମହାକାଶରେ ପ୍ରଜନନ କରିପାରିବ କି ନାହିଁ ତାହା ପ୍ରଶ୍ନ ଉଠିଛି। କ’ଣ ମହାକାଶରେ ମଣିଷ ଶିଶୁ ଜନ୍ମ ନେଇପାରିବ?

ଜୀବନ ସନ୍ଧାନରେ, ଅନେକ ଦେଶ ମହାକାଶଚାରୀମାନଙ୍କୁ ମହାକାଶ ପଠାଉଛନ୍ତି। ଏପରି ପରିସ୍ଥିତିରେ, ମହାକାଶଚାରୀମାନେ କ’ଣ ସେଠାରେ ମଣିଷ ଶିଶୁକୁ ଜନ୍ମ ଦେଇପାରିବେ ନାହିଁ? ଯଦି ଛୁଆ ହୁଏ, ତେବେ କାହା ଭଳି ଦେଖାଯିବ ଏନେଇ ଅନେକଙ୍କ ମନରେ ପ୍ରଶ୍ନ ଉଙ୍କି ମାରେ। ତେବେ କେତେ ଦୂର ଏହା ସତ ଜାଣନ୍ତୁ ଏ ସମ୍ପର୍କରେ..

ମହିଳା ମହାକାଶଚାରୀମାନେ ମହାକାଶରେ ଗର୍ଭବତୀ ହୋଇପାରିବେ, କିନ୍ତୁ ସେଠାକାର ପରିବେଶ ଭ୍ରୁଣ ଉପରେ ଖରାପ ପ୍ରଭାବ ପକାଇପାରେ। ଜନ୍ମ ସମୟରେ ପିଲାଟିର ମୃତ୍ୟୁ ମଧ୍ୟ ହୋଇପାରେ। ଏହା ବ୍ୟତୀତ, ଭ୍ରୁଣ ମଧ୍ୟ ଶୂନ୍ୟ ଗୁରୁତ୍ୱାକର୍ଷଣ ଏବଂ ବିକିରଣର ବିପଦରେ ପଡ଼ିପାରେ । ମହାକାଶରେ ମହାକାଶଚାରୀଙ୍କ ମଧ୍ୟରେ ସମ୍ପର୍କ ସ୍ଥାପନ ସମ୍ପର୍କରେ ନାସାର କୌଣସି ସ୍ପଷ୍ଟ ନୀତି ନାହିଁ। ତଥାପି, ନାସା ଦାବି କରିଛି ଯେ ଏଯାଏଁ କୌଣସି ମହାକାଶଚାରୀ ମହାକାଶରେ ଏପରି କରି ନାହାଁନ୍ତି ।

ମହାକାଶରେ ଶୂନ୍ୟ ଗୁରୁତ୍ୱାକର୍ଷଣ ଯୋଗୁଁ, ମହାକାଶଚାରୀଙ୍କ ହାଡ଼ ଦୁର୍ବଳ ହେବାକୁ ଲାଗିଥାଏ । ମାତ୍ର ୬ ମାସ ମଧ୍ୟରେ ହାଡ଼ର ଘନତା ୧୨ ପ୍ରତିଶତ ହ୍ରାସ ପାଇଯାଏ। ଏପରି ପରିସ୍ଥିତିରେ, ଗର୍ଭବତୀ ମହାକାଶଚାରୀଙ୍କ ପ୍ରସବ ସମୟରେ, ପେଲଭିକ ଫ୍ଲୋଟ ହାଡ଼ ଫାଟିଯାଇପାରେ ଏବଂ ଭାଙ୍ଗିପାରେ, ଯାହା ଆଭ୍ୟନ୍ତରୀଣ ରକ୍ତସ୍ରାବ ସୃଷ୍ଟି କରିପାରେ। ଉଦାହରଣସ୍ବରୂପ, ଯଦି ଜଣେ ମଣିଷ ଶିଶୁ ମହାକାଶରେ ଜନ୍ମ ହୁଏ, ତେବେ ବିକିରଣ ଏବଂ ଶୂନ୍ୟ ଗୁରୁତ୍ୱାକର୍ଷଣ ଯୋଗୁଁ, ତା’ର ଶରୀର ଜଣେ ସାଧାରଣ ମଣିଷଠାରୁ ଭିନ୍ନ ହୋଇପାରେ। ସମ୍ଭବତଃ ତାଙ୍କ ମୁଣ୍ଡ ବଡ଼ କିମ୍ବା ଛୋଟ ମଧ୍ୟ ହୋଇପାରେ ।

The post ମହାକାଶରେ SEX କରିପାରିବେ ମହାକାଶଚାରୀ? ନାସାର ବଡ଼ ଖୁଲାସା appeared first on Dharitri Odia News.