ମା’ଙ୍କ ସହ କ୍ରିକେଟ ଖେଳୁଛନ୍ତି କ୍ରିକେଟର ଶ୍ରେୟସ ଆୟର, ଭିଡିଓ ହେଉଛି ଭାଇରଲ

ଟିମ୍ ଇଣ୍ଡିଆର ଖେଳାଳି ଶ୍ରେୟସ ଆୟର ଏବଂ ତାଙ୍କ ମା’ଙ୍କର ଏକ ଭିଡିଓ ସୋସିଆଲ ମିଡିଆରେ ଏବେ ଭାଇରଲ ହେଉଛି । ଯେଉଁଥିରେ ତାଙ୍କ ମା’ଙ୍କ ସହ ସେ କ୍ରିକେଟ ଖେଳୁଥିବା ଦେଖିବାକୁ ମିଳିଛି । ଆୟରଙ୍କୁ ଆଉଟ୍ କରିବା ପରେ ତାଙ୍କ ମାଆ ଖୁସି ଅନୁଭବ କରୁଛନ୍ତି । ଯାହା ତାଙ୍କ ପ୍ରଶଂସକମାନଙ୍କୁ ଖୁବ୍ ପସନ୍ଦ ଆସିଛି । ଯାହାର ଭିଡିଓକୁ ପଞ୍ଜାବ କିଙ୍ଗ୍ସ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛି । ଏହା ସହିତ କ୍ୟାପସନରେ ଲେଖିଛନ୍ତି ଯେ, କେବଳ ଏଥର ସରପଞ୍ଚ ବୋଲ୍ଡ ହେବା ପାଇଁ ଖରାପ ଅନୁଭବ କରି ନଥିବେ । ଏପରି ଭିଡିଓ ଦେଖିବା ପରେ ପ୍ରଶଂସକମାନେ ଅନେକ ପ୍ରତିକ୍ରିୟା ରଖିଛନ୍ତି । ଏହା ସହିତ ସେମାନଙ୍କୁ ମଜାକିଆ ଶୈଳୀରେ ପ୍ରଶଂସା କରିବା ସହ ହାର୍ଟ ଇମୋଜିକୁ ସେୟାର କରିଛନ୍ତି ।

ଅନ୍ୟପଟେ ଭାରତୀୟ ଦଳ ବର୍ତ୍ତମାନ ଇଂଲଣ୍ଡ ଗସ୍ତରେ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳୁଛି ।  ଶ୍ରେୟସ ଆୟର ଏହି ସିରିଜ୍ ପାଇଁ ଟିମ୍ ଇଣ୍ଡିଆର ସାମିଲ ହୋଇନଥିବା ଜଣାପଡିଛି । ଏହାରି ମଧ୍ୟରେ ସେ ଏବେ ଘରେ ତାଙ୍କ ପରିବାର ସହିତ ସମୟ ବିତାଉଛନ୍ତି । ଆୟରଙ୍କୁ ପୂର୍ବରୁ IPL 2025 ରେ ଖେଳୁଥିବାର ଦେଖାଯାଇଥିଲା, ଯେଉଁଠାରେ ସେ ପଞ୍ଜାବ କିଙ୍ଗସର ଅଧିନାୟକ ଥିଲେ । ତାଙ୍କ ଅଧିନାୟକତ୍ୱରେ, ପଞ୍ଜାବ କିଙ୍ଗସ ଦଳ IPL 2025 ର ଫାଇନାଲରେ ପହଞ୍ଚିବାରେ ସଫଳ ହୋଇଥିଲା । କିନ୍ତୁ ଟାଇଟଲ୍ ଯୁଦ୍ଧରେ ସେମାନଙ୍କୁ RCB ଠାରୁ ପରାଜୟର ସାମ୍ନା କରିବାକୁ ପଡିଥିଲା ।

Also Read : ବୋଲର ମହମ୍ମଦ ଶାମିଙ୍କୁ ବଡ଼ ଝଟକା, ପତ୍ନୀଙ୍କ ସପକ୍ଷରେ ରାୟ ଦେଲେ ହାଇକୋର୍ଟ

The post ମା’ଙ୍କ ସହ କ୍ରିକେଟ ଖେଳୁଛନ୍ତି କ୍ରିକେଟର ଶ୍ରେୟସ ଆୟର, ଭିଡିଓ ହେଉଛି ଭାଇରଲ appeared first on KNews Odisha.