'ମାଲିଓ୍ୱାଲଙ୍କ ଅଭିଯୋଗ ଭିତ୍ତିହୀନ': ବିଜେପି ଷଡଯନ୍ତ୍ର ରଚିଛି କହିଲା ଆପ୍‌

ନୂଆଦିଲ୍ଲୀ: ଆପ୍‌ ରାଜ୍ୟସଭା ସାଂସଦ ସ୍ୱାତୀ ମାଲିଓ୍ୱାଲଙ୍କ ଅଭିଯୋଗକୁ ଭିତ୍ତିହୀନ କହିଲା ଆମ୍‌ ଆଦମୀ ପାର୍ଟି। ଆପ୍‌ ନେତା ଆତିଶୀ କହିଛନ୍ତି ଯେ ମାଲିୱାଲ ହେଉଛନ୍ତି ବିଜେପିର ଷଡଯନ୍ତ୍ରର ଏକ ମୋହରା। ସିଏମ କେଜ୍ରିୱାଲଙ୍କ PA ବିଭବ କୁମାର ତାଙ୍କୁ ଦୁର୍ବ୍ୟବହାର ଓ ଶାରିରୀକ ଆଘାତ ଦେଇଥିବା ଅଭିଯୋଗ କରିଛନ୍ତି ମାଲିୱାଲ। 

ଏହି ଅଭିଯୋଗ ଉପରେ ଆତିଶୀ କହିଛନ୍ତି ଯେ ଅରବିନ୍ଦ କେଜ୍ରିୱାଲ ଜାମିନ ପାଇବା ପରଠାରୁ ବିଜେପି ନର୍ଭସ ହୋଇଯାଇଛି। ଏହି କାରଣରୁ ବିଜେପି ଏକ ଷଡଯନ୍ତ୍ର କରିଥିଲା। ୧୩ ମେ ସକାଳେ ସ୍ୱାତୀ ମାଲିୱାଲଙ୍କୁ ପଠାଯାଇଥିଲା। ସ୍ୱାତୀ ମାଲିୱାଲ ହେଉଛନ୍ତି ବିଜେପିର ଷଡଯନ୍ତ୍ରର ଏକ ମୋହରା।

ଆତିଶୀ କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ବିରୋଧରେ ଅଭିଯୋଗ ଆଣିବା ତାଙ୍କର ଉଦ୍ଦେଶ୍ୟ। ସେତେବେଳେ ମୁଖ୍ୟମନ୍ତ୍ରୀ ଉପଲବ୍ଧ ନଥିଲେ। ସେଥିପାଇଁ ସେ ବଞ୍ଚିଗଲେ। ତା’ପରେ ସେ ବିଭବ କୁମାରଙ୍କ ଉପରେ ଅଭିଯୋଗ କରିଛନ୍ତି। 

ସ୍ୱାତୀ ମାଲିୱାଲ କହିଛନ୍ତି ଯେ ତାଙ୍କୁ ଅତି ନିର୍ମମ ଭାବେ ମାଡ଼ ଦିଆଯାଇଥିଲା। ମାଡ଼ ମାରିବା ପରେ ତାଙ୍କୁ ଆଘାତ ଲାଗିଛି। ସେ ଲେଖିଛନ୍ତି ଯେ ତାଙ୍କ ଗୋଡ଼ ଭାଙ୍ଗିଯାଇଛି, ପୋଷାକ ଚିରିଯାଇଛି କିନ୍ତୁ ଆଜି ଆସିଥିବା ଭିଡିଓରେ ସତ୍ୟତା ଦର୍ଶାଯାଇଛି।

ସେ କହିଛନ୍ତି, “ସ୍ୱାତୀ ମାଲିୱାଲ ଭିଡିଓରେ ପୋଲିସକୁ ଧମକ ଦେଉଛନ୍ତି। ସେ ବିଭବଙ୍କୁ ଧମକ ଦେଉଛନ୍ତି ଏବଂ ତାଙ୍କ ବିରୋଧରେ ଅପମାନଜନକ ଶବ୍ଦ ବ୍ୟବହାର କରୁଛନ୍ତି। ଉଚ୍ଚ ସ୍ୱରରେ ଧମକ ଦେଉଛନ୍ତି। ତାଙ୍କୁ କେହି ସ୍ପର୍ଶ କରିନାହାନ୍ତି। ସ୍ୱାତୀ ମାଲିୱାଲଙ୍କ ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ।'

ଆତିଶୀ କହିଛନ୍ତି, “ବିଭବ ସ୍ୱାତୀ ମାଲିୱାଲଙ୍କ ବିରୋଧରେ ଅଭିଯୋଗ ଆଣିଛନ୍ତି। ୧୩ ମେ ସକାଳେ ସେ କୌଣସି ଆପଏଣ୍ଟମେଣ୍ଟ ବିନା CMଙ୍କ ବାସଭବନରେ ପହଞ୍ଚିଥିଲେ। ଯେତେବେଳେ ଅଫିସରେ କ୍ରସ୍ ଚେକ୍ କରାଯାଏ। ତାଙ୍କୁ ଫାଟକ ନିକଟରେ ଅଟକାଇ ଦିଆଯାଇଥିଲା। ସେ ଚାକିରି ହରାଇବାକୁ ଧମକ ଫାଟକ ନିକଟରେରେ ପୋଲିସକୁ ଧମକ ଦେଇଥିଲେ। ତାଙ୍କୁ ସିଏମ୍ ରେସିଡେନ୍ସର Waiting Roomରେ ରଖାଯାଇଥିଲା। Waiting Roomରେ କିଛି ସମୟ ବସିବା ପରେ ସେ ଜବରଦସ୍ତ ସିଏମ୍‌ଙ୍କ ଅଫିସ୍‌ରେ ପ୍ରବେଶ କରିବାକୁ ଚେଷ୍ଟା କରିଥିଲେ।'