ମାହିଙ୍କୁ ନେଇ ବଡ଼ ବୟାନ ଦେଲେ Zaheer Khan

ନୂଆଦିଲ୍ଲୀ,୨୦।୩: ପୂର୍ବତନ ଭାରତୀୟ ଦ୍ରୁତ ବୋଲର ଜାହିର ଖାନ IPL-୨୦୨୫ରେ ଲକ୍ଷ୍ନୌ ସୁପରଜିଆଣ୍ଟସର ପରାମର୍ଶଦାତା। ସେ ନିକଟରେ ଏକ ସାମ୍ବାଦିକ ସମ୍ମିଳନୀରେ ଏପରି କିଛି କହିଥିଲେ ଯାହା ଫ୍ରାଞ୍ଚାଇଜ ମାଲିକମାନଙ୍କୁ ଆଘାତ ଦେବ। ଏମଏସ ଧୋନିଙ୍କ ନାମ ନେଇ ସେ ଏପରି ଏକ ସତ୍ୟ କହିଛନ୍ତି ଯାହା ଲକ୍ଷ୍ନୌ ଫ୍ରାଞ୍ଚାଇଜର ଅନେକ ଲୋକଙ୍କୁ ଆଘାତ ଦେଇପାରେ।
ଧୋନି ୨୦୨୦ ମସିହାରେ ଅନ୍ତର୍ଜାତୀୟ କ୍ରିକେଟକୁ ଅଲବିଦା କହିଥିଲେ। ଏହା ପରେ, ସେ ଏବେ କେବଳ ଆଇପିଏଲ ଖେଳନ୍ତି ଏବଂ ତାଙ୍କ ପ୍ରଶଂସକମାନେ ମାହିଙ୍କ ଖେଳ ଦେଖିବା ପାଇଁ ଆଇପିଏଲ ସିଜିନ ପର୍ଯ୍ୟନ୍ତ ଅପେକ୍ଷା କରନ୍ତି। ଆଇପିଏଲ ଆସିବା ମାତ୍ରେ ପ୍ରତ୍ୟେକ ଷ୍ଟାଡିୟମରେ ଧୋନିଙ୍କ ପ୍ରଶଂସକଙ୍କ ଭିଡ଼ ଦେଖିବାକୁ ମିଳେ।
ସାମ୍ବାଦିକ ସମ୍ମିଳନୀରେ ଜାହିରଙ୍କୁ ପଚରାଯାଇଥିଲା ଯେ ଯେତେବେଳେ ଚେନ୍ନାଇ ଦଳ ଲକ୍ଷ୍ନୌର ଏକାନା ଷ୍ଟାଡିୟମକୁ ଆସନ୍ତି, ସେତେବେଳେ ଏକ ହଳଦିଆ ସମୁଦ୍ର ଦେଖାଯାଏ, ତେବେ କ’ଣ ଏଥର ଏହି ଷ୍ଟାଡିୟମରେ ନୀଳ ସମୁଦ୍ର (ଲକ୍ଷ୍ନୌର ଜର୍ସିର ରଙ୍ଗ) ଦେଖାଯାଇପାରିବ? ଏହା ଉପରେ ଜାହିର କହିଥିଲେ, ‘ଯେପର୍ଯ୍ୟନ୍ତ ଏମ ଏସ ଧୋନି ଅଛନ୍ତି, ସେପର୍ଯ୍ୟନ୍ତ ଏହା ସମ୍ଭବ ନୁହେଁ। ପ୍ରତ୍ୟେକ ଷ୍ଟାଡିୟମରେ ହଳଦିଆ ରଙ୍ଗ ଦେଖାଯିବ। ଏହା ଏପରି ରହିବ। ଅନେକ ଲୋକ ତାଙ୍କୁ ପସନ୍ଦ କରନ୍ତି। ଯେପର୍ଯ୍ୟନ୍ତ ସେ ଖେଳୁଛନ୍ତି, ସେପର୍ଯ୍ୟନ୍ତ ଏହା ଏପରି ରହିବ।’
ଏହି ପରିସ୍ଥିତି କେବଳ ଲକ୍ଷ୍ନୌରେ ନୁହେଁ ବରଂ ସବୁଠି। ଚେନ୍ନାଇ ଦଳ ଯେଉଁ ଷ୍ଟାଡିୟମକୁ ଖେଳିବାକୁ ଯାଏ, ସେଠାରେ ଧୋନୀଙ୍କ ପାଇଁ ଷ୍ଟାଡିୟମକୁ ଆସିଥିବା ସ୍ଥାନୀୟ ଦଳର ପ୍ରଶଂସକଙ୍କ ଅପେକ୍ଷା ଅଧିକ ଚେନ୍ନାଇ ପ୍ରଶଂସକ ଅଛନ୍ତି।
ଗତ ବର୍ଷ ଏପ୍ରିଲ ୧୪ ତାରିଖରେ ଚେନ୍ନାଇ ଦଳର ଲକ୍ଷ୍ନୌର ଅଟଳ ବିହାରୀ ଷ୍ଟାଡିୟମରେ ଏକ ମ୍ୟାଚ ଥିଲା। କେଏଲ ରାହୁଲ ଲକ୍ଷ୍ନୌର ଅଧିନାୟକ ଥିଲେ ଏବଂ ଋତୁରାଜ ଗାୟକୱାଡ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ଥିଲେ। କିନ୍ତୁ ଧୋନୀଙ୍କ ନାମ ସାରା ଷ୍ଟାଡିୟମରେ ପ୍ରତିଧ୍ୱନିତ ହେଉଥିଲା ଏବଂ ନୀଳ ଜର୍ସି ଅପେକ୍ଷା ଅଧିକ ପ୍ରଶଂସକ ହଳଦିଆ ଜର୍ସି ପିନ୍ଧି ଆସିଥିଲେ।

The post ମାହିଙ୍କୁ ନେଇ ବଡ଼ ବୟାନ ଦେଲେ Zaheer Khan appeared first on Dharitri Odia News.