ମୁମ୍ଵାଇରେ ନୂଆ ସମ୍ପତ୍ତି କିଣିଲେ ସାରା ଅଲି ଖାନ, ଦାମ୍ ଜାଣିଲେ ହୋଇଯିବେ ଆଶ୍ଚର୍ଯ୍ୟ...

ମୁମ୍ଵାଇ ୧୭।୧୦: ବଲିଉଡର ବବଲି ଅଭିନେତ୍ରୀ ସାରା ଅଲି ଖାନ। ବର୍ତ୍ତମାନ ସେ  ଲାଇମ ଲାଇଟ୍‌ରେ ଅଛନ୍ତି। ଅଭିନୟ ତଥା ସ୍ମାର୍ଟନେସ୍‌ ପାଇଁ ଜଣାଶୁଣା ଏହି ଅଭିନେତ୍ରୀ ବର୍ତ୍ତମାନ ମୁମ୍ବାଇରେ ନିଜର ପ୍ରପୋଟି କିଣିଛନ୍ତି। ସାରା ମୁମ୍ବାଇର ଆନ୍ଧେରି ୱେଷ୍ଟରେ ଦୁଇଟି ଅଫିସ୍ ସ୍ପେସ୍ କିଣିଛନ୍ତି। ଯାହାର ମୂଲ୍ୟ ଆପଣଙ୍କୁ ଚକିତ କରି ଦେବ । 

ସୈଫ ଅଲି ଖାନଙ୍କ ଲାଡଲୀ ସାରା ମୁମ୍ବାଇର ଆନ୍ଧେରି ୱେଷ୍ଟରେ ୨୨.୨୬ କୋଟିରେ ଦୁଇଟି କାର୍ଯ୍ୟାଳୟ କିଣିଛନ୍ତି। ସେ କିଣିଥିବା ଅଫିସ୍ ସ୍ପେସ୍‌ ଚୁକ୍ତି ମୂଲ୍ୟ ୧୧.୧୩ କୋଟି ଟଙ୍କା । ସାରା ଏଥିପାଇଁ ପ୍ରାୟ ୬୬.୮ ଲକ୍ଷ ଟଙ୍କା ଷ୍ଟାମ୍ପ ଡ୍ୟୁଟି ଦେଇଛନ୍ତି। ପ୍ରତ୍ୟେକ ୟୁନିଟର କ୍ଷେତ୍ର ପ୍ରାୟ ୨.୦୯୯ ବର୍ଗଫୁଟ ହୋଇଥିବାବେଳେ କାର୍ପେଟର କ୍ଷେତ୍ର ୧୯୦୫ ବର୍ଗଫୁଟ । ଏହି ଅଫିସ୍ ସ୍ପେସ୍ ଗୁଡିକରେ ତିନୋଟି କାର୍ ପାର୍କିଂର ସୁବିଧା ମଧ୍ୟ ଅଛି । ଏହା ୧୦ ଅକ୍ଟୋବର ୨୦୨୪ରେ ପଞ୍ଜୀକୃତ ହୋଇଥିଲା । 

ଗତ ବର୍ଷ ମଧ୍ୟ ବିନିଯୋଗ କରିଥିଲେ

ସୂଚନାଯୋଗ୍ୟ ଯେ ସାରା ପ୍ରଥମ ଥର ପାଇଁ ଏଭଳି ଅଫିସ୍ ସ୍ପେସ୍‌ କିଣି ନାହାନ୍ତି। ଗତ ବର୍ଷ ସାରା ଏବଂ ତାଙ୍କ ମା ଅମୃତା ସିଂ ଉକ୍ତ କୋଠାର ଚତୁର୍ଥ ମହଲାରେ ଏକ ଅଫିସ୍ ସ୍ପେସ୍‌ କିଣିଥିଲେ । ଯାହାର ମୂଲ୍ୟ ୯ କୋଟି ଟଙ୍କା ଥିଲା। ସେହି ସମ୍ପତ୍ତିରେ ତିନୋଟି କାର୍ ପାର୍କିଂ ସ୍ଥାନ ମଧ୍ୟ ଅନ୍ତର୍ଭୁକ୍ତ ହୋଇଥିଲା ।

ସାରା ଅଲି ଖାନଙ୍କ ପ୍ରଶଂସକଙ୍କ ପ୍ରତିକ୍ରିୟା

ସାରାଙ୍କ ଏହି ଖବର ତାଙ୍କ ପ୍ରଶଂସକଙ୍କୁ ବହୁତ ଉତ୍ସାହିତ କରିଛି | ସେ ତାଙ୍କ ସଫଳତା ପାଇଁ ବହୁତ ଖୁସି ଏବଂ ତାଙ୍କୁ ବହୁତ ପ୍ରଶଂସା ମଧ୍ୟ କରୁଛନ୍ତି ।  ତେବେ ଏପର୍ଯ୍ୟନ୍ତ ସାରା ଏବଂ ତାଙ୍କ ମା’ଙ୍କଠାରୁ କୌଣସି ଅଫିସିଆଲ ବିବୃତ୍ତି ଆସିନାହିଁ।