ମୋଦି କେବଳ ୨୦-୨୫ ଲୋକଙ୍କ ପାଇଁ, ହିମାଚଳ ପ୍ରଦେଶ ସଭାରେ ଭାଜପାକୁ ଟାର୍ଗେଟ କଲେ ରାହୁଲ

ନୂଆଦିଲ୍ଲୀ,୨୬।୫:ରାହୁଲ ଗାନ୍ଧୀ ହିମାଚଳ ପ୍ରଦେଶର ନାହାନରେ ଏକ ନିର୍ବାଚନ ରାଲିରେ ସମ୍ବୋଧିତ କରିଛନ୍ତି। ଏହି ସମୟରେ ସେ ଭାଜପା ଉପରେ ଖୁବ ବର୍ଷିଥିଲେ। ରାହୁଲ ଗାନ୍ଧୀ ତାଙ୍କ ଅଭିଭାଷଣରେ କହିଛନ୍ତି ଯେ ବିପର୍ଯ୍ୟୟ ସମୟରେ ପ୍ରଧାନମନ୍ତ୍ରୀ ମୋଦି ହିମାଚଳ ପ୍ରଦେଶକୁ ସାହାଯ୍ୟ କରିନାହାଁନ୍ତି। ରାଜ୍ୟରେ ହୋଇଥିବା ବିପର୍ଯ୍ୟୟରେ ୨୨ହଜାର ପରିବାର ପ୍ରଭାବିତ ହୋଇଥିଲେ। ବିପର୍ଯ୍ୟୟ ପ୍ରଭାବିତ ଲୋକଙ୍କୁ କେନ୍ଦ୍ର ସରକାର କିଛି ଦେଇ ନାହାଁନ୍ତି। ୯ ହଜାର କୋଟି ଟଙ୍କା କ୍ଷତି ପାଇଁ କେନ୍ଦ୍ର ସରକାର ଏପର୍ଯ୍ୟନ୍ତ କ୍ଷତିପୂରଣ ଦେଇନାହାଁନ୍ତି।
ରାହୁଲ ଗାନ୍ଧୀ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଶିଳ୍ପପତିଙ୍କ ସହଭାଗିତା ହେତୁ ଉଦ୍ୟାନୀମାନେ ଆପଲ ପାଇଁ ଉଚିତ ମୂଲ୍ୟ ପାଇପାରୁ ନାହାଁନ୍ତି। ଆପଲ ସଂରକ୍ଷଣ ପାଇଁ ସମସ୍ତ ସୁବିଧା ଶିଳ୍ପପତିମାନଙ୍କୁ ଦିଆଯାଇଛି। ସେମାନେ ଆପଲର ମୂଲ୍ୟ ନିୟନ୍ତ୍ରଣ କରୁଛନ୍ତି।
ସାଧାରଣ ସଭାକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ମୋଦି ତାଙ୍କୁ ୨୦-୨୫ଜଣଙ୍କ ପାଇଁ କାମ କରୁଥିବା ଅଭିଯୋଗ କରିଛନ୍ତି। ରାହୁଲ ଗାନ୍ଧୀ କହିଛନ୍ତି, ଦେଶର ସାତୋଟି ବିମାନବନ୍ଦର ଗୌତମ ଆଦାନୀଙ୍କ କମ୍ପାନୀକୁ ଦିଆଯାଇଥିଲା। ତାଙ୍କ କମ୍ପାନୀ ମଧ୍ୟ ଅସ୍ତ୍ରଶସ୍ତ୍ର ଉତ୍ପାଦନ କାର୍ଯ୍ୟ କରୁଛି। ସାରା ଦେଶ ଜାଣେ ଯେପର୍ଯ୍ୟନ୍ତ ନରେନ୍ଦ୍ର ମୋଦି କ୍ଷମତାରେ ଅଛନ୍ତି, ତାଙ୍କ କମ୍ପାନୀ ଲାଭ ପାଇବ।

The post ମୋଦି କେବଳ ୨୦-୨୫ ଲୋକଙ୍କ ପାଇଁ, ହିମାଚଳ ପ୍ରଦେଶ ସଭାରେ ଭାଜପାକୁ ଟାର୍ଗେଟ କଲେ ରାହୁଲ appeared first on Dharitri Odia News.