ରାଜ୍ୟରେ ବଢ଼ିଚାଲିଛି ଦୁର୍ଘଟଣା । ପ୍ରତ୍ୟେକ ଦିନ ଯାଉଛି ପ୍ରାୟ ୧୪ ଜୀବନ । ଦୁର୍ଘଟଣା ବୃଦ୍ଧିର କାରଣ?

କନକ ବ୍ୟୁରୋ: ରାଜ୍ୟରେ ବଢୁଥିବା ସଡକ ଦୁର୍ଘଟଣା ଏବେ ସମସ୍ତଙ୍କ ପାଇଁ ଚିନ୍ତାର କାରଣ ହୋଇଛି । ରବିବାର ସନ୍ଧ୍ୟାରେ ବିଭିନ୍ନ ସ୍ଥାନରେ ଦୁର୍ଘଟଣା ୭ ଜଣଙ୍କ ଜୀବନ ନେଇଛି । ତେବେ ଜାନୁଆରୀରୁ ଜୁନ ମଧ୍ୟରେ ମୃତ୍ୟୁକୁ ନେଇ ପରିବହନ ବିଭାଗ ଯେଉଁ ତଥ୍ୟ ରଖିଛି ତାହା ଉଦବେଗଜନକ ।

• ରାଜ୍ୟରେ ବଢ଼ିଚାଲିଛି ଦୁର୍ଘଟଣା
• ପ୍ରତ୍ୟେକ ଦିନ ଯାଉଛି ପ୍ରାୟ ୧୪ ଜୀବନ

ନଭେମ୍ବର ୭ ତାରିଖରେ ସୁନ୍ଦରଗଡରୁ ଏକ ହୃଦୟ ବିଦାରକ ଖବର ସାମ୍ନାକୁ ଆସିଥିଲା । ସଡକ ଦୁର୍ଘଟଣାରେ ସ୍ତ୍ରୀ, ଛୋଟ ଝିଅ ଆଗରେ ବାପାର ଜୀବନ ଚାଲିଯାଇଥିଲା । ସଡ଼କ ଦୁର୍ଘଟଣା କୁନି ଛୁଆକୁ ବାପା ଛେଉଣ୍ତ କରିଦେଇଛି। କେବଳ ଏହି ଘଟଣା ନୁହେଁ,  ଗତ କିଛି ଦିନ ମଧ୍ୟରେ ସଡକ ଦୁର୍ଘଟଣାରେ ବୃଦ୍ଧି ସମସ୍ତଙ୍କ ଚିନ୍ତା ବଢାଇଛି । ପରିବହନ ବିଭାଗର ତଥ୍ୟ ଅନୁସାରେ ଦୁର୍ଘଟଣାରେ...

• ଜାନୁଆରୀରୁ ଜୁନ ମଧ୍ୟରେ ଯାଇଛି ୩୧୯୮ ଜୀବନ
• ୫,୭୩୫ ହୋଇଛନ୍ତି ଆହତ
• ପୂର୍ବବର୍ଷ ତୁଳନାରେ ଦୁର୍ଘଟଣା ୭% ବୃଦ୍ଧି
• ସୁନ୍ଦରଗଡ଼ରେ ସର୍ବାଧିକ ଦୁର୍ଘଟଣା ରେକର୍ଡ
• ୬ ମାସରେ ସୁନ୍ଦରଗଡ଼ରେ ୨୫୪ ସଡ଼କ ଦୁର୍ଘଟଣା
• ୧୨ ଜିଲ୍ଲାରେ ଦୁର୍ଘଟଣାଜନିତ ମୃତ୍ୟୁ ଚିନ୍ତାଜନକ 

ଦୁର୍ଘଟଣା ବୃଦ୍ଧିର କାରଣ?

• ଦ୍ରୁତଗତିରେ ଗାଡି ଚାଳନା
• ଓଭରଲୋଡିଂ, ଅତ୍ୟଧିକ ମଦ୍ୟପାନ
• ଭୁଲ ରାସ୍ତାରେ ଯିବା
• ଭୁଲ ପାର୍କିଂ ଯୋଗୁଁ ରାସ୍ତା ସଙ୍କୁଚିତ ହେବା

ଏହାଛଡା ନିୟମିତ ଟ୍ରାଫିକ ଚେକିଂର ଅଭାବ ବି ଦୁର୍ଘଟଣାର କାରଣ ବୋଲି କୁହାଯାଉଛି ।  ସଡକ ଦୁର୍ଘଟଣା ରୋକିବାକୁ ବିଶେଷଜ୍ଞ ପରାମର୍ଶ ବି ଦେଇଛନ୍ତି

କେମିତି କମିବ ଦୁର୍ଘଟଣା? 

• ଆଧୁନିକ କୌଶଳର ବ୍ୟବହାର
• ପ୍ରତ୍ୟେକ ୫ କିମି ବ୍ୟବଧାନରେ ସିସିଟିଭି ଲଗାଇବା
• କଣ୍ଟ୍ରୋଲ ରୁମକୁ ସକ୍ରିୟ ରଖିବା
• ଟ୍ରାଫିକ ପୁଲିସଙ୍କୁ ସ୍ବତନ୍ତ୍ର ତାଲିମ ଦେବା
• ଟ୍ରାଫିକ ସମ୍ପର୍କିତ ନିୟମ କାନୁନକୁ ଲୋକଙ୍କ ପାଖରେ ପହଞ୍ଚାଇବା 

ରାଜ୍ୟରେ ଗତ କିଛି ଦିନ ମଧ୍ୟରେ ସଡକ ଦୁର୍ଘଟଣା ବଢିଛି । କାଲି ଆଇଆଇଟି, ମାଡ୍ରାସ ଓ ରାଜ୍ୟ ସରକାରଙ୍କ ମଧ୍ୟରେ ସଡକ ସୁରକ୍ଷା ସଚେତନତା ପାଇଁ  ଶହେ କୋଟି ଟଙ୍କାର ବୁଝାମଣା ସ୍ବାକ୍ଷର ହେବ । ଏହା ସଡକ ଦୁର୍ଘଟଣା ରୋକିବାରେ ସହାୟକ ହେବା ଆଶା କରାଯାଉଛି ।