ରାମେଶ୍ୱରମ କାଫେ ବ୍ଲାଷ୍ଟ ମାମଲା: ସାମ୍ନାକୁ ଆସିଲା ଦୁଇ ଅଭିଯୁକ୍ତଙ୍କ ଅସଲି ଫଟୋ
ଏନ୍ଆଇଏ ଏହି ଦୁଇ ଅଭିଯୁକ୍ତଙ୍କ ଫଟୋ ଜାରି କରି ୧୦ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଛି।
କର୍ଣ୍ଣାଟକର ରାଜଧାନୀ ବେଙ୍ଗାଲୁରୁର ରମେଶ୍ୱରମ୍ କାଫେରେ ହୋଇଥିବା ବିସ୍ଫୋରଣରେ ସମ୍ପୃକ୍ତ ଅଭିଯୁକ୍ତଙ୍କ ପ୍ରକୃତ ଫଟୋ ସାମ୍ନାକୁ ଆସିଛି। ଖବର ଅନୁଯାୟୀ ଏହି ମାମଲାରେ ଦୁଇ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି। ଉଭୟ ଅଭିଯୁକ୍ତ ଶିବାମୋଗାର ଆଇଏସ୍ଆଇଏସ୍ ମଡ୍ୟୁଲ୍ ସହିତ ଜଡିତ ଥିବା ସୂଚନା ମିଳିଛି।
ମୁଖ୍ୟ ଅଭିଯୁକ୍ତ ମୁସାବିର ହୁସେନ୍ ଶାଜିବ କର୍ଣ୍ଣାଟକର ଶିବାମୋଗା ଜିଲ୍ଲା ଅନ୍ତର୍ଗତ ତିର୍ଥହାଲୀର ବାସିନ୍ଦା। ଦ୍ୱିତୀୟ ଅଭିଯୁକ୍ତ ଅବଦୁଲ ମାଥେରାନ୍ ତାହା ମଧ୍ୟ ତିର୍ଥହଲ୍ଲୀର ବାସିନ୍ଦା। ଏନଆଇଏ ସୂତ୍ରରୁ ଜଣାପଡିଛି ଯେ ବିସ୍ଫୋରଣ ପୂର୍ବରୁ ଉଭୟ ଚେନ୍ନାଇର ତ୍ରିପ୍ଲିକାନରେ ଥିବା ଏକ ଲଜରେ ଥିଲେ। ବିସ୍ଫୋରଣ ପରେ ଏମାନେ ପୁଣି ଚେନ୍ନାଇକୁ ଫେରି ଆସିଥିଲେ। ଶେଷ ଥର ପାଇଁ ତାମିଲନାଡୁର ସୀମାକୁ ଲାଗି ଆନ୍ଧ୍ରପ୍ରଦେଶର ନେଲ୍ଲୋର୍ରେ ଅଭିଯୁକ୍ତଙ୍କ ଠିକଣା ସନ୍ଧାନ ହୋଇଛି।
ଏନଆଇଏ ସନ୍ଦିଗ୍ଧ ବିସ୍ଫୋରଣକାରୀଙ୍କ ଚିତ୍ର ସୋଶାଲ ମିଡିଆ ହ୍ୟାଣ୍ଡେଲ 'ଏକ୍ସ'ରେ ପୋଷ୍ଟ କରିଥିଲା ଯେଉଁଥିରେ ସେ କ୍ୟାପ, ମାସ୍କ ଏବଂ ଚଷମା ପିନ୍ଧି କାଫେ ଭିତରକୁ ଯାଉଥିବାର ନଜର ଆସିଥିଲା। ଫୋନ୍ ନମ୍ବର ଏବଂ ଇମେଲ୍ ID ଦେଇ ଏନଆଇଏ କହିଛି ଯେ ଏହି ଅଭିଯୁକ୍ତଙ୍କ ବିରୋଧରେ କୌଣସି ବି ସୂଚନା ମିଳିଲେ ଆପଣମାନେ ଏହା ଜରିଆରେ ପଠାଇ ପାରିବେ।
NIA announces cash reward of 10 lakh rupees for information about bomber in Rameshwaram Cafe blast case of Bengaluru. Informants identity will be kept confidential. pic.twitter.com/F4kYophJFt— NIA India (@NIA_India) March 6, 2024
କହିରଖୁ ଯେ, ରାମେଶ୍ୱରମ କାଫେ ବିସ୍ଫୋରଣ ମାମଲାରେ ମୁଖ୍ୟ ଅଭିଯୁକ୍ତ ବିରୋଧରେ ଏନ୍ଆଇଏ ପୁରସ୍କାର ରାଶି ଘୋଷଣା କରିସାରିଛି। ମାମଲାରେ ସନ୍ଦିଗ୍ଧ ବିସ୍ଫୋରଣକାରୀଙ୍କ ବିଷୟରେ ସୂଚନା ପ୍ରଦାନ କଲେ ୧୦ ଲକ୍ଷ ଟଙ୍କା ପୁରସ୍କାର ଦିଆଯିବ ବୋଲି ଏନ୍ଆଇଏ ଘୋଷଣା କରିଛି।
ମାର୍ଚ୍ଚ ୧ ତାରିଖରେ ବେଙ୍ଗାଲୁରୁର ବ୍ରୁକଫିଲ୍ଡରେ ଥିବା ରାମେଶ୍ୱରମ କାଫେ ଭିତରେ ଭୟଙ୍କର ବିସ୍ଫୋରଣ ଘଟିଥିଲା। ଏଥିରେ ୧୦ ଜଣ ଆହତ ହୋଇଥିଲେ। ଆଇଇଡି ଲଗାଇ ଏଠାରେ ବିସ୍ଫୋରଣ କରାଯାଇଥିବା ସନ୍ଦେହ କରାଯାଉଛି। ତେବେ ବିସ୍ଫୋରଣ ହେବାର ସପ୍ତାହ ପରେ ରାମେଶ୍ୱରମ କାଫେକୁ କଡା ସୁରକ୍ଷା ଭିତରେ ପୁଣି ଖୋଲା ଯାଇଥିଲା।
