ରାଶିଫଳ: ବୁଧବାର, ଫେବୃଆରୀ ୨୬ ତାରିଖ – Daily Horoscope
ମେଷ ଆଜି ଏକାଦଶ ସ୍ଥାନରେ ତିନୋଟି ଗ୍ରହ ଥିବାରୁ ସାମଗ୍ରିକ ସୁଖ, ସମ୍ମାନ ଲାଭରେ ସମର୍ଥ ହେବେ। ପରିସ୍ଥିତିବଶତଃ ଆଶଙ୍କା କରୁଥିବା ବିବାଦୀୟ ଘଟଣାରେ ସେମିତି କିଛି ହେବ ନାହିଁ। ଆତ୍ମୀୟଙ୍କ ପାରିବାରିକ ବିବାଦର ସମାଧାନ ପାଇଁ ଚିନ୍ତିତ ହେବେ। ବ୍ୟବସାୟ ଓ ପରିବହନରେ ପ୍ରତିଦ୍ୱନ୍ଦ୍ୱିତା ବଢ଼ିପାରେ। ବୃଷ ଆଜି ରାହୁ ଓ ଶୁକ୍ରଙ୍କ ସ୍ଥିତି ପ୍ରଭାବରୁ ଶିକ୍ଷା, ସନ୍ତାନ, ସମ୍ପର୍କକୁ କେନ୍ଦ୍ରକରି ଦୁଶ୍ଚିନ୍ତା ସୃଷ୍ଟି ହେବ। କଳା ସାହିତ୍ୟ ଓ ବାଣିଜ୍ୟ, ପରିବହନରେ ସମସ୍ୟା ସମାଧାନ […] The post ରାଶିଫଳ: ବୁଧବାର, ଫେବୃଆରୀ ୨୬ ତାରିଖ – Daily Horoscope appeared first on Dharitri Odia News.
ମେଷ
ଆଜି ଏକାଦଶ ସ୍ଥାନରେ ତିନୋଟି ଗ୍ରହ ଥିବାରୁ ସାମଗ୍ରିକ ସୁଖ, ସମ୍ମାନ ଲାଭରେ ସମର୍ଥ ହେବେ। ପରିସ୍ଥିତିବଶତଃ ଆଶଙ୍କା କରୁଥିବା ବିବାଦୀୟ ଘଟଣାରେ ସେମିତି କିଛି ହେବ ନାହିଁ। ଆତ୍ମୀୟଙ୍କ ପାରିବାରିକ ବିବାଦର ସମାଧାନ ପାଇଁ ଚିନ୍ତିତ ହେବେ। ବ୍ୟବସାୟ ଓ ପରିବହନରେ ପ୍ରତିଦ୍ୱନ୍ଦ୍ୱିତା ବଢ଼ିପାରେ।
ବୃଷ
ଆଜି ରାହୁ ଓ ଶୁକ୍ରଙ୍କ ସ୍ଥିତି ପ୍ରଭାବରୁ ଶିକ୍ଷା, ସନ୍ତାନ, ସମ୍ପର୍କକୁ କେନ୍ଦ୍ରକରି ଦୁଶ୍ଚିନ୍ତା ସୃଷ୍ଟି ହେବ। କଳା ସାହିତ୍ୟ ଓ ବାଣିଜ୍ୟ, ପରିବହନରେ ସମସ୍ୟା ସମାଧାନ ହେବ। ସରକାରୀ ସ୍ତରରୁ ଦୀର୍ଘ ପ୍ରତୀକ୍ଷା ପରେ ଆଶା କରୁଥିବା ଖବରଟି ଆଜି ପାଇପାରନ୍ତି। ପ୍ରଶାସନିକ କ୍ଷେତ୍ରରେ, ଚୁକ୍ତିପତ୍ରରେ ଦ୍ୱନ୍ଦ୍ୱ ଦୂର ହେବ। କର୍ମରେ ନିୟୋଜିତ ରହିବା ଭଲ।
ମିଥୁନ
ବୁଧ କୁମ୍ଭ ରାଶିସ୍ଥ ଯୋଗୁ କୌଣସି ଅସୁବିଧା ନ ଥିଲେ ମଧ୍ୟ ଶାରୀରିକ ଅସୁସ୍ଥତା ସବୁ କାମକୁ ବିଗାଡ଼ି ଦେବ। ନିଜେ କିଛି କରି ନ ପାରିବା ସହିତ ଅଟକି ରହିଥିବା କାମଗୁଡ଼ିକ ଯୋଗୁ ମାନସିକ ଶାନ୍ତି ବ୍ୟାହତ ହେବ। କୌଣସି ବିବାଦୀୟ କଥା ଚିନ୍ତାକରି ଅଯଥା ଅନ୍ୟମନସ୍କ ରହିପାରନ୍ତି। ପାରିବାରିକ ମତାନ୍ତରରୁ ବିତର୍କ ସୃଷ୍ଟି ହେବାର ସମ୍ଭାବନା ରହିଛି।
କର୍କଟ
ଆଜିର ଚନ୍ଦ୍ର ରାଶିକୁ ଦେଖୁଥିବାରୁ ଯେଉଁ କାମରେ ହାତ ଦେବେ ତାହା ସମାପନ ହୋଇପାରିବ। ଆଗାମୀ ମାଙ୍ଗଳିକ କାମ ସକାଶେ ଗୃହସଜ୍ଜା, ଗାଡ଼ି ମରାମତି, ଜମିଜମା କିଣା, ବିକା ପ୍ରତି ଆଗ୍ରହ ବଢ଼ିପାରେ। ବାରମ୍ବାର ଅସଫଳ ହେତୁ ମନ ଅସ୍ଥିର ରହିବ। ବନ୍ଧୁଙ୍କ କାମ ସକାଶେ ବାହାରକୁ ଯିବାକୁ ପଡ଼ିପାରେ।
ସି˚ହ
ରାଶିକୁ ରବି ଅବଲୋକନ କରୁଥିବାରୁ ଆପଣଙ୍କ ଶାଳୀନତାପୂର୍ଣ୍ଣ ବ୍ୟବହାର ଅନ୍ୟମାନଙ୍କୁ ଆକର୍ଷିତ କରିବ। ବାଧ୍ୟବାଧକତାବଶତଃ କର୍ମକ୍ଷେତ୍ରରେ ଅପ୍ରିୟ ସତକଥା କହି ବିରୋଧୀ ହୋଇପାରନ୍ତି। ମଘା ନକ୍ଷତ୍ର ଆତ୍ମୀୟଙ୍କ ସହ ସମ୍ପର୍କ ହାନି ଯୋଗୁ ଚିନ୍ତା ପ୍ରକଟ କରିପାରନ୍ତି। ସାହିତ୍ୟ, କଳା ଓ ରଚନାତ୍ମକ କାମରେ ପ୍ରଶଂସା ପାଇବେ।
କନ୍ୟା
ଭାଗ୍ୟସ୍ଥାନରେ ବୃହସ୍ପତିଥିବାରୁ ପରିବାରରୁ ଆଦର, ବାହାର ଲୋକଙ୍କଠାରୁ ସମ୍ମାନ, ବ୍ୟବସାୟରେ ଉନ୍ନତି, କର୍ମକ୍ଷେତ୍ରରେ ପ୍ରଗତିର ସୂଚନା ରହିଛି। ମିତ୍ରମାନେ ପରୋକ୍ଷ ଭାବେ ଶତ୍ରୁତା ଆଚରଣ କରିପାରନ୍ତି। ସକାଳୁ ବନ୍ଧୁଙ୍କ ସହ ସୁଖଭ୍ରମଣ ଯୋଗ ରହିଛି। ଅନ୍ୟଦ୍ୱାରା ପ୍ରରୋଚିତ ହୋଇ କାମକଲେ ଅପଦସ୍ଥ ହେବାର ଆଶଙ୍କାକୁ ଏଡ଼ିହେବ ନାହିଁ।
ତୁଳା
ଆଜି ଶୁକ୍ରଯୁକ୍ତ ରାହୁ ହେତୁ ପାଇବେ ଯେମିତି ଖର୍ଚ୍ଚ ମଧ୍ୟ କରିବେ ସେମିତି। କିନ୍ତୁ କେତେକ କ୍ଷେତ୍ରରେ ଅନ୍ୟମାନଙ୍କ ଭୁଲ୍ ଧାରଣା ଯୋଗୁ ଭଲ କାମକରି ମଧ୍ୟ ନିନ୍ଦା ଶୁଣିବାକୁ ପଡ଼ିପାରେ। ଚଳଚ୍ଚିତ୍ର, ସାହିତ୍ୟ, ସାମ୍ବାଦିକତା, କଳା, ସଙ୍ଗୀତ କ୍ଷେତ୍ରରୁ ସୁଫଳ ମିଳିବ। ସନ୍ତାନଙ୍କ ସ୍ବାସ୍ଥ୍ୟ ଓ ଏକଜିଦିଆ ସ୍ବଭାବ ଯୋଗୁ ବିଚଳିତ ହୋଇପାରନ୍ତି।
ବିଛା
ଆଜି ଅନୁକୂଳ ଗ୍ରହସ୍ଥିତିରୁ ପ୍ରତ୍ୟେକ କ୍ଷେତ୍ରରେ ସୁଖ,ସୁବିଧା ଓ ସମ୍ମାନ ଲାଭକରି ଉପକୃତ ହେବେ। କର୍ମକ୍ଷେତ୍ରରେ ସାଧାରଣ କଥାକୁ କେନ୍ଦ୍ରକରି ସହକର୍ମୀଙ୍କ ସହ ବିବାଦ ହୋଇପାରେ। ଅଦାଲତର ରାୟ ଆପଣଙ୍କ ସପକ୍ଷରେ ଯାଇପାରେ। ଶତ୍ରୁତା କରୁଥିବା ଲୋକମାନଙ୍କ ମିଥ୍ୟା ଗୁଜବରେ ଆତଙ୍କିତ ହୁଅନ୍ତୁ ନାହିଁ।
ଧନୁ
ଦୁଃସ୍ଥାନସ୍ଥ ଗୁରୁଙ୍କ ଯୋଗୁ କାମ ଶୃଙ୍ଖଳିତ ହେବାରେ ପ୍ରତିବନ୍ଧକ ଆସିପାରେ। ତଥାପି ଉତ୍ତରାଷାଢା ନକ୍ଷତ୍ର ଅଯାଚିତ ଭାବରେ ବନ୍ଧୁଙ୍କ ସହଯୋଗ ପାଇ ସ୍ଥଗିତ କାମକୁ ତ୍ୱରାନ୍ବିତ କରିବେ। ସ୍ବାସ୍ଥ୍ୟ ସମସ୍ୟା ଯୋଗୁ ମାନସିକ ସୁସ୍ଥତା ବ୍ୟାହତ ହେବ। ନିଜର ଅସୁସ୍ଥ ମାନସିକତା କାରଣରୁ ପରକଥାରେ ପଡ଼ି ନିଜ ଲୋକଙ୍କୁ ଭୁଲ୍ ବୁଝିପାରନ୍ତି।
ମକର
ଆପଣଙ୍କର କୌଣସି ଅସୁବିଧା ନ ଥିଲେ ମଧ୍ୟ ମୂଲ୍ୟହୀନ କଥାକୁ ଗୁରୁ୍ତ୍ୱ ଦେଇ ମାନସିକ ଚାପରେ ରହିବେ। ଆଜିର ପ୍ରତ୍ୟୁଷ ଯାତ୍ରାରେ ସଫଳତା ପାଇବେ ଓ ଲକ୍ଷ୍ୟ ପୂରଣ ହେବ। ପ୍ରତିବେଶୀଙ୍କ ସହ ସମ୍ପର୍କ ମଧୁର ରହିବାରେ କୌଶଳପୂର୍ଣ୍ଣ କାର୍ଯ୍ୟକଳାପ ସହାୟକ ହେବ। ସହକର୍ମୀଙ୍କ ଆଭ୍ୟନ୍ତରୀଣ ବ୍ୟାପାରରେ ମୁଣ୍ଡ ପୂରାନ୍ତୁ ନାହିଁ।
କୁମ୍ଭ
କର୍ମାଧିପ କୋଣଭାବସ୍ଥ ଯୋଗୁ କର୍ମକ୍ଷେତ୍ରରେ କୌଶଳ ପ୍ରୟୋଗ କରି ସମସ୍ୟାକୁ ସୁଧାରି ନେବେ। ବ୍ୟବସାୟରେ ନୂତନ ଦିଗନ୍ତ ସୃଷ୍ଟି ହେବ ଏବଂ ଆଶାର ଆଲୋକ ଦେଖିବେ। ବିବାଦୀୟ କଥାରେ ମୁଣ୍ଡ ପୂରାଇଲେ ସମସ୍ୟା ଭିତରକୁ ଟାଣିହୋଇପାରନ୍ତି। ପିଲାମାନଙ୍କ ସଫଳତାରେ ଆନନ୍ଦ ଅନୁଭବ କରି ଖୁସି ରହିବେ।
ମୀନ
ବୃହସ୍ପତିଙ୍କ ନବମକୁ ଦୃଷ୍ଟିଥିବାରୁ ଆଜି ପୂର୍ବଦିନଗୁଡ଼ିକ ଅପେକ୍ଷା ଭଲ ରହିବ। ପୂର୍ବଭାଦ୍ରପଦ୍ ନକ୍ଷତ୍ର ପାରିବାରିକ ସ୍ଥିତିରେ ସମସ୍ୟା ସମାଧାନ ସକାଶେ ବ୍ୟସ୍ତ ହୋଇପଡ଼ିବେ। ଅଫିସରେ ଥିବା ସମୟରେ ଭୁଲ୍ ଖବର ପାଇ ସାମୟିକ ଭାବରେ ବିବ୍ରତ ହୋଇପାରନ୍ତି। ପୈତୃକ ସମ୍ପତ୍ତିକୁ କେନ୍ଦ୍ର କରି ଭ୍ରାତୃବର୍ଗ ଦ୍ୱାରା ସମସ୍ୟା ସୃଷ୍ଟି ହୋଇପାରେ।
The post ରାଶିଫଳ: ବୁଧବାର, ଫେବୃଆରୀ ୨୬ ତାରିଖ – Daily Horoscope appeared first on Dharitri Odia News.
