'ଲାପତା ଲେଡିଜ୍‌' ଉପରେ କାହାଣୀ ଚୋରି ଅଭିଯୋଗ, ସୋସିଆଲ ମିଡିଆରେ ଟ୍ରୋଲ ହେଲେ କିରଣ ରାଓ

ମୁମ୍ଵାଇ ୦୩।୦୪: ଅମୀର ଖାନଙ୍କ ପ୍ରଡକ୍ସନରେ ନିର୍ମିତ ଏବଂ କିରଣ ରାଓଙ୍କ ନିର୍ଦ୍ଦେଶିତ ଫିଲ୍ମ 'ଲାପତା ଲେଡିଜ୍'। ୨୦୨୪ ମସିହାରେ ସିନେମା ହଲରେ ମୁକ୍ତିଲାଭ କରିଥିଲା । ଦର୍ଶକ ଏହାର କାହାଣୀକୁ ପସନ୍ଦ କରିଥିଲେ ଏବଂ ଏହି ଫିଲ୍ମକୁ ଓସ୍କାର ପାଇଁ ଭାରତର ଆଧିକାରିକ ପ୍ରବେଶ ମଧ୍ୟ କରାଯାଇଥିଲା। ତଥାପି, ଏହା ପ୍ରଥମ ରାଉଣ୍ଡରେ ହିଁ ବାଦ ପଡ଼ିଥିଲା । ଏବେ ଏହି ଫିଲ୍ମଟି ଏକ ନୂଆ ବିବାଦରେ ଫସିଛି । 'ଲାପତା ଲେଡିଜ୍' ଉପରେ ଏକ ବିଦେଶୀ ଫିଲ୍ମର କାହାଣୀକୁ କପି କରିବାର ଅଭିଯୋଗ ଆସିଛି । "ଲାପତା ଲେଡିଜ୍" ଉପରେ ୨୦୧୯ ଆରବୀୟ ଚଳଚ୍ଚିତ୍ର "ବୁର୍ଖା ସିଟି"ର କପି କରିବାର ଅଭିଯୋଗ ଆସିଛି । ଏନେଇ ସୋସିଆଲ ମିଡିଆରେ ଝଡ଼ ସୃଷ୍ଟି ହୋଇଛି।

ଭାଇରାଲ୍ କ୍ଲିପ୍‌ରୁ ଜଣାପଡ଼ିଛି ଯେ ଏହି ଆରବିକ୍ ଫିଲ୍ମଟି ଜଣେ ନବବିବାହିତ ପୁରୁଷତାଙ୍କ ସ୍ତ୍ରୀଙ୍କୁ ଖୋଜିବା ପାଇଁ ଘୂରି ବୁଲିଛି ।ଯେତେବେଳେ ତାଙ୍କ ସ୍ତ୍ରୀଙ୍କ ସ୍ଥାନରେ ଭୁଲବଶତଃ ଅନ୍ୟ ଜଣେ ବୁର୍ଖା ପିନ୍ଧିଥିବା ମହିଳା ଆସିଯାଆନ୍ତି । ଭିଡିଓଟି ସୋସିଆଲ ମିଡିଆରେ ଆସିବା ପରେ, ୟୁଜର୍ସମାନେ ଏଥିରେ ପ୍ରତିକ୍ରିୟା ପ୍ରକାଶ କରିଥିଲେ ଏବଂ କହିଛନ୍ତି ଯେ କିରଣ ରାଓ କ'ଣ କୌଣସି ଆରବିକ ଫିଲ୍ମରୁ ଏହି ଧାରଣାକୁ କପି କରିଛନ୍ତି କି ?

This is how Kiran Rao, ex-wife of Aamir Khan, turned everything bad about Burqa into everything wrong with Ghunghat.

Kiran Rao shamelessly copied Burqa City (2019) and made Laapataa Ladies (2023).

Disappointingly, many right minded people fell for this. pic.twitter.com/BsnOzLgZ8J— Tushar ॐ♫₹ (@Tushar_KN) April 1, 2025

ନେଟିଜେନମାନେ ବିଶ୍ୱାସ କରନ୍ତି ଯେ ଫିଲ୍ମର ମୁଖ୍ୟ ଧାରଣା ୨୦୧୯ ଫରାସୀ-ଆରବୀୟ କ୍ଷୁଦ୍ର ଚଳଚ୍ଚିତ୍ର 'ବୁର୍ଖା ସିଟି'ରୁ ନିଆଯାଇଛି । ୨୦୧୯ରେ ମୁକ୍ତିଲାଭ କରିଥିବା ୧୯ ମିନିଟର ଏକ କ୍ଷୁଦ୍ର ଚଳଚ୍ଚିତ୍ର 'ବୁର୍ଖା ସିଟି', ଜଣେ ପୁରୁଷଙ୍କ ନୂଆ ବଧୂକୁ ଭୁଲବଶତଃ ଅନ୍ୟ ଜଣେ ମହିଳାଙ୍କ ସହିତ ବଦଳାଇବାର କାହାଣୀ କହେ କାରଣ ସେମାନେ ଦୁହେଁ ବୁର୍ଖା ପିନ୍ଧିଛନ୍ତି । ଏହି ଚଳଚ୍ଚିତ୍ରଟି ଏକ ବ୍ୟଙ୍ଗାତ୍ମକ ହାସ୍ୟରସ ଥିଲା ଏବଂ ଏହାର ବାର୍ତ୍ତା ସମାଜରେ ମହିଳାଙ୍କ ସ୍ଥିତିକୁ ବ୍ୟଙ୍ଗ କରିଥିଲା । 'ଲାପତା ଲେଡିଜ୍'ର କାହାଣୀ ମଧ୍ୟ ସମାନ । ଚଳଚ୍ଚିତ୍ରରେ, ଦୁଇଜଣ ବଧୂ ଭୁଲବଶତଃ ବଦଳି ଯାଆନ୍ତି । କାରଣ ଉଭୟେ ବଧୂ ବେଶରେ ରହିଥାନ୍ତି । ଏହି ସମାନତା ଦେଖି ଲୋକମାନେ ଏହାକୁ 'ବୁର୍ଖା ସିଟି'ର ଏକ କପି ବୋଲି କହୁଛନ୍ତି ।