ଶାନ୍ତି, ଏକତାର ବାର୍ତ୍ତା ଦିଏ ଗ୍ଲୋବାଲ ଫ୍ୟାମିଲି ଡେ’

ଆଜି ସମଗ୍ର ବିଶ୍ୱରେ ଲୋକମାନେ ନୂଆବର୍ଷର ପ୍ରଥମ ସକାଳକୁ ଉପଭୋଗ କରୁଛନ୍ତି। ଲୋକମାନେ ସେମାନଙ୍କର ବନ୍ଧୁ, ପରିବାର ଏବଂ ଘନିଷ୍ଠ ବ୍ୟକ୍ତିଙ୍କ ଏହି ବିଶେଷ ଦିନ ପାଳନ କରୁଛନ୍ତି। ନୂତନ ବର୍ଷ ସହିତ ‘ଗ୍ଲୋବାଲ ଫ୍ୟାମିଲି ଡେ’ ମଧ୍ୟ ବର୍ଷର ପ୍ରଥମ ଦିନରେ ଅର୍ଥାତ୍‌ ଜାନୁଆରୀ ୧ରେ ପାଳନ କରାଯାଉଛି।

ଏହି ଦିନ ପରିବାର ମାଧ୍ୟମରେ ଜାତି ଏବଂ ସଂସ୍କୃତି ମଧ୍ୟରେ ଏକତା, ସମ୍ପ୍ରଦାୟ ଏବଂ ଭାଇଚାରା ଭାବନା ସୃଷ୍ଟି କରେ। ଦୁନିଆରେ ଶାନ୍ତି ବଜାୟ ରଖିବା ପାଇଁ ଏକ ପରିବାର ଗଠନ କରିବା ଆବଶ୍ୟକ। ଯାହାଫଳରେ ବିଶ୍ୱରେ ଶାନ୍ତି ପ୍ରତିଷ୍ଠା ହେବା ସହିତ ହିଂସା ମଧ୍ୟ ହ୍ରାସ ପାଇବ।

ବିଶ୍ୱ ଏକତା ଦିବସ ବିଶ୍ୱକୁ ଏକତାର ସକାରାତ୍ମକ ବାର୍ତ୍ତା ଦିଏ ଯେ, ଆମେ ସମସ୍ତେ ଏକ। ସଂସ୍କୃତି ଏବଂ ଧର୍ମ ସମଗ୍ର ବିଶ୍ୱରେ ଭିନ୍ନ ହୋଇପାରେ କିନ୍ତୁ ସମଗ୍ର ମାନବ ଜାତି ହେଉଛି ଏକ ବଡ଼ ପରିବାର। ଯାହା ଏକାଠି ହେଲେ ହିଁ ବଞ୍ଚିପାରିବ ଏବଂ ସଫଳ ହୋଇପାରିବ। କେବଳ ଶାନ୍ତି ଏବଂ ଏକତାର ବାର୍ତ୍ତା ଜରିଆରେ ଏହି ଲକ୍ଷ୍ୟ ହାସଲ କରିହେବ।

୧୯୯୭ରେ ଏହା ଆରମ୍ଭ ହୋଇଥିଲା। ଯେତେବେଳେ ମିଳିତ ଜାତିସଂଘର ସାଧାରଣ ସଭା ନୂତନ ସହସ୍ର ବର୍ଷର ପ୍ରଥମ ଦିନରୁ ଶାନ୍ତି ଏବଂ ସଂସ୍କୃତିର ଅହିଂସା ସଂସ୍କୃତି ପାଇଁ ଅନ୍ତର୍ଜାତୀୟ ଦଶନ୍ଧି ଆରମ୍ଭ କରିଥିଲା। ଆମେରିକାରେ ଏହାକୁ ପ୍ରୋତ୍ସାହିତ କରିବାରେ ଲିଣ୍ଡା ଗ୍ରୋଭର ଏକ ପ୍ରମୁଖ ବ୍ୟକ୍ତିତ୍ୱ ଥିଲେ ଏବଂ ଏହାକୁ ପ୍ରୋତ୍ସାହିତ କରିବା ପାଇଁ ‘ଓ୍ବାନ୍‌ ଡେ’ ଇନ୍‌ ପିସ୍‌ 1 ଜାନୁଆରୀ 2000’ ଭଳି ପୁସ୍ତକ ପ୍ରକାଶ ପାଇଥିଲା। ଭବିଷ୍ୟତରେ କେବଳ ଶାନ୍ତି ରହିବ ଏବଂ ଯୁଦ୍ଧ ହେବ ନାହିଁ।

ଅବଶ୍ୟ ଏହା ଏକ ନୂତନ ଶାନ୍ତିପୂର୍ଣ୍ଣ ଜଗତର ଆରମ୍ଭ ଥିଲା ଏବଂ ୧୯୯୯ରେ ଜାତିସଂଘର ସମସ୍ତ ସଦସ୍ୟ ଆନୁଷ୍ଠାନିକ ଭାବରେ ସେହି ନିର୍ଦ୍ଦିଷ୍ଟ ବର୍ଷର ପ୍ରଥମ ଦିନକୁ ଶାନ୍ତି ପ୍ରତିଷ୍ଠା ଦିଗରେ ରଣନୀତି ପ୍ରସ୍ତୁତ କରିବାକୁ ନିମନ୍ତ୍ରଣ ପାଇଲେ। ଦିନର ସକାରାତ୍ମକ ପ୍ରଭାବ ଦେଖି ‘ଗ୍ଲୋବାଲ ଡେ’ ଅଫ୍‌ ଫ୍ୟାମିଲି-୨୦୦୧’ରେ ମିଳିତ ଜାତିସଂଘ ଦ୍ୱାରା ବାର୍ଷିକ କାର୍ଯ୍ୟକ୍ରମ ଘୋଷିତ ହୋଇଥିଲା। ସେହିଦିନଠାରୁ ଏହା ପାଳନ କରାଯାଉଛି।

The post ଶାନ୍ତି, ଏକତାର ବାର୍ତ୍ତା ଦିଏ ଗ୍ଲୋବାଲ ଫ୍ୟାମିଲି ଡେ’ appeared first on Dharitri Odia News.