‘ସବୁଠୁ ବଡ଼ ମଜାକ୍...’, ସିଏମ୍ ମମତାଙ୍କ ପ୍ରଦର୍ଶନ ଉପରେ ରାଜ୍ୟପାଳ ଆନନ୍ଦ ବୋଷଙ୍କ ବୟାନ

ନୂଆଦିଲ୍ଲୀ: କୋଲକାତାରେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା ମାମଲାରେ ସାରା ଦେଶରେ ଆକ୍ରୋଶ ରହିଛି । ଦେଶ ତମାମ ଡାକ୍ତରଙ୍କ ଆନ୍ଦୋଳନ ଏବଂ ପ୍ରଦର୍ଶନ ଜାରି ରହିଛି । ଏହାରି ଭିତରେ କୋଲକାତା ବି ରାଜନୈତିକ ସଂଗ୍ରାମ ଜାରି ରହିଛି । ସିଏମ୍ ମମତା ବାନାର୍ଜୀ ଏବଂ ବିଜେପି ଉଭୟ ରାସ୍ତାକୁ ଓହ୍ଲାଇଛନ୍ତି । ରାଜ୍ୟର ଶାସନରେ ଥାଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ନ୍ୟାୟ ଦାବି କରି ରାସ୍ତାକୁ ଓହ୍ଲାଇଛନ୍ତି । ଅନ୍ୟପଟେ ବିଜେପି ମଧ୍ୟ ମମତା ବାନାର୍ଜୀଙ୍କ ଘର ଯାଏ ମୋର୍ଚ୍ଚା ବାହାର କରିଛି ।

ଏହାରି ଭିତରେ ଏବେ ପଶ୍ଚିମବଙ୍ଗ ରାଜ୍ୟପାଳ କୋଲକାତା ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନ ଉଠାଇଛନ୍ତି ଏବଂ ମମତା ସରକାରଙ୍କୁ ମଧ୍ୟ ଟାର୍ଗେଟ୍ କରିଛନ୍ତି । ଶୁକ୍ରବାର ଇଣ୍ଡିଆ ଟୁଡେକୁ ପ୍ରତିକ୍ରିୟା ଦେଇ ରାଜ୍ୟପାଳ ସି.ଭି.ଆନନ୍ଦ ବୋଷ କହିଛନ୍ତି ଟିଏମସି ସୁପ୍ରିମୋ ମମତା ବାନାର୍ଜୀ ‘ଜ୍ୟାକଲ ଆଣ୍ଡ ହାଇଡ୍’ ପରି ବ୍ୟବହାର କରୁଛନ୍ତି ।

ରାଜ୍ୟପାଳ କହିଛନ୍ତି ଯେ ମମତା ବାନାର୍ଜୀଙ୍କ ଦାବି ଯେ ପ୍ରଥମେ ଅଭିଯୁକ୍ତକୁ ଫାଶୀ ଦିଆଯାଉ ଏବଂ ପରେ ମୋକଦ୍ଦମାରୁ ଜାରି ରଖାଯାଉ । ଏହା ନିକଟ ଅତୀତରେ ତାଙ୍କ ଦ୍ୱାରା କରାଯାଇଥିବା ସବୁଠୁ ବଡ଼ ପରିହାସର ବିଷୟ । ସି.ଭି.ବୋଷ କହିଛନ୍ତି, 'ମୁଖ୍ୟମନ୍ତ୍ରୀ ଏହା ଦାବି ଯେ ବ୍ୟକ୍ତିକୁ ଫାଶୀ ଦିଆଯାଉ ଏବଂ ପରେ ମୋକଦ୍ଦମା ଜାରି ରଖାଯାଉ, ରୋମନ ଶାସକଙ୍କ କଥା ପରି ଲାଗୁଛି । ମଖ୍ୟମନ୍ତ୍ରୀ ଜ୍ୟାକଲ ଏବଂ ହାଇଡ୍ ପରି ବ୍ୟବହାର କରୁଛନ୍ତି, ବାକି କିଏ କଣ ଲୋକେ ଜାଣିଛନ୍ତି ।'

ଉଲ୍ଲେଖଯୋଗ୍ୟ ଯେ ୧୮୮୬ରେ ରବର୍ଟ ଷ୍ଟିଭେନସନଙ୍କ ଏକ ଉପନ୍ୟାସ ଆସିଥିଲା, ଯାହାର ନାଁ ଷ୍ଟ୍ରେଞ୍ଜ କେସ୍ ଅଫ୍ ଡ.ଜ୍ୟାକଲ ଆଣ୍ଡ ମିଷ୍ଟର ହାଇଡ୍ ଥିଲା । ସ୍କଟିସ୍ ଲେଖକଙ୍କ ଏହି ଉପନ୍ୟାସ ବହୁ ଲୋକପ୍ରିୟ ହୋଇଥିଲା । ଏହି ଉପନ୍ୟାସ ଦୁଇଟି ବିରୋଧୀ ଚରିତ୍ର-ଦୟାଳୁ ଏବଂ ସମ୍ମାନନୀୟ ଡାକ୍ତର ଜ୍ୟାକଲ ଏବଂ ହତ୍ୟାକାରୀ କ୍ରୁର ହାଇଡ୍ ଉପରେ କେନ୍ଦ୍ରିତ ଥିଲା । ଏହି ନୋବେଲ୍ ଅଧାରରେ ଜଣେ ବ୍ୟକ୍ତିର ଦୁଇ ଭିନ୍ନ ବ୍ୟକ୍ତିତ୍ୱକୁ 'ଜ୍ୟାକଲ୍ ଏବଂ ହାଇଡ୍' ବୋଲି କୁହାଯାଏ ।